| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
4. அதபனீயஸுத்தங்
4. Atapanīyasuttaṃ
4. ‘‘த்³வேமே, பி⁴க்க²வே, த⁴ம்மா அதபனீயா. கதமே த்³வே? இத⁴, பி⁴க்க²வே, ஏகச்சஸ்ஸ காயஸுசரிதங் கதங் ஹோதி, அகதங் ஹோதி காயது³ச்சரிதங்; வசீஸுசரிதங் கதங் ஹோதி, அகதங் ஹோதி வசீது³ச்சரிதங்; மனோஸுசரிதங் கதங் ஹோதி, அகதங் ஹோதி மனோது³ச்சரிதங். ஸோ ‘காயஸுசரிதங் மே கத’ந்தி ந தப்பதி, ‘அகதங் மே காயது³ச்சரித’ந்தி ந தப்பதி; ‘வசீஸுசரிதங் மே கத’ந்தி ந தப்பதி, ‘அகதங் மே வசீது³ச்சரித’ந்தி ந தப்பதி; ‘மனோஸுசரிதங் மே கத’ந்தி ந தப்பதி, ‘அகதங் மே மனோது³ச்சரித’ந்தி ந தப்பதி. இமே கோ², பி⁴க்க²வே, த்³வே த⁴ம்மா அதபனீயா’’தி. சதுத்த²ங்.
4. ‘‘Dveme, bhikkhave, dhammā atapanīyā. Katame dve? Idha, bhikkhave, ekaccassa kāyasucaritaṃ kataṃ hoti, akataṃ hoti kāyaduccaritaṃ; vacīsucaritaṃ kataṃ hoti, akataṃ hoti vacīduccaritaṃ; manosucaritaṃ kataṃ hoti, akataṃ hoti manoduccaritaṃ. So ‘kāyasucaritaṃ me kata’nti na tappati, ‘akataṃ me kāyaduccarita’nti na tappati; ‘vacīsucaritaṃ me kata’nti na tappati, ‘akataṃ me vacīduccarita’nti na tappati; ‘manosucaritaṃ me kata’nti na tappati, ‘akataṃ me manoduccarita’nti na tappati. Ime kho, bhikkhave, dve dhammā atapanīyā’’ti. Catutthaṃ.
