| Library / Tipiṭaka / திபிடக • Tipiṭaka / இதிவுத்தக-அட்ட²கதா² • Itivuttaka-aṭṭhakathā |
3. ஆஸவக்க²யஸுத்தவண்ணனா
3. Āsavakkhayasuttavaṇṇanā
102. ததியே ஜானதோதி ஜானந்தஸ்ஸ. பஸ்ஸதோதி பஸ்ஸந்தஸ்ஸ. யதி³பி இமானி த்³வேபி பதா³னி ஏகத்தா²னி, ப்³யஞ்ஜனமேவ நானங், ஏவங் ஸந்தேபி ‘‘ஜானதோ’’தி ஞாணலக்க²ணங் உபாதா³ய புக்³க³லங் நித்³தி³ஸதி. ஜானநலக்க²ணஞ்ஹி ஞாணங். ‘‘பஸ்ஸதோ’’தி ஞாணப்பபா⁴வங் உபாதா³ய. த³ஸ்ஸனப்பபா⁴வஞ்ஹி உபாதா³ய ஞாணஸமங்கீ³ புக்³க³லோ சக்கு²மா விய புக்³க³லோ சக்கு²னா ரூபானி, ஞாணேன விவடே த⁴ம்மே பஸ்ஸதி. அத² வா ஜானதோதி அனுபோ³த⁴ஞாணேன ஜானதோ. பஸ்ஸதோதி படிவேத⁴ஞாணேன பஸ்ஸதோ. படிலோமதோ வா த³ஸ்ஸனமக்³கே³ன பஸ்ஸதோ, பா⁴வனாமக்³கே³ன ஜானதோ. கேசி பன ‘‘ஞாததீரணபஹானபரிஞ்ஞாஹி ஜானதோ, ஸிகா²ப்பத்தவிபஸ்ஸனாய பஸ்ஸதோ’’தி வத³ந்தி. அத² வா து³க்க²ங் பரிஞ்ஞாபி⁴ஸமயேன ஜானதோ, நிரோத⁴ங் ஸச்சி²கிரியாபி⁴ஸமயேன பஸ்ஸதோ. தது³ப⁴யே ச ஸதி பஹானபா⁴வனாபி⁴ஸமயா ஸித்³தா⁴ ஏவ ஹொந்தீதி சதுஸச்சாபி⁴ஸமயோ வுத்தோ ஹோதி. யதா³ செத்த² விபஸ்ஸனாஞாணங் அதி⁴ப்பேதங், ததா³ ‘‘ஜானதோ பஸ்ஸதோ’’தி பதா³னங் ஹேதுஅத்த²தீ³பனதா த³ட்ட²ப்³பா³. யதா³ பன மக்³க³ஞாணங் அதி⁴ப்பேதங், ததா³ மக்³க³கிச்சத்த²தீ³பனதா.
102. Tatiye jānatoti jānantassa. Passatoti passantassa. Yadipi imāni dvepi padāni ekatthāni, byañjanameva nānaṃ, evaṃ santepi ‘‘jānato’’ti ñāṇalakkhaṇaṃ upādāya puggalaṃ niddisati. Jānanalakkhaṇañhi ñāṇaṃ. ‘‘Passato’’ti ñāṇappabhāvaṃ upādāya. Dassanappabhāvañhi upādāya ñāṇasamaṅgī puggalo cakkhumā viya puggalo cakkhunā rūpāni, ñāṇena vivaṭe dhamme passati. Atha vā jānatoti anubodhañāṇena jānato. Passatoti paṭivedhañāṇena passato. Paṭilomato vā dassanamaggena passato, bhāvanāmaggena jānato. Keci pana ‘‘ñātatīraṇapahānapariññāhi jānato, sikhāppattavipassanāya passato’’ti vadanti. Atha vā dukkhaṃ pariññābhisamayena jānato, nirodhaṃ sacchikiriyābhisamayena passato. Tadubhaye ca sati pahānabhāvanābhisamayā siddhā eva hontīti catusaccābhisamayo vutto hoti. Yadā cettha vipassanāñāṇaṃ adhippetaṃ, tadā ‘‘jānato passato’’ti padānaṃ hetuatthadīpanatā daṭṭhabbā. Yadā pana maggañāṇaṃ adhippetaṃ, tadā maggakiccatthadīpanatā.
