| Library / Tipiṭaka / તિપિટક • Tipiṭaka / અપદાન-અટ્ઠકથા • Apadāna-aṭṭhakathā |
૮. આસનુપટ્ઠાહકત્થેરઅપદાનવણ્ણના
8. Āsanupaṭṭhāhakattheraapadānavaṇṇanā
કાનનં વનમોગ્ગય્હાતિઆદિકં આયસ્મતો આસનુપટ્ઠાહકત્થેરસ્સ અપદાનં. અયમ્પિ પુરિમબુદ્ધેસુ કતાધિકારો તત્થ તત્થ ભવે વિવટ્ટૂપનિસ્સયાનિ પુઞ્ઞાનિ ઉપચિનન્તો અત્થદસ્સિસ્સ ભગવતો કાલે કુલગેહે નિબ્બત્તો ઘરાવાસં વસન્તો તત્થ દોસં દિસ્વા ઘરાવાસં પહાય તાપસપબ્બજ્જં પબ્બજિત્વા હિમવન્તે વસન્તો તત્થ સમ્પત્તં ભગવન્તં દિસ્વા પસન્નો સીહાસનં અદાસિ, તત્થ નિસિન્નં ભગવન્તં માલાકલાપં ગહેત્વા પૂજેત્વા તં પદક્ખિણં કત્વા પક્કામિ. સો તેન પુઞ્ઞેન દેવમનુસ્સેસુ સંસરન્તો નિબ્બત્તનિબ્બત્તભવે ઉચ્ચકુલિકો વિભવસમ્પન્નો અહોસિ. સો કાલન્તરેન ઇમસ્મિં બુદ્ધુપ્પાદે કુલગેહે નિબ્બત્તો વુદ્ધિમન્વાય સત્થરિ પસીદિત્વા પબ્બજિતો નચિરસ્સેવ અરહા અહોસિ.
Kānanaṃ vanamoggayhātiādikaṃ āyasmato āsanupaṭṭhāhakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto atthadassissa bhagavato kāle kulagehe nibbatto gharāvāsaṃ vasanto tattha dosaṃ disvā gharāvāsaṃ pahāya tāpasapabbajjaṃ pabbajitvā himavante vasanto tattha sampattaṃ bhagavantaṃ disvā pasanno sīhāsanaṃ adāsi, tattha nisinnaṃ bhagavantaṃ mālākalāpaṃ gahetvā pūjetvā taṃ padakkhiṇaṃ katvā pakkāmi. So tena puññena devamanussesu saṃsaranto nibbattanibbattabhave uccakuliko vibhavasampanno ahosi. So kālantarena imasmiṃ buddhuppāde kulagehe nibbatto vuddhimanvāya satthari pasīditvā pabbajito nacirasseva arahā ahosi.
૪૭. સો અરહા સમાનો અત્તનો પુબ્બકમ્મં સરિત્વા સોમનસ્સજાતો પુબ્બચરિતાપદાનં પકાસેન્તો કાનનં વનમોગ્ગય્હાતિઆદિમાહ. તં સબ્બં હેટ્ઠા વુત્તત્થમેવાતિ.
47. So arahā samāno attano pubbakammaṃ saritvā somanassajāto pubbacaritāpadānaṃ pakāsento kānanaṃ vanamoggayhātiādimāha. Taṃ sabbaṃ heṭṭhā vuttatthamevāti.
આસનુપટ્ઠાહકત્થેરઅપદાનવણ્ણના સમત્તા.
Āsanupaṭṭhāhakattheraapadānavaṇṇanā samattā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / ખુદ્દકનિકાય • Khuddakanikāya / અપદાનપાળિ • Apadānapāḷi / ૮. આસનુપટ્ઠાહકત્થેરઅપદાનં • 8. Āsanupaṭṭhāhakattheraapadānaṃ
