| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૩. અસુરિન્દકસુત્તવણ્ણના
3. Asurindakasuttavaṇṇanā
૧૮૯. તતિયે અસુરિન્દકભારદ્વાજોતિ અક્કોસકભારદ્વાજસ્સ કનિટ્ઠો. કુપિતોતિ તેનેવ કારણેન કુદ્ધો. જયઞ્ચેવસ્સ તં હોતીતિ અસ્સેવ તં જયં હોતિ, સો જયો હોતીતિ અત્થો . કતમસ્સાતિ? યા તિતિક્ખા વિજાનતો અધિવાસનાય ગુણં વિજાનન્તસ્સ તિતિક્ખા અધિવાસના, અયં તસ્સ વિજાનતોવ જયો. બાલો પન ફરુસં ભણન્તો ‘‘મય્હં જયો’’તિ કેવલં જયં મઞ્ઞતિ. તતિયં.
189. Tatiye asurindakabhāradvājoti akkosakabhāradvājassa kaniṭṭho. Kupitoti teneva kāraṇena kuddho. Jayañcevassa taṃ hotīti asseva taṃ jayaṃ hoti, so jayo hotīti attho . Katamassāti? Yā titikkhā vijānato adhivāsanāya guṇaṃ vijānantassa titikkhā adhivāsanā, ayaṃ tassa vijānatova jayo. Bālo pana pharusaṃ bhaṇanto ‘‘mayhaṃ jayo’’ti kevalaṃ jayaṃ maññati. Tatiyaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૩. અસુરિન્દકસુત્તં • 3. Asurindakasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૩. અસુરિન્દકસુત્તવણ્ણના • 3. Asurindakasuttavaṇṇanā
