| Library / Tipiṭaka / તિપિટક • Tipiṭaka / કથાવત્થુપાળિ • Kathāvatthupāḷi |
(૨૬) ૬. અટ્ઠમકસ્સઇન્દ્રિયકથા
(26) 6. Aṭṭhamakassaindriyakathā
૩૭૧. અટ્ઠમકસ્સ પુગ્ગલસ્સ નત્થિ સદ્ધિન્દ્રિયન્તિ? આમન્તા. અટ્ઠમકસ્સ પુગ્ગલસ્સ નત્થિ સદ્ધાતિ? ન હેવં વત્તબ્બે. અટ્ઠમકસ્સ પુગ્ગલસ્સ નત્થિ વીરિયિન્દ્રિયં…પે॰… નત્થિ સતિન્દ્રિયં…પે॰… નત્થિ સમાધિન્દ્રિયં…પે॰… નત્થિ પઞ્ઞિન્દ્રિયન્તિ? આમન્તા. અટ્ઠમકસ્સ પુગ્ગલસ્સ નત્થિ પઞ્ઞાતિ? ન હેવં વત્તબ્બે…પે॰….
371. Aṭṭhamakassa puggalassa natthi saddhindriyanti? Āmantā. Aṭṭhamakassa puggalassa natthi saddhāti? Na hevaṃ vattabbe. Aṭṭhamakassa puggalassa natthi vīriyindriyaṃ…pe… natthi satindriyaṃ…pe… natthi samādhindriyaṃ…pe… natthi paññindriyanti? Āmantā. Aṭṭhamakassa puggalassa natthi paññāti? Na hevaṃ vattabbe…pe….
અટ્ઠમકસ્સ પુગ્ગલસ્સ અત્થિ સદ્ધાતિ? આમન્તા. અટ્ઠમકસ્સ પુગ્ગલસ્સ અત્થિ સદ્ધિન્દ્રિયન્તિ? ન હેવં વત્તબ્બે…પે॰… અટ્ઠમકસ્સ પુગ્ગલસ્સ અત્થિ વીરિયં…પે॰… અત્થિ સતિ… અત્થિ સમાધિ… અત્થિ પઞ્ઞાતિ? આમન્તા. અટ્ઠમકસ્સ પુગ્ગલસ્સ અત્થિ પઞ્ઞિન્દ્રિયન્તિ? ન હેવં વત્તબ્બે…પે॰….
Aṭṭhamakassa puggalassa atthi saddhāti? Āmantā. Aṭṭhamakassa puggalassa atthi saddhindriyanti? Na hevaṃ vattabbe…pe… aṭṭhamakassa puggalassa atthi vīriyaṃ…pe… atthi sati… atthi samādhi… atthi paññāti? Āmantā. Aṭṭhamakassa puggalassa atthi paññindriyanti? Na hevaṃ vattabbe…pe….
અટ્ઠમકસ્સ પુગ્ગલસ્સ અત્થિ મનો, અત્થિ મનિન્દ્રિયન્તિ? આમન્તા. અટ્ઠમકસ્સ પુગ્ગલસ્સ અત્થિ સદ્ધા, અત્થિ સદ્ધિન્દ્રિયન્તિ? ન હેવં વત્તબ્બે…પે॰… અટ્ઠમકસ્સ પુગ્ગલસ્સ અત્થિ મનો, અત્થિ મનિન્દ્રિયન્તિ? આમન્તા. અટ્ઠમકસ્સ પુગ્ગલસ્સ અત્થિ પઞ્ઞા, અત્થિ પઞ્ઞિન્દ્રિયન્તિ? ન હેવં વત્તબ્બે…પે॰….
Aṭṭhamakassa puggalassa atthi mano, atthi manindriyanti? Āmantā. Aṭṭhamakassa puggalassa atthi saddhā, atthi saddhindriyanti? Na hevaṃ vattabbe…pe… aṭṭhamakassa puggalassa atthi mano, atthi manindriyanti? Āmantā. Aṭṭhamakassa puggalassa atthi paññā, atthi paññindriyanti? Na hevaṃ vattabbe…pe….
