| Library / Tipiṭaka / તિપિટક • Tipiṭaka / વજિરબુદ્ધિ-ટીકા • Vajirabuddhi-ṭīkā |
૨. અત્થઙ્ગતસિક્ખાપદવણ્ણના
2. Atthaṅgatasikkhāpadavaṇṇanā
૧૫૩. મુનાતીતિ જાનાતિ. અન્તરધાયતિપીતિ એત્થ તદુત્તમં ચે અત્થિ, તં પસ્સામિ, યં વિચિત્તં વા, તદત્થઞ્ચ. તગ્ઘ કારણં. સહ ઉપ્પાદમનન્તરા કિરિયા. યમા ચ તે મનસા કતત્ર નેત્વાતિ. યથા પાતો સિયા પાતો ભવં પાતોવ ઉદકતો ઉગ્ગન્ત્વા ઠિતં, તથા વિરોચમાનં અઙ્ગીરસં બુદ્ધં પસ્સ, ન કેવલં પદુમં વિય, વિરોચમાનં તપન્તમાદિચ્ચમિવન્તલિક્ખેતિ સમ્બન્ધો. અથ વા અઙ્ગીરસં બુદ્ધં પદુમંવ વિરોચમાનં સૂરિયંવ તપન્તં પસ્સ બુદ્ધં. યથા પાતો સિયા ફુલ્લમવીતગન્ધં કોકનુદસઙ્ખાતં પદુમં પસ્સસિ, તથા વિરોચમાનં અઙ્ગીરસં બુદ્ધં પસ્સ. ઉભયેનેવ હિ ભગવતો કન્તિ દીપિતાતિ કત્વા દીપિતગુણસુભં બુદ્ધં સક્કત્વા તં કન્તિં પૂજેય્ય. પૂજનેય્યતોપિ વીતિનામેય્ય ઇતિ લક્ખયે. ‘‘એકતો ઉપસમ્પન્નાયા’’તિ પાળિ.
153.Munātīti jānāti. Antaradhāyatipīti ettha taduttamaṃ ce atthi, taṃ passāmi, yaṃ vicittaṃ vā, tadatthañca. Taggha kāraṇaṃ. Saha uppādamanantarā kiriyā. Yamā ca te manasā katatra netvāti. Yathā pāto siyā pāto bhavaṃ pātova udakato uggantvā ṭhitaṃ, tathā virocamānaṃ aṅgīrasaṃ buddhaṃ passa, na kevalaṃ padumaṃ viya, virocamānaṃ tapantamādiccamivantalikkheti sambandho. Atha vā aṅgīrasaṃ buddhaṃ padumaṃva virocamānaṃ sūriyaṃva tapantaṃ passa buddhaṃ. Yathā pāto siyā phullamavītagandhaṃ kokanudasaṅkhātaṃ padumaṃ passasi, tathā virocamānaṃ aṅgīrasaṃ buddhaṃ passa. Ubhayeneva hi bhagavato kanti dīpitāti katvā dīpitaguṇasubhaṃ buddhaṃ sakkatvā taṃ kantiṃ pūjeyya. Pūjaneyyatopi vītināmeyya iti lakkhaye. ‘‘Ekato upasampannāyā’’ti pāḷi.
૧૫૬. ‘‘એકતો ઉપસમ્પન્નાન’’ન્તિ અટ્ઠકથાપાઠો. ‘‘અભબ્બો ત્વ’’ન્તિઆદિવચનતો અનુકમ્પાવસેન સદ્ધિવિહારિકાદિં સઙ્ઘિકા વિહારા નિક્કડ્ઢાપેન્તસ્સ અનાપત્તિ વિય દિસ્સતિ. અભબ્બો હિ થેરો સઞ્ચિચ્ચ તં કાતું, ગવેસિતબ્બાવ એત્થ યુત્તીતિ કેચિ. થેરેન સિક્ખાપદપઞ્ઞત્તિતો પુબ્બે કતન્તિ મમ તક્કો.
156. ‘‘Ekato upasampannāna’’nti aṭṭhakathāpāṭho. ‘‘Abhabbo tva’’ntiādivacanato anukampāvasena saddhivihārikādiṃ saṅghikā vihārā nikkaḍḍhāpentassa anāpatti viya dissati. Abhabbo hi thero sañcicca taṃ kātuṃ, gavesitabbāva ettha yuttīti keci. Therena sikkhāpadapaññattito pubbe katanti mama takko.
અત્થઙ્ગતસિક્ખાપદવણ્ણના નિટ્ઠિતા.
Atthaṅgatasikkhāpadavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવિભઙ્ગ • Mahāvibhaṅga / ૩. ઓવાદવગ્ગો • 3. Ovādavaggo
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવિભઙ્ગ-અટ્ઠકથા • Mahāvibhaṅga-aṭṭhakathā / ૨. અત્થઙ્ગતસિક્ખાપદવણ્ણના • 2. Atthaṅgatasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / ૨. અત્થઙ્ગતસિક્ખાપદવણ્ણના • 2. Atthaṅgatasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / ૨. અત્થઙ્ગતસિક્ખાપદવણ્ણના • 2. Atthaṅgatasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૨. અત્થઙ્ગતસિક્ખાપદં • 2. Atthaṅgatasikkhāpadaṃ