ஆஸவானங் க²யந்தி ‘‘ஜானதோ, அஹங் பி⁴க்க²வே, பஸ்ஸதோ ஆஸவானங் க²யங் வதா³மீ’’தி (ம॰ நி॰ 1.15; ஸங்॰ நி॰ 3.101; 5.1095) ஏவமாக³தே ஸப்³பா³ஸவஸங்வரபரியாயே ‘‘ஆஸவானங் க²யா அனாஸவங் சேதோவிமுத்தி’’ந்திஆதீ³ஸு (ம॰ நி॰ 1.438) ச ஸுத்தபதே³ஸு ஆஸவானங் பஹானங் அச்சந்தக்க²யோ அஸமுப்பாதோ³ கீ²ணாகாரோ நத்தி²பா⁴வோ ‘‘ஆஸவக்க²யோ’’தி வுத்தோ. ‘‘ஆஸவானங் க²யா ஸமணோ ஹோதீ’’திஆதீ³ஸு (ம॰ நி॰ 1.438) ப²லங்.
Āsavānaṃkhayanti ‘‘jānato, ahaṃ bhikkhave, passato āsavānaṃ khayaṃ vadāmī’’ti (ma. ni. 1.15; saṃ. ni. 3.101; 5.1095) evamāgate sabbāsavasaṃvarapariyāye ‘‘āsavānaṃ khayā anāsavaṃ cetovimutti’’ntiādīsu (ma. ni. 1.438) ca suttapadesu āsavānaṃ pahānaṃ accantakkhayo asamuppādo khīṇākāro natthibhāvo ‘‘āsavakkhayo’’ti vutto. ‘‘Āsavānaṃ khayā samaṇo hotī’’tiādīsu (ma. ni. 1.438) phalaṃ.
‘‘பரவஜ்ஜானுபஸ்ஸிஸ்ஸ, நிச்சங் உஜ்ஜா²னஸஞ்ஞினோ;
‘‘Paravajjānupassissa, niccaṃ ujjhānasaññino;
ஆஸவா தஸ்ஸ வட்³ட⁴ந்தி, ஆரா ஸோ ஆஸவக்க²யா’’தி. (த⁴॰ ப॰ 253); –
Āsavā tassa vaḍḍhanti, ārā so āsavakkhayā’’ti. (dha. pa. 253); –
ஆதீ³ஸு நிப்³பா³னங்.
Ādīsu nibbānaṃ.
‘‘ஸேக²ஸ்ஸ ஸிக்க²மானஸ்ஸ, உஜுமக்³கா³னுஸாரினோ;
‘‘Sekhassa sikkhamānassa, ujumaggānusārino;
க²யஸ்மிங் பட²மங் ஞாணங், ததோ அஞ்ஞா அனந்தரா;
Khayasmiṃ paṭhamaṃ ñāṇaṃ, tato aññā anantarā;
ததோ அஞ்ஞாவிமுத்தஸ்ஸ, ஞாணங் வே ஹோதி தாதி³னோ’’தி. (அ॰ நி॰ 3.86; இதிவு॰ 62) –
Tato aññāvimuttassa, ñāṇaṃ ve hoti tādino’’ti. (a. ni. 3.86; itivu. 62) –
ஏவமாக³தே இந்த்³ரியஸுத்தே இத⁴ ச மக்³கோ³ ‘‘ஆஸவக்க²யோ’’தி வுத்தோ. தஸ்மா யதா²வுத்தனயேன ஜானந்தஸ்ஸ பஸ்ஸந்தஸ்ஸ அஹங் அரியமக்³கா³தி⁴க³மங் வதா³மீதி வுத்தங் ஹோதி. நோ அஜானதோ நோ அபஸ்ஸதோதி யோ பன ந ஜானாதி ந பஸ்ஸதி, தஸ்ஸ நோ வதா³மீதி அத்தோ². ஏதேன யே அஜானதோ அபஸ்ஸதோபி ஸங்ஸாரஸுத்³தி⁴ங் வத³ந்தி, தே படிக்கி²பதி. புரிமேன வா பத³த்³வயேன உபாயோ வுத்தோ, இமினா அனுபாயபடிஸேதோ⁴. ஸங்கே²பேன செத்த² ஞாணங் ஆஸவக்க²யகரங், ஸேஸங் தஸ்ஸ பரிக்கா²ரோதி த³ஸ்ஸேதி.
