| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
2. து³தியவக்³கோ³
2. Dutiyavaggo
23-33. அஸங்க²தஸுத்தாதி³வண்ணனா
23-33. Asaṅkhatasuttādivaṇṇanā
377-409. தத்த² ச நத்தி² எத்த² தண்ஹாஸங்கா²தங் நதங், நத்தி² ஏதஸ்மிங் வா அதி⁴க³தே புக்³க³லபா⁴வோதி அனதங். அனாஸவந்தி எத்தா²பி ஏஸேவ நயோ. ஸச்சத⁴ம்மதாய ஸச்சங். வட்டது³க்க²தோ பாரமேதீதி பாரங். ஸண்ஹட்டே²னாதி ஸுகு²மட்டே²ன நிபுணங். ததோ ஏவ து³த்³த³ஸதாய. அஜஜ்ஜரங் நிச்சஸபா⁴வத்தா. நத்தி² ஏதஸ்ஸ நித³ஸ்ஸனந்தி வா அனித³ஸ்ஸனங். ஏதஸ்மிங் அதி⁴க³தே நத்தி² ஸங்ஸாரே. பபஞ்சந்தி வா நிப்பபஞ்சங்.
377-409. Tattha ca natthi ettha taṇhāsaṅkhātaṃ nataṃ, natthi etasmiṃ vā adhigate puggalabhāvoti anataṃ. Anāsavanti etthāpi eseva nayo. Saccadhammatāya saccaṃ. Vaṭṭadukkhato pārametīti pāraṃ. Saṇhaṭṭhenāti sukhumaṭṭhena nipuṇaṃ. Tato eva duddasatāya. Ajajjaraṃ niccasabhāvattā. Natthi etassa nidassananti vā anidassanaṃ. Etasmiṃ adhigate natthi saṃsāre. Papañcanti vā nippapañcaṃ.
ஏதஸ்மிங் அதி⁴க³தே புக்³க³லஸ்ஸ மரணங் நத்தீ²தி வா அமதங். அதப்பகட்டே²ன வா பணீதங். ஸுக²ஹேதுதாய வா ஸிவங். தண்ஹா கீ²யந்தி எத்தா²தி தண்ஹக்க²யங்.
Etasmiṃ adhigate puggalassa maraṇaṃ natthīti vā amataṃ. Atappakaṭṭhena vā paṇītaṃ. Sukhahetutāya vā sivaṃ. Taṇhā khīyanti etthāti taṇhakkhayaṃ.
அஞ்ஞஸ்ஸ தாதி³ஸஸ்ஸ அபா⁴வதோ விம்ஹாபனீயதாய அபூ⁴தமேவாதி. குதோசி பச்சயதோ அனிப்³ப³த்தமேவ ஹுத்வா பூ⁴தங் விஜ்ஜமானங். தேனாஹ ‘‘அஜாதங் ஹுத்வா அத்தீ²’’தி. நத்தி² எத்த² து³க்க²ந்தி நித்³து³க்க²ங், தஸ்ஸ பா⁴வோ நித்³து³க்க²த்தங். தஸ்மா அனீதிகங் ஈதிரஹிதங். வானங் வுச்சதி தண்ஹா, தத³பா⁴வேன நிப்³பா³னங். ப்³யாப³ஜ்ஜ²ங் வுச்சதி து³க்க²ங், தத³பா⁴வேன அப்³யாப³ஜ்ஜ²ங். பரமத்த²தோ ஸச்சதோ ஸுத்³தி⁴பா⁴வேன. காமா ஏவ புது²ஜ்ஜனேஹி அல்லீயிதப்³ப³தோ ஆலயா. ஏஸ நயோ ஸேஸேஸுபி. பதிட்ட²ட்டே²னாதி பதிட்டா²பா⁴வேன வட்டது³க்க²தோ முச்சிதுகாமானங் தீ³பஸதி³ஸங் ஓகே⁴ஹி அனஜ்ஜொ²த்த²ரணீயத்தா. அல்லீயிதப்³ப³யுத்தட்டே²னாதி அல்லீயிதுங் அரஹபா⁴வதோ. தாயனட்டே²னாதி ஸபரதாயனட்டே²ன. ப⁴யஸரணட்டே²னாதி ப⁴யஸ்ஸ ஹிங்ஸனட்டே²ன. ஸெட்ட²ங் உத்தமங். க³தீதி க³ந்த⁴ப்³ப³ட்டா²னங்.
Aññassa tādisassa abhāvato vimhāpanīyatāya abhūtamevāti. Kutoci paccayato anibbattameva hutvā bhūtaṃ vijjamānaṃ. Tenāha ‘‘ajātaṃ hutvā atthī’’ti. Natthi ettha dukkhanti niddukkhaṃ, tassa bhāvo niddukkhattaṃ. Tasmā anītikaṃ ītirahitaṃ. Vānaṃ vuccati taṇhā, tadabhāvena nibbānaṃ. Byābajjhaṃ vuccati dukkhaṃ, tadabhāvena abyābajjhaṃ. Paramatthato saccato suddhibhāvena. Kāmā eva puthujjanehi allīyitabbato ālayā. Esa nayo sesesupi. Patiṭṭhaṭṭhenāti patiṭṭhābhāvena vaṭṭadukkhato muccitukāmānaṃ dīpasadisaṃ oghehi anajjhottharaṇīyattā. Allīyitabbayuttaṭṭhenāti allīyituṃ arahabhāvato. Tāyanaṭṭhenāti saparatāyanaṭṭhena. Bhayasaraṇaṭṭhenāti bhayassa hiṃsanaṭṭhena. Seṭṭhaṃ uttamaṃ. Gatīti gandhabbaṭṭhānaṃ.
அஸங்க²தஸுத்தாதி³வண்ணனா நிட்டி²தா.
Asaṅkhatasuttādivaṇṇanā niṭṭhitā.
அஸங்க²தஸங்யுத்தவண்ணனா நிட்டி²தா.
Asaṅkhatasaṃyuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya
1. அஸங்க²தஸுத்தங் • 1. Asaṅkhatasuttaṃ
2. அனதஸுத்தங் • 2. Anatasuttaṃ
3-32. அனாஸவாதி³ஸுத்தங் • 3-32. Anāsavādisuttaṃ
33. பராயனஸுத்தங் • 33. Parāyanasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1-33. அஸங்க²தஸுத்தாதி³வண்ணனா • 1-33. Asaṅkhatasuttādivaṇṇanā
