| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
10. அஸ்ஸாஜானீயஸுத்தங்
10. Assājānīyasuttaṃ
143. ‘‘தயோ ச, பி⁴க்க²வே, ப⁴த்³ரே அஸ்ஸாஜானீயே தே³ஸெஸ்ஸாமி தயோ ச ப⁴த்³ரே புரிஸாஜானீயே. தங் ஸுணாத², ஸாது⁴கங் மனஸி கரோத²; பா⁴ஸிஸ்ஸாமீ’’தி. ‘‘ஏவங், ப⁴ந்தே’’தி கோ² தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –
143. ‘‘Tayo ca, bhikkhave, bhadre assājānīye desessāmi tayo ca bhadre purisājānīye. Taṃ suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –
‘‘கதமே ச, பி⁴க்க²வே, தயோ ப⁴த்³ரா அஸ்ஸாஜானீயா? இத⁴, பி⁴க்க²வே, ஏகச்சோ ப⁴த்³ரோ அஸ்ஸாஜானீயோ …பே॰… ஜவஸம்பன்னோ ச ஹோதி வண்ணஸம்பன்னோ ச ஆரோஹபரிணாஹஸம்பன்னோ ச. இமே கோ², பி⁴க்க²வே, தயோ ப⁴த்³ரா அஸ்ஸாஜானீயா.
‘‘Katame ca, bhikkhave, tayo bhadrā assājānīyā? Idha, bhikkhave, ekacco bhadro assājānīyo …pe… javasampanno ca hoti vaṇṇasampanno ca ārohapariṇāhasampanno ca. Ime kho, bhikkhave, tayo bhadrā assājānīyā.
‘‘கதமே ச பி⁴க்க²வே, தயோ ப⁴த்³ரா புரிஸாஜானீயா? இத⁴, பி⁴க்க²வே, ஏகச்சோ ப⁴த்³ரோ புரிஸாஜானீயோ…பே॰… ஜவஸம்பன்னோ ச ஹோதி வண்ணஸம்பன்னோ ச ஆரோஹபரிணாஹஸம்பன்னோ ச.
‘‘Katame ca bhikkhave, tayo bhadrā purisājānīyā? Idha, bhikkhave, ekacco bhadro purisājānīyo…pe… javasampanno ca hoti vaṇṇasampanno ca ārohapariṇāhasampanno ca.
‘‘கத²ஞ்ச, பி⁴க்க²வே, ப⁴த்³ரோ புரிஸாஜானீயோ…பே॰… ஜவஸம்பன்னோ ச ஹோதி வண்ணஸம்பன்னோ ச ஆரோஹபரிணாஹஸம்பன்னோ ச? இத⁴, பி⁴க்க²வே, பி⁴க்கு² ஆஸவானங் க²யா அனாஸவங் சேதோவிமுத்திங் பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரதி. இத³மஸ்ஸ ஜவஸ்மிங் வதா³மி. அபி⁴த⁴ம்மே கோ² பன அபி⁴வினயே பஞ்ஹங் புட்டோ² விஸ்ஸஜ்ஜேதி, நோ ஸங்ஸாதே³தி. இத³மஸ்ஸ வண்ணஸ்மிங் வதா³மி. லாபீ⁴ கோ² பன ஹோதி சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரானங். இத³மஸ்ஸ ஆரோஹபரிணாஹஸ்மிங் வதா³மி. ஏவங் கோ², பி⁴க்க²வே, ப⁴த்³ரோ புரிஸாஜானீயோ ஜவஸம்பன்னோ ச ஹோதி வண்ணஸம்பன்னோ ச ஆரோஹபரிணாஹஸம்பன்னோ ச. இமே கோ², பி⁴க்க²வே, தயோ ப⁴த்³ரா புரிஸாஜானீயா’’தி. த³ஸமங்.
‘‘Kathañca, bhikkhave, bhadro purisājānīyo…pe… javasampanno ca hoti vaṇṇasampanno ca ārohapariṇāhasampanno ca? Idha, bhikkhave, bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Idamassa javasmiṃ vadāmi. Abhidhamme kho pana abhivinaye pañhaṃ puṭṭho vissajjeti, no saṃsādeti. Idamassa vaṇṇasmiṃ vadāmi. Lābhī kho pana hoti cīvarapiṇḍapātasenāsanagilānappaccayabhesajjaparikkhārānaṃ. Idamassa ārohapariṇāhasmiṃ vadāmi. Evaṃ kho, bhikkhave, bhadro purisājānīyo javasampanno ca hoti vaṇṇasampanno ca ārohapariṇāhasampanno ca. Ime kho, bhikkhave, tayo bhadrā purisājānīyā’’ti. Dasamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 10. அஸ்ஸாஜானீயஸுத்தவண்ணனா • 10. Assājānīyasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 5-10. கேஸகம்ப³லஸுத்தாதி³வண்ணனா • 5-10. Kesakambalasuttādivaṇṇanā
