| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૯. અરઞ્ઞાયતનઇસિસુત્તવણ્ણના
9. Araññāyatanaisisuttavaṇṇanā
૨૫૫. નવમે પણ્ણકુટીસુ સમ્મન્તીતિ હિમવન્તપદેસે રમણીયે અરઞ્ઞાયતને રત્તિટ્ઠાનદિવાટ્ઠાનચઙ્કમનાદીહિ સમ્પન્નાસુ પણ્ણસાલાસુ વસન્તિ. સક્કો ચ દેવાનમિન્દો વેપચિત્તિ ચાતિ ઇમે દ્વે જના જામાતિકસસુરા કાલેન કલહં કરોન્તિ, કાલેન એકતો ચરન્તિ, ઇમસ્મિં પન કાલે એકતો ચરન્તિ. પટલિયોતિ ગણઙ્ગણૂપાહના. ખગ્ગં ઓલગ્ગેત્વાતિ ખગ્ગં અંસે ઓલગ્ગેત્વા. છત્તેનાતિ દિબ્બસેતચ્છત્તેન મત્થકે ધારયમાનેન. અપબ્યામતો કરિત્વાતિ બ્યામતો અકત્વા. ચિરદિક્ખિતાનન્તિ ચિરસમાદિણ્ણવતાનં. ઇતો પટિક્કમ્માતિ ‘‘ઇતો પક્કમ પરિવજ્જય, મા ઉપરિવાતે તિટ્ઠા’’તિ વદન્તિ. ન હેત્થ દેવાતિ એતસ્મિં સીલવન્તાનં ગન્ધે દેવા ન પટિક્કૂલસઞ્ઞિનો, ઇટ્ઠકન્તમનાપસઞ્ઞિનોયેવાતિ દીપેતિ. નવમં.
255. Navame paṇṇakuṭīsu sammantīti himavantapadese ramaṇīye araññāyatane rattiṭṭhānadivāṭṭhānacaṅkamanādīhi sampannāsu paṇṇasālāsu vasanti. Sakko ca devānamindo vepacitti cāti ime dve janā jāmātikasasurā kālena kalahaṃ karonti, kālena ekato caranti, imasmiṃ pana kāle ekato caranti. Paṭaliyoti gaṇaṅgaṇūpāhanā. Khaggaṃ olaggetvāti khaggaṃ aṃse olaggetvā. Chattenāti dibbasetacchattena matthake dhārayamānena. Apabyāmato karitvāti byāmato akatvā. Ciradikkhitānanti cirasamādiṇṇavatānaṃ. Ito paṭikkammāti ‘‘ito pakkama parivajjaya, mā uparivāte tiṭṭhā’’ti vadanti. Na hettha devāti etasmiṃ sīlavantānaṃ gandhe devā na paṭikkūlasaññino, iṭṭhakantamanāpasaññinoyevāti dīpeti. Navamaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૯. અરઞ્ઞાયતનઇસિસુત્તં • 9. Araññāyatanaisisuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૯. અરઞ્ઞાયતનઇસિસુત્તવણ્ણના • 9. Araññāyatanaisisuttavaṇṇanā