અટ્ઠમકસ્સ પુગ્ગલસ્સ અત્થિ સોમનસ્સં, અત્થિ સોમનસ્સિન્દ્રિયં, અત્થિ જીવિતં, અત્થિ જીવિતિન્દ્રિયન્તિ? આમન્તા. અટ્ઠમકસ્સ પુગ્ગલસ્સ અત્થિ સદ્ધા, અત્થિ સદ્ધિન્દ્રિયન્તિ? ન હેવં વત્તબ્બે…પે॰… અટ્ઠમકસ્સ પુગ્ગલસ્સ અત્થિ જીવિતં, અત્થિ જીવિતિન્દ્રિયન્તિ? આમન્તા. અટ્ઠમકસ્સ પુગ્ગલસ્સ…પે॰… અત્થિ પઞ્ઞા, અત્થિ પઞ્ઞિન્દ્રિયન્તિ? ન હેવં વત્તબ્બે…પે॰….
Aṭṭhamakassa puggalassa atthi somanassaṃ, atthi somanassindriyaṃ, atthi jīvitaṃ, atthi jīvitindriyanti? Āmantā. Aṭṭhamakassa puggalassa atthi saddhā, atthi saddhindriyanti? Na hevaṃ vattabbe…pe… aṭṭhamakassa puggalassa atthi jīvitaṃ, atthi jīvitindriyanti? Āmantā. Aṭṭhamakassa puggalassa…pe… atthi paññā, atthi paññindriyanti? Na hevaṃ vattabbe…pe….
અટ્ઠમકસ્સ પુગ્ગલસ્સ અત્થિ સદ્ધા, નત્થિ સદ્ધિન્દ્રિયન્તિ? આમન્તા. અટ્ઠમકસ્સ પુગ્ગલસ્સ અત્થિ મનો, નત્થિ મનિન્દ્રિયન્તિ? ન હેવં વત્તબ્બે…પે॰….
Aṭṭhamakassa puggalassa atthi saddhā, natthi saddhindriyanti? Āmantā. Aṭṭhamakassa puggalassa atthi mano, natthi manindriyanti? Na hevaṃ vattabbe…pe….
અટ્ઠમકસ્સ પુગ્ગલસ્સ અત્થિ સદ્ધા, નત્થિ સદ્ધિન્દ્રિયન્તિ? આમન્તા. અટ્ઠમકસ્સ પુગ્ગલસ્સ અત્થિ સોમનસ્સં, નત્થિ સોમનસ્સિન્દ્રિયન્તિ…પે॰… અત્થિ જીવિતં, નત્થિ જીવિતિન્દ્રિયન્તિ? ન હેવં વત્તબ્બે…પે॰… અટ્ઠમકસ્સ પુગ્ગલસ્સ અત્થિ પઞ્ઞા, નત્થિ પઞ્ઞિન્દ્રિયન્તિ? આમન્તા. અટ્ઠમકસ્સ પુગ્ગલસ્સ અત્થિ મનો, નત્થિ મનિન્દ્રિયન્તિ? અત્થિ સોમનસ્સં, નત્થિ સોમનસ્સિન્દ્રિયન્તિ? અત્થિ જીવિતં, નત્થિ જીવિતિન્દ્રિયન્તિ? ન હેવં વત્તબ્બે…પે॰….
Aṭṭhamakassa puggalassa atthi saddhā, natthi saddhindriyanti? Āmantā. Aṭṭhamakassa puggalassa atthi somanassaṃ, natthi somanassindriyanti…pe… atthi jīvitaṃ, natthi jīvitindriyanti? Na hevaṃ vattabbe…pe… aṭṭhamakassa puggalassa atthi paññā, natthi paññindriyanti? Āmantā. Aṭṭhamakassa puggalassa atthi mano, natthi manindriyanti? Atthi somanassaṃ, natthi somanassindriyanti? Atthi jīvitaṃ, natthi jīvitindriyanti? Na hevaṃ vattabbe…pe….
અટ્ઠમકસ્સ પુગ્ગલસ્સ નત્થિ સદ્ધિન્દ્રિયન્તિ? આમન્તા. અટ્ઠમકો પુગ્ગલો અસ્સદ્ધોતિ? ન હેવં વત્તબ્બે…પે॰… અટ્ઠમકસ્સ પુગ્ગલસ્સ નત્થિ વીરિયિન્દ્રિયન્તિ? આમન્તા. અટ્ઠમકો પુગ્ગલો કુસીતો હીનવીરિયોતિ? ન હેવં વત્તબ્બે…પે॰… અટ્ઠમકસ્સ પુગ્ગલસ્સ નત્થિ સતિન્દ્રિયન્તિ? આમન્તા. અટ્ઠમકો પુગ્ગલો મુટ્ઠસ્સતિ અસમ્પજાનોતિ? ન હેવં વત્તબ્બે…પે॰… અટ્ઠમકસ્સ પુગ્ગલસ્સ નત્થિ સમાધિન્દ્રિયન્તિ? આમન્તા. અટ્ઠમકો પુગ્ગલો અસમાહિતો વિબ્ભન્તચિત્તોતિ? ન હેવં વત્તબ્બે…પે॰… અટ્ઠમકસ્સ પુગ્ગલસ્સ નત્થિ પઞ્ઞિન્દ્રિયન્તિ? આમન્તા. અટ્ઠમકો પુગ્ગલો દુપ્પઞ્ઞો એલમૂગોતિ? ન હેવં વત્તબ્બે…પે॰….