Evamāgate indriyasutte idha ca maggo ‘‘āsavakkhayo’’ti vutto. Tasmā yathāvuttanayena jānantassa passantassa ahaṃ ariyamaggādhigamaṃ vadāmīti vuttaṃ hoti. Noajānato no apassatoti yo pana na jānāti na passati, tassa no vadāmīti attho. Etena ye ajānato apassatopi saṃsārasuddhiṃ vadanti, te paṭikkhipati. Purimena vā padadvayena upāyo vutto, iminā anupāyapaṭisedho. Saṅkhepena cettha ñāṇaṃ āsavakkhayakaraṃ, sesaṃ tassa parikkhāroti dasseti.
இதா³னி யங் ஜானதோ யங் பஸ்ஸதோ ஆஸவக்க²யோ ஹோதி, தங் த³ஸ்ஸேதுங் ‘‘கிஞ்ச, பி⁴க்க²வே, ஜானதோ’’தி புச்ச²ங் ஆரபி⁴. தத்த² ஜானநா ப³ஹுவிதா⁴. த³ப்³ப³ஜாதிகோ ஏவ ஹி கோசி பி⁴க்கு² ச²த்தங் காதுங் ஜானாதி, கோசி சீவராதீ³னங் அஞ்ஞதரங், தஸ்ஸ ஈதி³ஸானி கம்மானி வத்தஸீஸே ட²த்வா கரொந்தஸ்ஸ ஸா ஜானநா ‘‘மக்³க³ப²லானங் பத³ட்டா²னங் ந ஹோதீ’’தி ந வத்தப்³பா³. யோ பன ஸாஸனே பப்³ப³ஜித்வா வேஜ்ஜகம்மாதீ³னி காதுங் ஜானாதி, தஸ்ஸேவங் ஜானதோ ஆஸவா வட்³ட⁴ந்தியேவ. தஸ்மா யங் ஜானதோ யங் பஸ்ஸதோ ஆஸவானங் க²யோ ஹோதி, ததே³வ த³ஸ்ஸெந்தோ ஆஹ ‘‘இத³ங் து³க்க²’’ந்திஆதி³. தத்த² யங் வத்தப்³ப³ங் சதுஸச்சகம்மட்டா²னங், தங் ஹெட்டா² யோனிஸோமனஸிகாரஸுத்தே ஸங்கே²பதோ வுத்தமேவ.
Idāni yaṃ jānato yaṃ passato āsavakkhayo hoti, taṃ dassetuṃ ‘‘kiñca, bhikkhave, jānato’’ti pucchaṃ ārabhi. Tattha jānanā bahuvidhā. Dabbajātiko eva hi koci bhikkhu chattaṃ kātuṃ jānāti, koci cīvarādīnaṃ aññataraṃ, tassa īdisāni kammāni vattasīse ṭhatvā karontassa sā jānanā ‘‘maggaphalānaṃ padaṭṭhānaṃ na hotī’’ti na vattabbā. Yo pana sāsane pabbajitvā vejjakammādīni kātuṃ jānāti, tassevaṃ jānato āsavā vaḍḍhantiyeva. Tasmā yaṃ jānato yaṃ passato āsavānaṃ khayo hoti, tadeva dassento āha ‘‘idaṃ dukkha’’ntiādi. Tattha yaṃ vattabbaṃ catusaccakammaṭṭhānaṃ, taṃ heṭṭhā yonisomanasikārasutte saṅkhepato vuttameva.
