| Library / Tipiṭaka / તિપિટક • Tipiṭaka / પઞ્ચપકરણ-અનુટીકા • Pañcapakaraṇa-anuṭīkā |
૯. આસેવનપચ્ચયકથાવણ્ણના
9. Āsevanapaccayakathāvaṇṇanā
૯૦૩-૯૦૫. બીજં ચતુમધુરભાવં ન ગણ્હાતીતિ ઇદં સકસમયવસેન વુત્તં, પરસમયે પન રૂપધમ્માપિ અરૂપધમ્મેહિ સમાનક્ખણા એવ ઇચ્છિતા. તેનેવાહ ‘‘સબ્બે ધમ્મા ખણિકા’’તિ. ખણિકત્તેપિ વા અચેતનેસુપિ અનિન્દ્રિયબદ્ધરૂપેસુ ભાવનાવિસેસો લબ્ભતિ, કિમઙ્ગં પન સચેતનેસૂતિ દસ્સેતું ‘‘યથા બીજં ચતુમધુરભાવં ન ગણ્હાતી’’તિ નિદસ્સનન્તિ દટ્ઠબ્બં. આસેવેન્તો નામ કોચિ ધમ્મો નત્થિ ઇત્તરતાય અનવટ્ઠાનતોતિ અધિપ્પાયો. ઇત્તરખણતાય એવ પન આસેવનં લબ્ભતિ. કુસલાદિભાવેન હિ અત્તસદિસસ્સ પયોગેન કરણીયસ્સ પુનપ્પુનં કરણપ્પવત્તનં અત્તસદિસતાપાદનં વાસનં વા આસેવનં પુરે પરિચિતગન્થો વિય પચ્છિમસ્સાતિ.
903-905. Bījaṃ catumadhurabhāvaṃ na gaṇhātīti idaṃ sakasamayavasena vuttaṃ, parasamaye pana rūpadhammāpi arūpadhammehi samānakkhaṇā eva icchitā. Tenevāha ‘‘sabbe dhammā khaṇikā’’ti. Khaṇikattepi vā acetanesupi anindriyabaddharūpesu bhāvanāviseso labbhati, kimaṅgaṃ pana sacetanesūti dassetuṃ ‘‘yathā bījaṃ catumadhurabhāvaṃ na gaṇhātī’’ti nidassananti daṭṭhabbaṃ. Āsevento nāma koci dhammo natthi ittaratāya anavaṭṭhānatoti adhippāyo. Ittarakhaṇatāya eva pana āsevanaṃ labbhati. Kusalādibhāvena hi attasadisassa payogena karaṇīyassa punappunaṃ karaṇappavattanaṃ attasadisatāpādanaṃ vāsanaṃ vā āsevanaṃ pure paricitagantho viya pacchimassāti.
આસેવનપચ્ચયકથાવણ્ણના નિટ્ઠિતા.
Āsevanapaccayakathāvaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૨૧૬) ૯. આસેવનપચ્ચયકથા • (216) 9. Āsevanapaccayakathā
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૯. આસેવનપચ્ચયકથાવણ્ણના • 9. Āsevanapaccayakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૯. આસેવનપચ્ચયકથાવણ્ણના • 9. Āsevanapaccayakathāvaṇṇanā