Aṭṭhamakassa puggalassa natthi saddhindriyanti? Āmantā. Aṭṭhamako puggalo assaddhoti? Na hevaṃ vattabbe…pe… aṭṭhamakassa puggalassa natthi vīriyindriyanti? Āmantā. Aṭṭhamako puggalo kusīto hīnavīriyoti? Na hevaṃ vattabbe…pe… aṭṭhamakassa puggalassa natthi satindriyanti? Āmantā. Aṭṭhamako puggalo muṭṭhassati asampajānoti? Na hevaṃ vattabbe…pe… aṭṭhamakassa puggalassa natthi samādhindriyanti? Āmantā. Aṭṭhamako puggalo asamāhito vibbhantacittoti? Na hevaṃ vattabbe…pe… aṭṭhamakassa puggalassa natthi paññindriyanti? Āmantā. Aṭṭhamako puggalo duppañño elamūgoti? Na hevaṃ vattabbe…pe….
અટ્ઠમકસ્સ પુગ્ગલસ્સ અત્થિ સદ્ધા, સા ચ સદ્ધા નિય્યાનિકાતિ? આમન્તા. હઞ્ચિ અટ્ઠમકસ્સ પુગ્ગલસ્સ અત્થિ સદ્ધા, સા ચ સદ્ધા નિય્યાનિકા, નો ચ વત રે વત્તબ્બે – ‘‘અટ્ઠમકસ્સ પુગ્ગલસ્સ નત્થિ સદ્ધિન્દ્રિય’’ન્તિ. અટ્ઠમકસ્સ પુગ્ગલસ્સ અત્થિ વીરિયં, તઞ્ચ વીરિયં નિય્યાનિકં; અત્થિ સતિ, સા ચ સતિ નિય્યાનિકા; અત્થિ સમાધિ, સો ચ સમાધિ નિય્યાનિકો; અત્થિ પઞ્ઞા, સા ચ પઞ્ઞા નિય્યાનિકાતિ? આમન્તા . હઞ્ચિ અટ્ઠમકસ્સ પુગ્ગલસ્સ અત્થિ પઞ્ઞા, સા ચ પઞ્ઞા નિય્યાનિકા, નો ચ વત રે વત્તબ્બે – ‘‘અટ્ઠમકસ્સ પુગ્ગલસ્સ નત્થિ પઞ્ઞિન્દ્રિય’’ન્તિ.
Aṭṭhamakassa puggalassa atthi saddhā, sā ca saddhā niyyānikāti? Āmantā. Hañci aṭṭhamakassa puggalassa atthi saddhā, sā ca saddhā niyyānikā, no ca vata re vattabbe – ‘‘aṭṭhamakassa puggalassa natthi saddhindriya’’nti. Aṭṭhamakassa puggalassa atthi vīriyaṃ, tañca vīriyaṃ niyyānikaṃ; atthi sati, sā ca sati niyyānikā; atthi samādhi, so ca samādhi niyyāniko; atthi paññā, sā ca paññā niyyānikāti? Āmantā . Hañci aṭṭhamakassa puggalassa atthi paññā, sā ca paññā niyyānikā, no ca vata re vattabbe – ‘‘aṭṭhamakassa puggalassa natthi paññindriya’’nti.
૩૭૨. સકદાગામિફલસચ્છિકિરિયાય પટિપન્નસ્સ પુગ્ગલસ્સ અત્થિ સદ્ધા, અત્થિ સદ્ધિન્દ્રિયન્તિ? આમન્તા. અટ્ઠમકસ્સ પુગ્ગલસ્સ અત્થિ સદ્ધા, અત્થિ સદ્ધિન્દ્રિયન્તિ? ન હેવં વત્તબ્બે…પે॰… સકદાગામિફલસચ્છિકિરિયાય પટિપન્નસ્સ પુગ્ગલસ્સ અત્થિ પઞ્ઞા, અત્થિ પઞ્ઞિન્દ્રિયન્તિ? આમન્તા. અટ્ઠમકસ્સ પુગ્ગલસ્સ અત્થિ પઞ્ઞા, અત્થિ પઞ્ઞિન્દ્રિયન્તિ? ન હેવં વત્તબ્બે…પે॰….