தத்த² பன ‘‘யோனிஸோ, பி⁴க்க²வே, பி⁴க்கு² மனஸி கரொந்தோ அகுஸலங் பஜஹதி, குஸலங் பா⁴வேதீ’’தி (இதிவு॰ 16) ஆக³தத்தா ‘‘இத³ங் து³க்க²ந்தி யோனிஸோ மனஸி கரோதீ’’திஆதி³னா அத்த²விபா⁴வனா கதா. இத⁴ ‘‘இத³ங் து³க்க²ந்தி, பி⁴க்க²வே, ஜானதோ பஸ்ஸதோ ஆஸவானங் க²யோ ஹோதீ’’தி (ம॰ நி॰ 1.15; ஸங்॰ நி॰ 3.101; 5.1095) ஆக³தத்தா ‘‘இத³ங் து³க்க²ந்தி பரிஞ்ஞாபடிவேத⁴வஸேன பரிஞ்ஞாபி⁴ஸமயவஸேன மக்³க³ஞாணேன ஜானதோ பஸ்ஸதோ ஆஸவானங் க²யோ ஹோதீ’’திஆதி³னா நயேன யோஜேதப்³ப³ங். ஆஸவேஸு ச பட²மமக்³கே³ன தி³ட்டா²ஸவோ கீ²யதி, ததியமக்³கே³ன காமாஸவோ, சதுத்த²மக்³கே³ன ப⁴வாஸவோ அவிஜ்ஜாஸவோ ச கீ²யதீதி வேதி³தப்³போ³.
Tattha pana ‘‘yoniso, bhikkhave, bhikkhu manasi karonto akusalaṃ pajahati, kusalaṃ bhāvetī’’ti (itivu. 16) āgatattā ‘‘idaṃ dukkhanti yoniso manasi karotī’’tiādinā atthavibhāvanā katā. Idha ‘‘idaṃ dukkhanti, bhikkhave, jānato passato āsavānaṃ khayo hotī’’ti (ma. ni. 1.15; saṃ. ni. 3.101; 5.1095) āgatattā ‘‘idaṃ dukkhanti pariññāpaṭivedhavasena pariññābhisamayavasena maggañāṇena jānato passato āsavānaṃ khayo hotī’’tiādinā nayena yojetabbaṃ. Āsavesu ca paṭhamamaggena diṭṭhāsavo khīyati, tatiyamaggena kāmāsavo, catutthamaggena bhavāsavo avijjāsavo ca khīyatīti veditabbo.
கா³தா²ஸு விமுத்திஞாணந்தி விமுத்தியங் நிப்³பா³னே ப²லே ச பச்சவெக்க²ணஞாணங். உத்தமந்தி உத்தமத⁴ம்மாரம்மணத்தா உத்தமங். க²யே ஞாணந்தி ஆஸவானங் ஸங்யோஜனானஞ்ச க²யே க²யகரே அரியமக்³கே³ ஞாணங். ‘‘கீ²ணா ஸங்யோஜனா இதி ஞாண’’ந்தி இதா⁴பி ஆனெத்வா ஸம்ப³ந்தி⁴தப்³ப³ங். தேன பஹீனகிலேஸபச்சவெக்க²ணங் த³ஸ்ஸேதி. ஏவமெத்த² சத்தாரிபி பச்சவெக்க²ணஞாணானி வுத்தானி ஹொந்தி . அவஸிட்ட²கிலேஸபச்சவெக்க²ணா ஹி இத⁴ நத்தி² அரஹத்தப²லாதி⁴க³மஸ்ஸ அதி⁴ப்பேதத்தா. யதா² செத்த² ஜானதோ பஸ்ஸதோதி நிப்³பா³னாதி⁴க³மேன ஸம்மாதி³ட்டி²கிச்சங் அதி⁴கங் கத்வா வுத்தங், ஏவங் ஸம்மப்பதா⁴னகிச்சம்பி அதி⁴கமேவ இச்சி²தப்³ப³ந்தி த³ஸ்ஸெந்தோ ‘‘ந த்வேவித³ங் குஸீதேனா’’தி ஓஸானகா³த²மாஹ.
