| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
3. அத்த²வஸஸுத்தங்
3. Atthavasasuttaṃ
43. ‘‘தயோ , பி⁴க்க²வே, அத்த²வஸே ஸம்பஸ்ஸமானேன அலமேவ பரேஸங் த⁴ம்மங் தே³ஸேதுங். கதமே தயோ? யோ த⁴ம்மங் தே³ஸேதி ஸோ அத்த²ப்படிஸங்வேதீ³ ச ஹோதி த⁴ம்மப்படிஸங்வேதீ³ ச. யோ த⁴ம்மங் ஸுணாதி ஸோ அத்த²ப்படிஸங்வேதீ³ ச ஹோதி த⁴ம்மப்படிஸங்வேதீ³ ச. யோ சேவ த⁴ம்மங் தே³ஸேதி யோ ச த⁴ம்மங் ஸுணாதி உபோ⁴ அத்த²ப்படிஸங்வேதி³னோ ச ஹொந்தி த⁴ம்மப்படிஸங்வேதி³னோ ச. இமே கோ², பி⁴க்க²வே, தயோ அத்த²வஸே ஸம்பஸ்ஸமானேன அலமேவ பரேஸங் த⁴ம்மங் தே³ஸேது’’ந்தி. ததியங்.
43. ‘‘Tayo , bhikkhave, atthavase sampassamānena alameva paresaṃ dhammaṃ desetuṃ. Katame tayo? Yo dhammaṃ deseti so atthappaṭisaṃvedī ca hoti dhammappaṭisaṃvedī ca. Yo dhammaṃ suṇāti so atthappaṭisaṃvedī ca hoti dhammappaṭisaṃvedī ca. Yo ceva dhammaṃ deseti yo ca dhammaṃ suṇāti ubho atthappaṭisaṃvedino ca honti dhammappaṭisaṃvedino ca. Ime kho, bhikkhave, tayo atthavase sampassamānena alameva paresaṃ dhammaṃ desetu’’nti. Tatiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 3. அத்த²வஸஸுத்தவண்ணனா • 3. Atthavasasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 3. அத்த²வஸஸுத்தவண்ணனா • 3. Atthavasasuttavaṇṇanā
