| Tipiṭaka / Tipiṭaka (English) / Saṁyutta Nikāya, English translation |
Show IAST transliterationසංයුත්ත නිකාය 3.5
The Related Suttas Collection 3.5
1. පඨමවග්ග
1. Shackles
අත්තරක්ඛිතසුත්ත
Self-Protected
සාවත්ථිනිදානං.
At Sāvatthī.
ඒකමන්තං නිසින්නෝ ඛෝ රාජා පසේනදි කෝසලෝ භගවන්තං ඒතදවෝච: “ඉධ මය්හං, භන්තේ, රහෝගතස්ස පටිසල්ලීනස්ස ඒවං චේතසෝ පරිවිතක්කෝ උදපාදි: ‘කේසං නු ඛෝ රක්ඛිතෝ අත්තා, කේසං අරක්ඛිතෝ අත්තා(අ)ති?
Seated to one side, King Pasenadi said to the Buddha, “Just now, sir, as I was in private retreat this thought came to mind. ‘Who are those who protect themselves? And who are those who don’t protect themselves?’
තස්ස මය්හං, භන්තේ, ඒතදහෝසි: ‘යේ ඛෝ කේචි කායේන දුච්චරිතං චරන්ති, වාචාය දුච්චරිතං චරන්ති, මනසා දුච්චරිතං චරන්ති; තේසං අරක්ඛිතෝ අත්තා. කිඤ්චාපි තේ හත්ථිකායෝ වා රක්ඛේය්‍ය, අස්සකායෝ වා රක්ඛේය්‍ය, රථකායෝ වා රක්ඛේය්‍ය, පත්තිකායෝ වා රක්ඛේය්‍ය; අථ ඛෝ තේසං අරක්ඛිතෝ අත්තා. තං කිස්ස හේතු? බාහිරා හේසා රක්ඛා, නේසා රක්ඛා අජ්ඣත්තිකා; තස්මා තේසං අරක්ඛිතෝ අත්තා.
Then it occurred to me: ‘Those who do bad things by way of body, speech, and mind don’t protect themselves. Even if they’re protected by a company of elephants, cavalry, chariots, or infantry, they still don’t protect themselves. Why is that? Because such protection is exterior, not interior. That’s why they don’t protect themselves.
යේ ච ඛෝ කේචි කායේන සුචරිතං චරන්ති, වාචාය සුචරිතං චරන්ති, මනසා සුචරිතං චරන්ති; තේසං රක්ඛිතෝ අත්තා. කිඤ්චාපි තේ නේව හත්ථිකායෝ රක්ඛේය්‍ය, න අස්සකායෝ රක්ඛේය්‍ය, න රථකායෝ රක්ඛේය්‍ය, න පත්තිකායෝ රක්ඛේය්‍ය; අථ ඛෝ තේසං රක්ඛිතෝ අත්තා. තං කිස්ස හේතු? අජ්ඣත්තිකා හේසා රක්ඛා, නේසා රක්ඛා බාහිරා; තස්මා තේසං රක්ඛිතෝ අත්තා(අ)”ති.
Those who do good things by way of body, speech, and mind do protect themselves. Even if they’re not protected by a company of elephants, cavalry, chariots, or infantry, they still protect themselves. Why is that? Because such protection is interior, not exterior. That’s why they do protect themselves.’”
“ඒවමේතං, මහාරාජ, ඒවමේතං, මහාරාජ. යේ හි කේචි, මහාරාජ, කායේන දුච්චරිතං චරන්ති …පේ… තේසං අරක්ඛිතෝ අත්තා. තං කිස්ස හේතු? බාහිරා හේසා, මහාරාජ, රක්ඛා, නේසා රක්ඛා අජ්ඣත්තිකා; තස්මා තේසං අරක්ඛිතෝ අත්තා. යේ හි කේචි, මහාරාජ, කායේන සුචරිතං චරන්ති, වාචාය සුචරිතං චරන්ති, මනසා සුචරිතං චරන්ති; තේසං රක්ඛිතෝ අත්තා. කිඤ්චාපි තේ නේව හත්ථිකායෝ රක්ඛේය්‍ය, න අස්සකායෝ රක්ඛේය්‍ය, න රථකායෝ රක්ඛේය්‍ය, න පත්තිකායෝ රක්ඛේය්‍ය; අථ ඛෝ තේසං රක්ඛිතෝ අත්තා. තං කිස්ස හේතු? අජ්ඣත්තිකා හේසා, මහාරාජ, රක්ඛා, නේසා රක්ඛා බාහිරා; තස්මා තේසං රක්ඛිතෝ අත්තා”ති.
“That’s so true, great king! That’s so true!” said the Buddha. And he repeated the king’s statement, adding:
ඉදමවෝච …පේ…
“කායේන සංවරෝ සාධු, සාධු වාචාය සංවරෝ; මනසා සංවරෝ සාධු, සාධු සබ්බත්ථ සංවරෝ; සබ්බත්ථ සංවුතෝ ලජ්ජී, රක්ඛිතෝති පවුච්චතී”ති.
“Restraint of the body is good; restraint of speech is good; restraint of mind is good; everywhere, restraint is good. A sincere person, restrained everywhere, is said to be ‘protected’.”
The authoritative text of the Saṁyutta Nikāya is the Pāli text. The English translation is provided as an aid to the study of the original Pāli text. [CREDITS »]
