| Library / Tipiṭaka / તિપિટક • Tipiṭaka / અપદાનપાળિ • Apadānapāḷi |
૭. અત્થસન્દસ્સકત્થેરઅપદાનં
7. Atthasandassakattheraapadānaṃ
૪૭.
47.
‘‘વિસાલમાળે આસીનો, અદ્દસં લોકનાયકં;
‘‘Visālamāḷe āsīno, addasaṃ lokanāyakaṃ;
ખીણાસવં બલપ્પત્તં, ભિક્ખુસઙ્ઘપુરક્ખતં.
Khīṇāsavaṃ balappattaṃ, bhikkhusaṅghapurakkhataṃ.
૪૮.
48.
‘‘સતસહસ્સા તેવિજ્જા, છળભિઞ્ઞા મહિદ્ધિકા;
‘‘Satasahassā tevijjā, chaḷabhiññā mahiddhikā;
પરિવારેન્તિ સમ્બુદ્ધં, કો દિસ્વા નપ્પસીદતિ.
Parivārenti sambuddhaṃ, ko disvā nappasīdati.
૪૯.
49.
‘‘ઞાણે ઉપનિધા યસ્સ, ન વિજ્જતિ સદેવકે;
‘‘Ñāṇe upanidhā yassa, na vijjati sadevake;
અનન્તઞાણં સમ્બુદ્ધં, કો દિસ્વા નપ્પસીદતિ.
Anantañāṇaṃ sambuddhaṃ, ko disvā nappasīdati.
૫૦.
50.
‘‘ધમ્મકાયઞ્ચ દીપેન્તં, કેવલં રતનાકરં;
‘‘Dhammakāyañca dīpentaṃ, kevalaṃ ratanākaraṃ;
૫૧.
51.
પદુમુત્તરં થવિત્વાન, સમ્બુદ્ધં અપરાજિતં.
Padumuttaraṃ thavitvāna, sambuddhaṃ aparājitaṃ.
૫૨.
52.
‘‘તેન ચિત્તપ્પસાદેન, બુદ્ધસન્થવનેન ચ;
‘‘Tena cittappasādena, buddhasanthavanena ca;
કપ્પાનં સતસહસ્સં, દુગ્ગતિં, નુપપજ્જહં.
Kappānaṃ satasahassaṃ, duggatiṃ, nupapajjahaṃ.
૫૩.
53.
‘‘ઇતો તિંસકપ્પસતે, સુમિત્તો નામ ખત્તિયો;
‘‘Ito tiṃsakappasate, sumitto nāma khattiyo;
સત્તરતનસમ્પન્નો, ચક્કવત્તી મહબ્બલો.
Sattaratanasampanno, cakkavattī mahabbalo.
૫૪.
54.
‘‘પટિસમ્ભિદા ચતસ્સો…પે॰… કતં બુદ્ધસ્સ સાસનં’’.
‘‘Paṭisambhidā catasso…pe… kataṃ buddhassa sāsanaṃ’’.
ઇત્થં સુદં આયસ્મા અત્થસન્દસ્સકો થેરો ઇમા ગાથાયો અભાસિત્થાતિ.
Itthaṃ sudaṃ āyasmā atthasandassako thero imā gāthāyo abhāsitthāti.
અત્થસન્દસ્સકત્થેરસ્સાપદાનં સત્તમં.
Atthasandassakattherassāpadānaṃ sattamaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / અપદાન-અટ્ઠકથા • Apadāna-aṭṭhakathā / ૭. અત્થસન્દસ્સકત્થેરઅપદાનવણ્ણના • 7. Atthasandassakattheraapadānavaṇṇanā