Gāthāsu vimuttiñāṇanti vimuttiyaṃ nibbāne phale ca paccavekkhaṇañāṇaṃ. Uttamanti uttamadhammārammaṇattā uttamaṃ. Khaye ñāṇanti āsavānaṃ saṃyojanānañca khaye khayakare ariyamagge ñāṇaṃ. ‘‘Khīṇā saṃyojanā iti ñāṇa’’nti idhāpi ānetvā sambandhitabbaṃ. Tena pahīnakilesapaccavekkhaṇaṃ dasseti. Evamettha cattāripi paccavekkhaṇañāṇāni vuttāni honti . Avasiṭṭhakilesapaccavekkhaṇā hi idha natthi arahattaphalādhigamassa adhippetattā. Yathā cettha jānato passatoti nibbānādhigamena sammādiṭṭhikiccaṃ adhikaṃ katvā vuttaṃ, evaṃ sammappadhānakiccampi adhikameva icchitabbanti dassento ‘‘na tvevidaṃ kusītenā’’ti osānagāthamāha.
தத்த² ந த்வேவித³ந்தி ந து ஏவ இத³ங். துஸத்³தோ³ நிபாதமத்தங். பா³லேனமவிஜானதாதி மகாரோ பத³ஸந்தி⁴கரோ. அயஞ்ஹெத்த² ஸங்கே²பத்தோ² – இத³ங் ஸெக்க²மக்³கே³ன அஸெக்க²மக்³கே³ன ச பத்தப்³ப³ங் அபி⁴ஜ்ஜா²காயக³ந்தா²தி³ஸப்³ப³க³ந்தா²னங் பமோசனங் பமோசனஸ்ஸ நிமித்தபூ⁴தங் நிப்³பா³னங் ‘‘இத³ங் து³க்க²’’ந்திஆதி³னா சத்தாரி ஸச்சானி யதா²பூ⁴தங் அவிஜானதா ததோ ஏவ பா³லேன அவித்³த³ஸுனா யதா² அதி⁴க³ந்துங் ந ஸக்கா, ஏவங் குஸீதேன நிப்³பீ³ரியேனாபி, தஸ்மா தத³தி⁴க³மாய ஆரத்³த⁴வீரியேன ப⁴விதப்³ப³ந்தி. தேனாஹ ப⁴க³வா ‘‘ஆரத்³த⁴வீரியஸ்ஸாயங் த⁴ம்மோ, நோ குஸீதஸ்ஸ’’ (தீ³॰ நி॰ 3.358).
Tattha na tvevidanti na tu eva idaṃ. Tusaddo nipātamattaṃ. Bālenamavijānatāti makāro padasandhikaro. Ayañhettha saṅkhepattho – idaṃ sekkhamaggena asekkhamaggena ca pattabbaṃ abhijjhākāyaganthādisabbaganthānaṃ pamocanaṃ pamocanassa nimittabhūtaṃ nibbānaṃ ‘‘idaṃ dukkha’’ntiādinā cattāri saccāni yathābhūtaṃ avijānatā tato eva bālena aviddasunā yathā adhigantuṃ na sakkā, evaṃ kusītena nibbīriyenāpi, tasmā tadadhigamāya āraddhavīriyena bhavitabbanti. Tenāha bhagavā ‘‘āraddhavīriyassāyaṃ dhammo, no kusītassa’’ (dī. ni. 3.358).
‘‘ஆரம்ப⁴த² நிக்கமத², யுஞ்ஜத² பு³த்³த⁴ஸாஸனே;
‘‘Ārambhatha nikkamatha, yuñjatha buddhasāsane;
து⁴னாத² மச்சுனோ ஸேனங், நளாகா³ரங்வ குஞ்ஜரோ’’தி. (ஸங்॰ நி॰ 1.185; நெத்தி॰ 29; மி॰ ப॰ 5.1.4);
Dhunātha maccuno senaṃ, naḷāgāraṃva kuñjaro’’ti. (saṃ. ni. 1.185; netti. 29; mi. pa. 5.1.4);
ததியஸுத்தவண்ணனா நிட்டி²தா.
Tatiyasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / இதிவுத்தகபாளி • Itivuttakapāḷi / 3. ஆஸவக்க²யஸுத்தங் • 3. Āsavakkhayasuttaṃ
