| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
10. ஆதப்பகரணீயஸுத்தங்
10. Ātappakaraṇīyasuttaṃ
50. ‘‘தீஹி, பி⁴க்க²வே, டா²னேஹி ஆதப்பங் கரணீயங். கதமேஹி தீஹி? அனுப்பன்னானங் பாபகானங் அகுஸலானங் த⁴ம்மானங் அனுப்பாதா³ய ஆதப்பங் கரணீயங் , அனுப்பன்னானங் குஸலானங் த⁴ம்மானங் உப்பாதா³ய ஆதப்பங் கரணீயங், உப்பன்னானங் ஸாரீரிகானங் வேத³னானங் து³க்கா²னங் திப்³பா³னங் க²ரானங் கடுகானங் அஸாதானங் அமனாபானங் பாணஹரானங் அதி⁴வாஸனாய ஆதப்பங் கரணீயங். இமேஹி தீஹி, பி⁴க்க²வே, டா²னேஹி ஆதப்பங் கரணீயங்.
50. ‘‘Tīhi, bhikkhave, ṭhānehi ātappaṃ karaṇīyaṃ. Katamehi tīhi? Anuppannānaṃ pāpakānaṃ akusalānaṃ dhammānaṃ anuppādāya ātappaṃ karaṇīyaṃ , anuppannānaṃ kusalānaṃ dhammānaṃ uppādāya ātappaṃ karaṇīyaṃ, uppannānaṃ sārīrikānaṃ vedanānaṃ dukkhānaṃ tibbānaṃ kharānaṃ kaṭukānaṃ asātānaṃ amanāpānaṃ pāṇaharānaṃ adhivāsanāya ātappaṃ karaṇīyaṃ. Imehi tīhi, bhikkhave, ṭhānehi ātappaṃ karaṇīyaṃ.
‘‘யதோ கோ², பி⁴க்க²வே, பி⁴க்கு² அனுப்பன்னானங் பாபகானங் அகுஸலானங் த⁴ம்மானங் அனுப்பாதா³ய ஆதப்பங் கரோதி, அனுப்பன்னானங் குஸலானங் த⁴ம்மானங் உப்பாதா³ய ஆதப்பங் கரோதி, உப்பன்னானங் ஸாரீரிகானங் வேத³னானங் து³க்கா²னங் திப்³பா³னங் க²ரானங் கடுகானங் அஸாதானங் அமனாபானங் பாணஹரானங் அதி⁴வாஸனாய ஆதப்பங் கரோதி. அயங் வுச்சதி, பி⁴க்க²வே, பி⁴க்கு² ஆதாபீ நிபகோ ஸதோ ஸம்மா து³க்க²ஸ்ஸ அந்தகிரியாயா’’தி. த³ஸமங்.
‘‘Yato kho, bhikkhave, bhikkhu anuppannānaṃ pāpakānaṃ akusalānaṃ dhammānaṃ anuppādāya ātappaṃ karoti, anuppannānaṃ kusalānaṃ dhammānaṃ uppādāya ātappaṃ karoti, uppannānaṃ sārīrikānaṃ vedanānaṃ dukkhānaṃ tibbānaṃ kharānaṃ kaṭukānaṃ asātānaṃ amanāpānaṃ pāṇaharānaṃ adhivāsanāya ātappaṃ karoti. Ayaṃ vuccati, bhikkhave, bhikkhu ātāpī nipako sato sammā dukkhassa antakiriyāyā’’ti. Dasamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 10. ஆதப்பகரணீயஸுத்தவண்ணனா • 10. Ātappakaraṇīyasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 10. ஆதப்பகரணீயஸுத்தவண்ணனா • 10. Ātappakaraṇīyasuttavaṇṇanā