372. Sakadāgāmiphalasacchikiriyāya paṭipannassa puggalassa atthi saddhā, atthi saddhindriyanti? Āmantā. Aṭṭhamakassa puggalassa atthi saddhā, atthi saddhindriyanti? Na hevaṃ vattabbe…pe… sakadāgāmiphalasacchikiriyāya paṭipannassa puggalassa atthi paññā, atthi paññindriyanti? Āmantā. Aṭṭhamakassa puggalassa atthi paññā, atthi paññindriyanti? Na hevaṃ vattabbe…pe….
અનાગામિફલસચ્છિકિરિયાય પટિપન્નસ્સ પુગ્ગલસ્સ… અરહત્તસચ્છિકિરિયાય પટિપન્નસ્સ પુગ્ગલસ્સ અત્થિ સદ્ધા, અત્થિ સદ્ધિન્દ્રિયં…પે॰… અત્થિ પઞ્ઞા, અત્થિ પઞ્ઞિન્દ્રિયન્તિ? આમન્તા. અટ્ઠમકસ્સ પુગ્ગલસ્સ અત્થિ પઞ્ઞા, અત્થિ પઞ્ઞિન્દ્રિયન્તિ? ન હેવં વત્તબ્બે…પે॰….
Anāgāmiphalasacchikiriyāya paṭipannassa puggalassa… arahattasacchikiriyāya paṭipannassa puggalassa atthi saddhā, atthi saddhindriyaṃ…pe… atthi paññā, atthi paññindriyanti? Āmantā. Aṭṭhamakassa puggalassa atthi paññā, atthi paññindriyanti? Na hevaṃ vattabbe…pe….
અટ્ઠમકસ્સ પુગ્ગલસ્સ અત્થિ સદ્ધા, નત્થિ સદ્ધિન્દ્રિયન્તિ? આમન્તા. સકદાગામિફલસચ્છિકિરિયાય પટિપન્નસ્સ પુગ્ગલસ્સ અત્થિ સદ્ધા, નત્થિ સદ્ધિન્દ્રિયન્તિ? ન હેવં વત્તબ્બે…પે॰… અટ્ઠમકસ્સ પુગ્ગલસ્સ અત્થિ પઞ્ઞા, નત્થિ પઞ્ઞિન્દ્રિયન્તિ? આમન્તા. સકદાગામિફલસચ્છિકિરિયાય પટિપન્નસ્સ પુગ્ગલસ્સ અત્થિ પઞ્ઞા, નત્થિ પઞ્ઞિન્દ્રિયન્તિ? ન હેવં વત્તબ્બે…પે॰….
Aṭṭhamakassa puggalassa atthi saddhā, natthi saddhindriyanti? Āmantā. Sakadāgāmiphalasacchikiriyāya paṭipannassa puggalassa atthi saddhā, natthi saddhindriyanti? Na hevaṃ vattabbe…pe… aṭṭhamakassa puggalassa atthi paññā, natthi paññindriyanti? Āmantā. Sakadāgāmiphalasacchikiriyāya paṭipannassa puggalassa atthi paññā, natthi paññindriyanti? Na hevaṃ vattabbe…pe….
અટ્ઠમકસ્સ પુગ્ગલસ્સ અત્થિ સદ્ધા, નત્થિ સદ્ધિન્દ્રિયન્તિ…પે॰… અત્થિ પઞ્ઞા, નત્થિ પઞ્ઞિન્દ્રિયન્તિ? આમન્તા . અનાગામિફલસચ્છિકિરિયાય પટિપન્નસ્સ પુગ્ગલસ્સ… અરહત્તસચ્છિકિરિયાય પટિપન્નસ્સ પુગ્ગલસ્સ અત્થિ પઞ્ઞા, નત્થિ પઞ્ઞિન્દ્રિયન્તિ? ન હેવં વત્તબ્બે…પે॰….
Aṭṭhamakassa puggalassa atthi saddhā, natthi saddhindriyanti…pe… atthi paññā, natthi paññindriyanti? Āmantā . Anāgāmiphalasacchikiriyāya paṭipannassa puggalassa… arahattasacchikiriyāya paṭipannassa puggalassa atthi paññā, natthi paññindriyanti? Na hevaṃ vattabbe…pe….
