| Library / Tipiṭaka / તિપિટક • Tipiṭaka / કથાવત્થુપાળિ • Kathāvatthupāḷi |
૧૩. તેરસમવગ્ગો
13. Terasamavaggo
(૧૩૩) ૮. અસાતરાગકથા
(133) 8. Asātarāgakathā
૬૭૪. અત્થિ અસાતરાગોતિ? આમન્તા. દુક્ખાભિનન્દિનો સત્તા, અત્થિ કેચિ દુક્ખં પત્થેન્તિ પિહેન્તિ એસન્તિ ગવેસન્તિ પરિયેસન્તિ, દુક્ખં અજ્ઝોસાય તિટ્ઠન્તીતિ? ન હેવં વત્તબ્બે…પે॰… નનુ સુખાભિનન્દિનો સત્તા, અત્થિ કેચિ સુખં પત્થેન્તિ પિહેન્તિ એસન્તિ ગવેસન્તિ પરિયેસન્તિ, સુખં અજ્ઝોસાય તિટ્ઠન્તીતિ? આમન્તા. હઞ્ચિ સુખાભિનન્દિનો સત્તા, અત્થિ કેચિ સુખં પત્થેન્તિ પિહેન્તિ એસન્તિ ગવેસન્તિ પરિયેસન્તિ, સુખં અજ્ઝોસાય તિટ્ઠન્તિ, નો ચ વત રે વત્તબ્બે – ‘‘અત્થિ અસાતરાગો’’તિ.
674. Atthi asātarāgoti? Āmantā. Dukkhābhinandino sattā, atthi keci dukkhaṃ patthenti pihenti esanti gavesanti pariyesanti, dukkhaṃ ajjhosāya tiṭṭhantīti? Na hevaṃ vattabbe…pe… nanu sukhābhinandino sattā, atthi keci sukhaṃ patthenti pihenti esanti gavesanti pariyesanti, sukhaṃ ajjhosāya tiṭṭhantīti? Āmantā. Hañci sukhābhinandino sattā, atthi keci sukhaṃ patthenti pihenti esanti gavesanti pariyesanti, sukhaṃ ajjhosāya tiṭṭhanti, no ca vata re vattabbe – ‘‘atthi asātarāgo’’ti.
અત્થિ અસાતરાગોતિ? આમન્તા. દુક્ખાય વેદનાય રાગાનુસયો અનુસેતિ, સુખાય વેદનાય પટિઘાનુસયો અનુસેતીતિ? ન હેવં વત્તબ્બે…પે॰… નનુ સુખાય વેદનાય રાગાનુસયો અનુસેતિ, દુક્ખાય વેદનાય પટિઘાનુસયો અનુસેતીતિ? આમન્તા. હઞ્ચિ સુખાય વેદનાય રાગાનુસયો અનુસેતિ, દુક્ખાય વેદનાય પટિઘાનુસયો અનુસેતિ, નો ચ વત રે વત્તબ્બે – ‘‘અત્થિ અસાતરાગો’’તિ.
Atthi asātarāgoti? Āmantā. Dukkhāya vedanāya rāgānusayo anuseti, sukhāya vedanāya paṭighānusayo anusetīti? Na hevaṃ vattabbe…pe… nanu sukhāya vedanāya rāgānusayo anuseti, dukkhāya vedanāya paṭighānusayo anusetīti? Āmantā. Hañci sukhāya vedanāya rāgānusayo anuseti, dukkhāya vedanāya paṭighānusayo anuseti, no ca vata re vattabbe – ‘‘atthi asātarāgo’’ti.
૬૭૫. ન વત્તબ્બં – ‘‘અત્થિ અસાતરાગો’’તિ? આમન્તા. નનુ વુત્તં ભગવતા – ‘‘સો એવં અનુરોધવિરોધં સમાપન્નો યં કિઞ્ચિ વેદનં વેદયતિ સુખં વા દુક્ખં વા અદુક્ખમસુખં વા, સો તં વેદનં અભિનન્દતિ અભિવદતિ અજ્ઝોસાય તિટ્ઠતી’’તિ 1! અત્થેવ સુત્તન્તોતિ? આમન્તા. તેન હિ અત્થિ અસાતરાગોતિ.
675. Na vattabbaṃ – ‘‘atthi asātarāgo’’ti? Āmantā. Nanu vuttaṃ bhagavatā – ‘‘so evaṃ anurodhavirodhaṃ samāpanno yaṃ kiñci vedanaṃ vedayati sukhaṃ vā dukkhaṃ vā adukkhamasukhaṃ vā, so taṃ vedanaṃ abhinandati abhivadati ajjhosāya tiṭṭhatī’’ti 2! Attheva suttantoti? Āmantā. Tena hi atthi asātarāgoti.
અસાતરાગકથા નિટ્ઠિતા.
Asātarāgakathā niṭṭhitā.
Footnotes:
Related texts:
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૮. અસાતરાગકથાવણ્ણના • 8. Asātarāgakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૮. અસાતરાગકથાવણ્ણના • 8. Asātarāgakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૮. અસાતરાગકથાવણ્ણના • 8. Asātarāgakathāvaṇṇanā
