| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
9. அரஞ்ஞஸுத்தங்
9. Araññasuttaṃ
262. ‘‘சதூஹி , பி⁴க்க²வே, த⁴ம்மேஹி ஸமன்னாக³தோ பி⁴க்கு² நாலங் அரஞ்ஞவனப்பத்தா²னி பந்தானி ஸேனாஸனானி படிஸேவிதுங். கதமேஹி சதூஹி? காமவிதக்கேன, ப்³யாபாத³விதக்கேன, விஹிங்ஸாவிதக்கேன, து³ப்பஞ்ஞோ ஹோதி ஜளோ ஏலமூகோ³ – இமேஹி கோ², பி⁴க்க²வே, சதூஹி த⁴ம்மேஹி ஸமன்னாக³தோ பி⁴க்கு² நாலங் அரஞ்ஞவனப்பத்தா²னி பந்தானி ஸேனாஸனானி படிஸேவிதுங்.
262. ‘‘Catūhi , bhikkhave, dhammehi samannāgato bhikkhu nālaṃ araññavanappatthāni pantāni senāsanāni paṭisevituṃ. Katamehi catūhi? Kāmavitakkena, byāpādavitakkena, vihiṃsāvitakkena, duppañño hoti jaḷo elamūgo – imehi kho, bhikkhave, catūhi dhammehi samannāgato bhikkhu nālaṃ araññavanappatthāni pantāni senāsanāni paṭisevituṃ.
‘‘சதூஹி, பி⁴க்க²வே, த⁴ம்மேஹி ஸமன்னாக³தோ பி⁴க்கு² அலங் அரஞ்ஞவனப்பத்தா²னி பந்தானி ஸேனாஸனானி படிஸேவிதுங். கதமேஹி சதூஹி? நெக்க²ம்மவிதக்கேன, அப்³யாபாத³விதக்கேன, அவிஹிங்ஸாவிதக்கேன , பஞ்ஞவா ஹோதி அஜளோ அனேலமூகோ³ – இமேஹி கோ², பி⁴க்க²வே, சதூஹி த⁴ம்மேஹி ஸமன்னாக³தோ பி⁴க்கு² அலங் அரஞ்ஞவனப்பத்தா²னி பந்தானி ஸேனாஸனானி படிஸேவிது’’ந்தி. நவமங்.
‘‘Catūhi, bhikkhave, dhammehi samannāgato bhikkhu alaṃ araññavanappatthāni pantāni senāsanāni paṭisevituṃ. Katamehi catūhi? Nekkhammavitakkena, abyāpādavitakkena, avihiṃsāvitakkena , paññavā hoti ajaḷo anelamūgo – imehi kho, bhikkhave, catūhi dhammehi samannāgato bhikkhu alaṃ araññavanappatthāni pantāni senāsanāni paṭisevitu’’nti. Navamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 5-10. குலஸுத்தாதி³வண்ணனா • 5-10. Kulasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 4-10. மாலுக்யபுத்தஸுத்தாதி³வண்ணனா • 4-10. Mālukyaputtasuttādivaṇṇanā