અટ્ઠમકસ્સ પુગ્ગલસ્સ નત્થિ પઞ્ચિન્દ્રિયાનીતિ? આમન્તા. નનુ વુત્તં ભગવતા – ‘‘પઞ્ચિમાનિ, ભિક્ખવે, ઇન્દ્રિયાનિ! કતમાનિ પઞ્ચ? સદ્ધિન્દ્રિયં, વીરિયિન્દ્રિયં, સતિન્દ્રિયં, સમાધિન્દ્રિયં, પઞ્ઞિન્દ્રિયં – ઇમાનિ ખો, ભિક્ખવે, પઞ્ચિન્દ્રિયાનિ. ઇમેસં ખો, ભિક્ખવે, પઞ્ચન્નં ઇન્દ્રિયાનં સમત્તા પરિપૂરત્તા અરહા હોતિ. તતો મુદુતરેહિ અરહત્તસચ્છિકિરિયાય પટિપન્નો હોતિ, તતો મુદુતરેહિ અનાગામી હોતિ, તતો મુદુતરેહિ અનાગામિફલસચ્છિકિરિયાય પટિપન્નો હોતિ, તતો મુદુતરેહિ સકદાગામી હોતિ, તતો મુદુતરેહિ સકદાગામિફલસચ્છિકિરિયાય પટિપન્નો હોતિ, તતો મુદુતરેહિ સોતાપન્નો હોતિ, તતો મુદુતરેહિ સોતાપત્તિફલસચ્છિકિરિયાય પટિપન્નો હોતિ. યસ્સ ખો, ભિક્ખવે, ઇમાનિ પઞ્ચિન્દ્રિયાનિ સબ્બેન સબ્બં સબ્બથા સબ્બં નત્થિ, તમહં ‘બાહિરો પુથુજ્જનપક્ખે ઠિતો’તિ વદામી’’તિ 1. અત્થેવ સુત્તન્તોતિ? આમન્તા. અટ્ઠમકો પુગ્ગલો બાહિરો પુથુજ્જનપક્ખે ઠિતોતિ? ન હેવં વત્તબ્બે…પે॰… તેન હિ અટ્ઠમકસ્સ પુગ્ગલસ્સ અત્થિ પઞ્ચિન્દ્રિયાનીતિ.
Aṭṭhamakassa puggalassa natthi pañcindriyānīti? Āmantā. Nanu vuttaṃ bhagavatā – ‘‘pañcimāni, bhikkhave, indriyāni! Katamāni pañca? Saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ – imāni kho, bhikkhave, pañcindriyāni. Imesaṃ kho, bhikkhave, pañcannaṃ indriyānaṃ samattā paripūrattā arahā hoti. Tato mudutarehi arahattasacchikiriyāya paṭipanno hoti, tato mudutarehi anāgāmī hoti, tato mudutarehi anāgāmiphalasacchikiriyāya paṭipanno hoti, tato mudutarehi sakadāgāmī hoti, tato mudutarehi sakadāgāmiphalasacchikiriyāya paṭipanno hoti, tato mudutarehi sotāpanno hoti, tato mudutarehi sotāpattiphalasacchikiriyāya paṭipanno hoti. Yassa kho, bhikkhave, imāni pañcindriyāni sabbena sabbaṃ sabbathā sabbaṃ natthi, tamahaṃ ‘bāhiro puthujjanapakkhe ṭhito’ti vadāmī’’ti 2. Attheva suttantoti? Āmantā. Aṭṭhamako puggalo bāhiro puthujjanapakkhe ṭhitoti? Na hevaṃ vattabbe…pe… tena hi aṭṭhamakassa puggalassa atthi pañcindriyānīti.
અટ્ઠમકસ્સ ઇન્દ્રિયકથા નિટ્ઠિતા.
Aṭṭhamakassa indriyakathā niṭṭhitā.
૩. તતિયવગ્ગો
3. Tatiyavaggo
Footnotes:
Related texts:
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૬. અટ્ઠમકસ્સ ઇન્દ્રિયકથાવણ્ણના • 6. Aṭṭhamakassa indriyakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૬. અટ્ઠમકસ્સ ઇન્દ્રિયકથાવણ્ણના • 6. Aṭṭhamakassa indriyakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૬. અટ્ઠમકસ્સ ઇન્દ્રિયકથાવણ્ણના • 6. Aṭṭhamakassa indriyakathāvaṇṇanā
