| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
5. அத்ததீ³பவக்³கோ³
5. Attadīpavaggo
1. அத்ததீ³பஸுத்தவண்ணனா
1. Attadīpasuttavaṇṇanā
43. த்³வீஹி பா⁴கே³ஹி ஆபோ எத்த² க³தாதி தீ³போ, தீ³போ வியாதி தீ³போ ஓகே⁴ஹி அனஜ்ஜொ²த்த²ரனீயதாய. யோ பரோ ந ஹோதி, ஸோ அத்தா, இத⁴ பன த⁴ம்மோ அதி⁴ப்பேதோ. அத்தா தீ³போ ஏதேஸந்தி அத்ததீ³பா. படிஸரணத்தோ² தீ³பட்டோ²தி ஆஹ – ‘‘அத்தஸரணாதி இத³ங் தஸ்ஸேவ வேவசன’’ந்தி. லோகியலோகுத்தரோ த⁴ம்மோ அத்தா நாம ஏகந்தனாத²பா⁴வதோ. பட²மேன பதே³ன வுத்தோ ஏவ அத்தோ² து³தியபதே³ன வுச்சதீதி வுத்தங் ‘‘தேனேவாஹா’’திஆதி³. யவதி ஏதஸ்மா ப²லங் பஸவதீதி யோனி, காரணங். கிங் பபு⁴தி உப்பத்திட்டா²னங் ஏதேஸந்தி கிங் பபு⁴திகா. பஹானத³ஸ்ஸனத்த²ங் ஆரத்³த⁴ங். தேனேவாஹ ‘‘புப்³பே³ சேவ…பே॰… தே பஹீயந்தீ’’தி. ந பரிதஸ்ஸதி தண்ஹாபரித்தாஸஸ்ஸ அபா⁴வதோ. விபஸ்ஸனங்கே³னாதி விபஸ்ஸனாஸங்கா²தேன காரணேன.
43. Dvīhi bhāgehi āpo ettha gatāti dīpo, dīpo viyāti dīpo oghehi anajjhottharanīyatāya. Yo paro na hoti, so attā, idha pana dhammo adhippeto. Attā dīpo etesanti attadīpā. Paṭisaraṇattho dīpaṭṭhoti āha – ‘‘attasaraṇāti idaṃ tasseva vevacana’’nti. Lokiyalokuttaro dhammo attā nāma ekantanāthabhāvato. Paṭhamena padena vutto eva attho dutiyapadena vuccatīti vuttaṃ ‘‘tenevāhā’’tiādi. Yavati etasmā phalaṃ pasavatīti yoni, kāraṇaṃ. Kiṃ pabhuti uppattiṭṭhānaṃ etesanti kiṃ pabhutikā. Pahānadassanatthaṃ āraddhaṃ. Tenevāha ‘‘pubbe ceva…pe… te pahīyantī’’ti. Na paritassati taṇhāparittāsassa abhāvato. Vipassanaṅgenāti vipassanāsaṅkhātena kāraṇena.
அத்ததீ³பஸுத்தவண்ணனா நிட்டி²தா.
Attadīpasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. அத்ததீ³பஸுத்தங் • 1. Attadīpasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1. அத்ததீ³பஸுத்தவண்ணனா • 1. Attadīpasuttavaṇṇanā
