| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
(19) 4. அரஞ்ஞவக்³கோ³
(19) 4. Araññavaggo
1. ஆரஞ்ஞிகஸுத்தங்
1. Āraññikasuttaṃ
181. ‘‘பஞ்சிமே , பி⁴க்க²வே, ஆரஞ்ஞிகா 1. கதமே பஞ்ச? மந்த³த்தா மோமூஹத்தா ஆரஞ்ஞிகோ ஹோதி, பாபிச்சோ² இச்சா²பகதோ ஆரஞ்ஞிகோ ஹோதி, உம்மாதா³ சித்தக்கே²பா ஆரஞ்ஞிகோ ஹோதி, வண்ணிதங் பு³த்³தே⁴ஹி பு³த்³த⁴ஸாவகேஹீதி ஆரஞ்ஞிகோ ஹோதி, அப்பிச்ச²தங்யேவ நிஸ்ஸாய ஸந்துட்டி²ங்யேவ நிஸ்ஸாய ஸல்லேக²ங்யேவ நிஸ்ஸாய பவிவேகங்யேவ நிஸ்ஸாய இத³மத்தி²தங்யேவ 2 நிஸ்ஸாய ஆரஞ்ஞிகோ ஹோதி. இமே கோ², பி⁴க்க²வே, பஞ்ச ஆரஞ்ஞிகா. இமேஸங் கோ², பி⁴க்க²வே, பஞ்சன்னங் ஆரஞ்ஞிகானங் ய்வாயங் ஆரஞ்ஞிகோ அப்பிச்ச²தங்யேவ நிஸ்ஸாய ஸந்துட்டி²ங்யேவ நிஸ்ஸாய ஸல்லேக²ங்யேவ நிஸ்ஸாய பவிவேகங்யேவ நிஸ்ஸாய இத³மத்தி²தங்யேவ நிஸ்ஸாய ஆரஞ்ஞிகோ ஹோதி, அயங் இமேஸங் பஞ்சன்னங் ஆரஞ்ஞிகானங் அக்³கோ³ ச ஸெட்டோ² ச மொக்கோ² 3 ச உத்தமோ ச பவரோ ச.
181. ‘‘Pañcime , bhikkhave, āraññikā 4. Katame pañca? Mandattā momūhattā āraññiko hoti, pāpiccho icchāpakato āraññiko hoti, ummādā cittakkhepā āraññiko hoti, vaṇṇitaṃ buddhehi buddhasāvakehīti āraññiko hoti, appicchataṃyeva nissāya santuṭṭhiṃyeva nissāya sallekhaṃyeva nissāya pavivekaṃyeva nissāya idamatthitaṃyeva 5 nissāya āraññiko hoti. Ime kho, bhikkhave, pañca āraññikā. Imesaṃ kho, bhikkhave, pañcannaṃ āraññikānaṃ yvāyaṃ āraññiko appicchataṃyeva nissāya santuṭṭhiṃyeva nissāya sallekhaṃyeva nissāya pavivekaṃyeva nissāya idamatthitaṃyeva nissāya āraññiko hoti, ayaṃ imesaṃ pañcannaṃ āraññikānaṃ aggo ca seṭṭho ca mokkho 6 ca uttamo ca pavaro ca.
‘‘ஸெய்யதா²பி, பி⁴க்க²வே, க³வா கீ²ரங், கீ²ரம்ஹா த³தி⁴, த³தி⁴ம்ஹா நவனீதங், நவனீதம்ஹா ஸப்பி, ஸப்பிம்ஹா ஸப்பிமண்டோ³, ஸப்பிமண்டோ³ 7 தத்த² அக்³க³மக்கா²யதி; ஏவமேவங் கோ², பி⁴க்க²வே, இமேஸங் பஞ்சன்னங் ஆரஞ்ஞிகானங் ய்வாயங் ஆரஞ்ஞிகோ அப்பிச்ச²தங்யேவ நிஸ்ஸாய ஸந்துட்டி²ங்யேவ நிஸ்ஸாய ஸல்லேக²ங்யேவ நிஸ்ஸாய பவிவேகங்யேவ நிஸ்ஸாய இத³மத்தி²தங்யேவ நிஸ்ஸாய ஆரஞ்ஞிகோ ஹோதி, அயங் இமேஸங் பஞ்சன்னங் ஆரஞ்ஞிகானங் அக்³கோ³ ச ஸெட்டோ² ச மொக்கோ² ச உத்தமோ ச பவரோ சா’’தி. பட²மங்.
‘‘Seyyathāpi, bhikkhave, gavā khīraṃ, khīramhā dadhi, dadhimhā navanītaṃ, navanītamhā sappi, sappimhā sappimaṇḍo, sappimaṇḍo 8 tattha aggamakkhāyati; evamevaṃ kho, bhikkhave, imesaṃ pañcannaṃ āraññikānaṃ yvāyaṃ āraññiko appicchataṃyeva nissāya santuṭṭhiṃyeva nissāya sallekhaṃyeva nissāya pavivekaṃyeva nissāya idamatthitaṃyeva nissāya āraññiko hoti, ayaṃ imesaṃ pañcannaṃ āraññikānaṃ aggo ca seṭṭho ca mokkho ca uttamo ca pavaro cā’’ti. Paṭhamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 1. ஆரஞ்ஞிகஸுத்தவண்ணனா • 1. Āraññikasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1. ஆரஞ்ஞிகஸுத்தவண்ணனா • 1. Āraññikasuttavaṇṇanā
