| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૬. અસ્સજિસુત્તવણ્ણના
6. Assajisuttavaṇṇanā
૮૮. પસ્સમ્ભિત્વાતિ નિરોધેત્વા. નો ચ સ્વાહન્તિ નો ચ સુ અહં. પરિહાયિ કુપ્પધમ્મત્તા. એતન્તિ સમાધિમત્તસારં, સીલમત્તે પન વત્તબ્બમેવ નત્થિ. કથં હોતીતિ કથં અભિનન્દના હોતિ. દુક્ખં પત્વાતિ દુક્ખુપ્પત્તિહેતુ સુખં પત્થેતિ ‘‘એવં મે દુક્ખપરિળાહો ન ભવિસ્સતી’’તિ. યદગ્ગેનાતિ યેન ભાગેન. ‘‘દુક્ખં પત્થેતિયેવા’’તિ વત્વા તત્થ કારણમાહ ‘‘સુખવિપરિણામેન હી’’તિઆદિ. સુખવિપરિવત્તે સુખવિપરિણામદુક્ખં, તસ્મા સુખં અભિનન્દન્તો અત્થતો દુક્ખં અભિનન્દતિ નામ.
88.Passambhitvāti nirodhetvā. No ca svāhanti no ca su ahaṃ. Parihāyi kuppadhammattā. Etanti samādhimattasāraṃ, sīlamatte pana vattabbameva natthi. Kathaṃ hotīti kathaṃ abhinandanā hoti. Dukkhaṃ patvāti dukkhuppattihetu sukhaṃ pattheti ‘‘evaṃ me dukkhapariḷāho na bhavissatī’’ti. Yadaggenāti yena bhāgena. ‘‘Dukkhaṃ patthetiyevā’’ti vatvā tattha kāraṇamāha ‘‘sukhavipariṇāmena hī’’tiādi. Sukhaviparivatte sukhavipariṇāmadukkhaṃ, tasmā sukhaṃ abhinandanto atthato dukkhaṃ abhinandati nāma.
અસ્સજિસુત્તવણ્ણના નિટ્ઠિતા.
Assajisuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૬. અસ્સજિસુત્તં • 6. Assajisuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૬. અસ્સજિસુત્તવણ્ણના • 6. Assajisuttavaṇṇanā
