| Library / Tipiṭaka / તિપિટક • Tipiṭaka / વિમતિવિનોદની-ટીકા • Vimativinodanī-ṭīkā |
અત્થવસવગ્ગાદિવણ્ણના
Atthavasavaggādivaṇṇanā
૪૯૮. વિપાકદુક્ખસઙ્ખાતાનં સમ્પરાયિકવેરાનન્તિ એત્થ પાણાતિપાતાદિવેરેન નિબ્બત્તત્તા, વેરપ્પત્તિયા હેતુત્તા ચ ‘‘વિપાકદુક્ખવેદના’’તિ વુત્તા. પાણાતિપાતાદિપઞ્ચવેરવિનિમુત્તાનમ્પિ અકુસલાનં વેરેહિ સહ એકતો સઙ્ગણ્હનત્થં ‘‘દસઅકુસલકમ્મપથપ્પભેદાન’’ન્તિ પુન વુત્તં.
498.Vipākadukkhasaṅkhātānaṃsamparāyikaverānanti ettha pāṇātipātādiverena nibbattattā, verappattiyā hetuttā ca ‘‘vipākadukkhavedanā’’ti vuttā. Pāṇātipātādipañcaveravinimuttānampi akusalānaṃ verehi saha ekato saṅgaṇhanatthaṃ ‘‘dasaakusalakammapathappabhedāna’’nti puna vuttaṃ.
૪૯૯-૫૦૦. તં કમ્મન્તિ તજ્જનીયાદિકમ્મમેવ, સત્તા આપત્તિક્ખન્ધા પઞ્ઞત્તં નામાતિ સમ્બન્ધો. અન્તરા કેનચિ અપઞ્ઞત્તે સિક્ખાપદેતિ ઇમસ્મિં કપ્પે આદિતો પટ્ઠાય યાવ અમ્હાકં ભગવતો અભિસમ્બોધિ, તાવ અન્તરાકાલે કકુસન્ધાદિં ઠપેત્વા કેનચિ અપઞ્ઞત્તે સિક્ખાપદેતિ અત્થો. વિનીતકથા સિક્ખાપદન્તિ વિનીતવત્થૂનિ એવ. તાનિ હિ તંતંસિક્ખાકોટ્ઠાસાનં પકાસનતો ‘‘સિક્ખાપદ’’ન્તિ ચ આપત્તિઅનાપત્તીનં અનુપઞ્ઞાપનતો ‘‘અનુપઞ્ઞત્ત’’ન્તિ ચ વુચ્ચન્તિ.
499-500.Taṃkammanti tajjanīyādikammameva, sattā āpattikkhandhā paññattaṃ nāmāti sambandho. Antarā kenaci apaññatte sikkhāpadeti imasmiṃ kappe ādito paṭṭhāya yāva amhākaṃ bhagavato abhisambodhi, tāva antarākāle kakusandhādiṃ ṭhapetvā kenaci apaññatte sikkhāpadeti attho. Vinītakathā sikkhāpadanti vinītavatthūni eva. Tāni hi taṃtaṃsikkhākoṭṭhāsānaṃ pakāsanato ‘‘sikkhāpada’’nti ca āpattianāpattīnaṃ anupaññāpanato ‘‘anupaññatta’’nti ca vuccanti.
અત્થવસવગ્ગાદિવણ્ણના નિટ્ઠિતા.
Atthavasavaggādivaṇṇanā niṭṭhitā.
સઙ્ગહવગ્ગવણ્ણનાનયો નિટ્ઠિતો.
Saṅgahavaggavaṇṇanānayo niṭṭhito.
ઇતિ મહાવગ્ગો, પઞ્ઞત્તિવગ્ગો, સઙ્ગહવગ્ગોતિ તીહિ મહાવગ્ગેહિ પટિમણ્ડિતો પરિવારોતિ વેદિતબ્બો.
Iti mahāvaggo, paññattivaggo, saṅgahavaggoti tīhi mahāvaggehi paṭimaṇḍito parivāroti veditabbo.
ઇતિ સમન્તપાસાદિકાય વિનયટ્ઠકથાય વિમતિવિનોદનિયં
Iti samantapāsādikāya vinayaṭṭhakathāya vimativinodaniyaṃ
પરિવારવણ્ણનાનયો નિટ્ઠિતો.
Parivāravaṇṇanānayo niṭṭhito.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / પરિવારપાળિ • Parivārapāḷi
૨. અત્થવસવગ્ગો • 2. Atthavasavaggo
૩. પઞ્ઞત્તવગ્ગો • 3. Paññattavaggo
૪. અપઞ્ઞત્તે પઞ્ઞત્તવગ્ગો • 4. Apaññatte paññattavaggo
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / પરિવાર-અટ્ઠકથા • Parivāra-aṭṭhakathā / અત્થવસવગ્ગાદિવણ્ણના • Atthavasavaggādivaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / અપઞ્ઞત્તે પઞ્ઞત્તવગ્ગવણ્ણના • Apaññatte paññattavaggavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / અપઞ્ઞત્તેપઞ્ઞત્તવગ્ગવણ્ણના • Apaññattepaññattavaggavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / અત્થવસવગ્ગાદિવણ્ણના • Atthavasavaggādivaṇṇanā
