| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૩. કમ્મપથવગ્ગો
3. Kammapathavaggo
૧. અસમાહિતસુત્તં
1. Asamāhitasuttaṃ
૧૦૭. સાવત્થિયં વિહરતિ…પે॰… ‘‘ધાતુસોવ, ભિક્ખવે, સત્તા સંસન્દન્તિ સમેન્તિ. અસ્સદ્ધા અસ્સદ્ધેહિ સદ્ધિં સંસન્દન્તિ સમેન્તિ; અહિરિકા અહિરિકેહિ સદ્ધિં સંસન્દન્તિ સમેન્તિ; અનોત્તપ્પિનો અનોત્તપ્પીહિ સદ્ધિં સંસન્દન્તિ સમેન્તિ; અસમાહિતા અસમાહિતેહિ સદ્ધિં સંસન્દન્તિ સમેન્તિ; દુપ્પઞ્ઞા દુપ્પઞ્ઞેહિ સદ્ધિં સંસન્દન્તિ સમેન્તિ’’.
107. Sāvatthiyaṃ viharati…pe… ‘‘dhātusova, bhikkhave, sattā saṃsandanti samenti. Assaddhā assaddhehi saddhiṃ saṃsandanti samenti; ahirikā ahirikehi saddhiṃ saṃsandanti samenti; anottappino anottappīhi saddhiṃ saṃsandanti samenti; asamāhitā asamāhitehi saddhiṃ saṃsandanti samenti; duppaññā duppaññehi saddhiṃ saṃsandanti samenti’’.
‘‘સદ્ધા સદ્ધેહિ સદ્ધિં સંસન્દન્તિ સમેન્તિ; હિરિમના હિરિમનેહિ સદ્ધિં સંસન્દન્તિ સમેન્તિ; ઓત્તપ્પિનો ઓત્તપ્પીહિ સદ્ધિં સંસન્દન્તિ સમેન્તિ; સમાહિતા સમાહિતેહિ સદ્ધિં સંસન્દન્તિ સમેન્તિ; પઞ્ઞવન્તો પઞ્ઞવન્તેહિ સદ્ધિં સંસન્દન્તિ સમેન્તી’’તિ. પઠમં.
‘‘Saddhā saddhehi saddhiṃ saṃsandanti samenti; hirimanā hirimanehi saddhiṃ saṃsandanti samenti; ottappino ottappīhi saddhiṃ saṃsandanti samenti; samāhitā samāhitehi saddhiṃ saṃsandanti samenti; paññavanto paññavantehi saddhiṃ saṃsandanti samentī’’ti. Paṭhamaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૧-૨. અસમાહિતસુત્તાદિવણ્ણના • 1-2. Asamāhitasuttādivaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૧-૨. અસમાહિતસુત્તાદિવણ્ણના • 1-2. Asamāhitasuttādivaṇṇanā
