| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
3. அஸுரிந்த³கஸுத்தவண்ணனா
3. Asurindakasuttavaṇṇanā
189. தேனேவாதி பா⁴துபப்³ப³ஜிதேனேவ. அஸ்ஸேவாதி திதிக்க²ஸ்ஸ. ‘‘தங் ஜயங் ஹோதீ’’தி லிங்க³விபல்லாஸவஸேன வுத்தந்தி ஆஹ ‘‘ஸோ ஜயோ ஹோதீ’’தி, து³ஜ்ஜயங் கோத⁴ங் திதிக்கா²ய ஜினந்தஸ்ஸாதி அதி⁴ப்பாயோ. யஸ்மா திதிக்கா²த³யோ ந கோத⁴வஸிகங் து⁴ரங், தங் பன பா³லானங் மஞ்ஞனாமத்தந்தி இத⁴ இமமத்த²ங் விபா⁴வேதுங் ‘‘கதமஸ்ஸா’’திஆதி³ வுத்தங். விஜானதோவ ஜயோ ந அவிஜானதோ திதிக்கா²ய அபா⁴வதோ. ந ஹி அவிஜானந்தோ அந்த⁴பா³லோ கோத⁴ங் விஜேதுங் ஸக்கோதி. கேவலங் ஜயங் மஞ்ஞதி கிலேஸேஹி பராஜிதோ ஸமானோபீதி அதி⁴ப்பாயோ.
189.Tenevāti bhātupabbajiteneva. Assevāti titikkhassa. ‘‘Taṃ jayaṃ hotī’’ti liṅgavipallāsavasena vuttanti āha ‘‘so jayo hotī’’ti, dujjayaṃ kodhaṃ titikkhāya jinantassāti adhippāyo. Yasmā titikkhādayo na kodhavasikaṃ dhuraṃ, taṃ pana bālānaṃ maññanāmattanti idha imamatthaṃ vibhāvetuṃ ‘‘katamassā’’tiādi vuttaṃ. Vijānatova jayo na avijānato titikkhāya abhāvato. Na hi avijānanto andhabālo kodhaṃ vijetuṃ sakkoti. Kevalaṃ jayaṃ maññati kilesehi parājito samānopīti adhippāyo.
அஸுரிந்த³கஸுத்தவண்ணனா நிட்டி²தா.
Asurindakasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 3. அஸுரிந்த³கஸுத்தங் • 3. Asurindakasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3. அஸுரிந்த³கஸுத்தவண்ணனா • 3. Asurindakasuttavaṇṇanā
