| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
3. அதினிவாஸஸுத்தங்
3. Atinivāsasuttaṃ
223. ‘‘பஞ்சிமே , பி⁴க்க²வே, ஆதீ³னவா அதினிவாஸே. கதமே பஞ்ச? ப³ஹுப⁴ண்டோ³ ஹோதி ப³ஹுப⁴ண்ட³ஸன்னிசயோ, ப³ஹுபே⁴ஸஜ்ஜோ ஹோதி ப³ஹுபே⁴ஸஜ்ஜஸன்னிசயோ, ப³ஹுகிச்சோ ஹோதி ப³ஹுகரணீயோ ப்³யத்தோ கிங்கரணீயேஸு, ஸங்ஸட்டோ² விஹரதி க³ஹட்ட²பப்³ப³ஜிதேஹி அனநுலோமிகேன கி³ஹிஸங்ஸக்³கே³ன, தம்ஹா ச ஆவாஸா பக்கமந்தோ ஸாபெக்கோ² பக்கமதி. இமே கோ², பி⁴க்க²வே, பஞ்ச ஆதீ³னவா அதினிவாஸே.
223. ‘‘Pañcime , bhikkhave, ādīnavā atinivāse. Katame pañca? Bahubhaṇḍo hoti bahubhaṇḍasannicayo, bahubhesajjo hoti bahubhesajjasannicayo, bahukicco hoti bahukaraṇīyo byatto kiṃkaraṇīyesu, saṃsaṭṭho viharati gahaṭṭhapabbajitehi ananulomikena gihisaṃsaggena, tamhā ca āvāsā pakkamanto sāpekkho pakkamati. Ime kho, bhikkhave, pañca ādīnavā atinivāse.
‘‘பஞ்சிமே, பி⁴க்க²வே, ஆனிஸங்ஸா ஸமவத்த²வாஸே. கதமே பஞ்ச? ந ப³ஹுப⁴ண்டோ³ ஹோதி ந ப³ஹுப⁴ண்ட³ஸன்னிசயோ, ந ப³ஹுபே⁴ஸஜ்ஜோ ஹோதி ந ப³ஹுபே⁴ஸஜ்ஜஸன்னிசயோ, ந ப³ஹுகிச்சோ ஹோதி ந ப³ஹுகரணீயோ ந ப்³யத்தோ கிங்கரணீயேஸு, அஸங்ஸட்டோ² விஹரதி க³ஹட்ட²பப்³ப³ஜிதேஹி அனநுலோமிகேன கி³ஹிஸங்ஸக்³கே³ன, தம்ஹா ச ஆவாஸா பக்கமந்தோ அனபெக்கோ² பக்கமதி. இமே கோ², பி⁴க்க²வே, பஞ்ச ஆனிஸங்ஸா ஸமவத்த²வாஸே’’தி. ததியங்.
‘‘Pañcime, bhikkhave, ānisaṃsā samavatthavāse. Katame pañca? Na bahubhaṇḍo hoti na bahubhaṇḍasannicayo, na bahubhesajjo hoti na bahubhesajjasannicayo, na bahukicco hoti na bahukaraṇīyo na byatto kiṃkaraṇīyesu, asaṃsaṭṭho viharati gahaṭṭhapabbajitehi ananulomikena gihisaṃsaggena, tamhā ca āvāsā pakkamanto anapekkho pakkamati. Ime kho, bhikkhave, pañca ānisaṃsā samavatthavāse’’ti. Tatiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 3-4. அதினிவாஸஸுத்தாதி³வண்ணனா • 3-4. Atinivāsasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-10. பட²மதீ³க⁴சாரிகஸுத்தாதி³வண்ணனா • 1-10. Paṭhamadīghacārikasuttādivaṇṇanā
