| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
3. அஸ்ஸுஸுத்தவண்ணனா
3. Assusuttavaṇṇanā
126. கந்த³னங் ஸஸத்³த³ங், ரோத³னங் பன கேவலமேவாதி ஆஹ ‘‘கந்த³ந்தானந்தி ஸஸத்³த³ங் ருத³மானான’’ந்தி. பவத்தந்தி ஸந்த³னவஸேன பவத்தங். ‘‘ஸினேருரஸ்மீஹி பரிச்சி²ன்னேஸூ’’தி ஸங்கே²பேன வுத்தமத்த²ங் விவரந்தோ ‘‘ஸினேருஸ்ஸா’’திஆதி³மாஹ. மணிமயந்தி இந்த³னீலமணிமயங். ஸினேருஸ்ஸ புப்³ப³த³க்கி²ணகோணஸமபதே³ஸா ‘‘புப்³ப³த³க்கி²ணபஸ்ஸா’’தி அதி⁴ப்பேதா. தேஹி நிக்க²ந்தரஜதரஸ்மியோ இந்த³னீலரஸ்மியோ ச ஏகதோ ஹுத்வா. தாஸங் ரஸ்மீனங் அந்தரேஸூதி தாஸங் சதூஹி கோணேஹி நிக்க²ந்தரஸ்மீனங் சதூஸு அந்தரேஸு. சத்தாரோதி த³க்கி²ணாதி³பே⁴தா³ சத்தாரோ மஹாஸமுத்³தா³ ஹொந்தி. விஅஸனந்தி விஸேஸேன கே²பனங். கிங் பன தந்தி ஆஹ ‘‘வினாஸோதி அத்தோ²’’தி.
126. Kandanaṃ sasaddaṃ, rodanaṃ pana kevalamevāti āha ‘‘kandantānanti sasaddaṃ rudamānāna’’nti. Pavattanti sandanavasena pavattaṃ. ‘‘Sinerurasmīhi paricchinnesū’’ti saṅkhepena vuttamatthaṃ vivaranto ‘‘sinerussā’’tiādimāha. Maṇimayanti indanīlamaṇimayaṃ. Sinerussa pubbadakkhiṇakoṇasamapadesā ‘‘pubbadakkhiṇapassā’’ti adhippetā. Tehi nikkhantarajatarasmiyo indanīlarasmiyo ca ekato hutvā. Tāsaṃ rasmīnaṃ antaresūti tāsaṃ catūhi koṇehi nikkhantarasmīnaṃ catūsu antaresu. Cattāroti dakkhiṇādibhedā cattāro mahāsamuddā honti. Viasananti visesena khepanaṃ. Kiṃ pana tanti āha ‘‘vināsoti attho’’ti.
அஸ்ஸுஸுத்தவண்ணனா நிட்டி²தா.
Assusuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 3. அஸ்ஸுஸுத்தங் • 3. Assusuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3. அஸ்ஸுஸுத்தவண்ணனா • 3. Assusuttavaṇṇanā
