| Library / Tipiṭaka / திபிடக • Tipiṭaka / இதிவுத்தக-அட்ட²கதா² • Itivuttaka-aṭṭhakathā |
7-8. ஆஸவஸுத்தத்³வயவண்ணனா
7-8. Āsavasuttadvayavaṇṇanā
56-57. ஸத்தமே காமாஸவோதி காமேஸு ஆஸவோ, காமஸங்கா²தோ வா ஆஸவோ காமாஸவோ , அத்த²தோ பன காமராகோ³ ரூபாதி³அபி⁴ரதி ச காமாஸவோ. ரூபாரூபப⁴வேஸு ச²ந்த³ராகோ³ ஜா²னநிகந்தி ஸஸ்ஸததி³ட்டி²ஸஹக³தோ ராகோ³ ப⁴வபத்த²னா ச ப⁴வாஸவோ. அவிஜ்ஜாவ அவிஜ்ஜாஸவோ.
56-57. Sattame kāmāsavoti kāmesu āsavo, kāmasaṅkhāto vā āsavo kāmāsavo , atthato pana kāmarāgo rūpādiabhirati ca kāmāsavo. Rūpārūpabhavesu chandarāgo jhānanikanti sassatadiṭṭhisahagato rāgo bhavapatthanā ca bhavāsavo. Avijjāva avijjāsavo.
ஆஸவானஞ்ச ஸம்ப⁴வந்தி எத்த² அயோனிஸோமனஸிகாரோ அவிஜ்ஜாத³யோ ச கிலேஸா ஆஸவானங் ஸம்ப⁴வோ. வுத்தஞ்ஹேதங் –
Āsavānañca sambhavanti ettha ayonisomanasikāro avijjādayo ca kilesā āsavānaṃ sambhavo. Vuttañhetaṃ –
‘‘அயோனிஸோ, பி⁴க்க²வே, மனஸிகரோதோ அனுப்பன்னா சேவ ஆஸவா உப்பஜ்ஜந்தி, உப்பன்னா ச ஆஸவா பவட்³ட⁴ந்தீ’’தி (ம॰ நி॰ 1.15).
‘‘Ayoniso, bhikkhave, manasikaroto anuppannā ceva āsavā uppajjanti, uppannā ca āsavā pavaḍḍhantī’’ti (ma. ni. 1.15).
‘‘அவிஜ்ஜா, பி⁴க்க²வே, புப்³ப³ங்க³மா அகுஸலானங் த⁴ம்மானங் ஸமாபத்தியா அன்வதே³வ அஹிரிகங் அனொத்தப்ப’’ந்தி (இதிவு॰ 40) ச.
‘‘Avijjā, bhikkhave, pubbaṅgamā akusalānaṃ dhammānaṃ samāpattiyā anvadeva ahirikaṃ anottappa’’nti (itivu. 40) ca.
மக்³க³ஞ்ச க²யகா³மினந்தி ஆஸவானங் க²யகா³மினங் அரியமக்³க³ஞ்ச. தத்த² காமாஸவோ அனாகா³மிமக்³கே³ன பஹீயதி, ப⁴வாஸவோ அவிஜ்ஜாஸவோ ச அரஹத்தமக்³கே³ன. காமுபாதா³னங் விய காமாஸவோபி அக்³க³மக்³க³வஜ்ஜோ²தி ச வத³ந்தி. ஸேஸங் வுத்தனயமேவ. அட்ட²மே அபுப்³ப³ங் நத்தி².
Maggañca khayagāminanti āsavānaṃ khayagāminaṃ ariyamaggañca. Tattha kāmāsavo anāgāmimaggena pahīyati, bhavāsavo avijjāsavo ca arahattamaggena. Kāmupādānaṃ viya kāmāsavopi aggamaggavajjhoti ca vadanti. Sesaṃ vuttanayameva. Aṭṭhame apubbaṃ natthi.
ஸத்தமஅட்ட²மஸுத்தவண்ணனா நிட்டி²தா.
Sattamaaṭṭhamasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / இதிவுத்தகபாளி • Itivuttakapāḷi
7. பட²மஆஸவஸுத்தங் • 7. Paṭhamaāsavasuttaṃ
8. து³தியஆஸவஸுத்தங் • 8. Dutiyaāsavasuttaṃ
