| Library / Tipiṭaka / તિપિટક • Tipiṭaka / વિમતિવિનોદની-ટીકા • Vimativinodanī-ṭīkā |
૪. અટ્ઠવત્થુકસિક્ખાપદવણ્ણના
4. Aṭṭhavatthukasikkhāpadavaṇṇanā
૬૭૫. ચતુત્થે લોકસ્સાદસઙ્ખાતં મિત્તેહિ અઞ્ઞમઞ્ઞં કાતબ્બં સન્થવં. વુત્તમેવત્થં પરિયાયન્તરેન દસ્સેતું ‘‘કાયસંસગ્ગરાગેના’’તિ વુત્તં.
675. Catutthe lokassādasaṅkhātaṃ mittehi aññamaññaṃ kātabbaṃ santhavaṃ. Vuttamevatthaṃ pariyāyantarena dassetuṃ ‘‘kāyasaṃsaggarāgenā’’ti vuttaṃ.
તિસ્સિત્થિયો મેથુનં તં ન સેવેતિ યા તિસ્સો ઇત્થિયો, તાસુ વુત્તં તં મેથુનં ન સેવેય્ય. અનરિયપણ્ડકેતિ તયો અનરિયે, તયો પણ્ડકે ચ ઉપસઙ્કમિત્વા મેથુનં ન સેવેતિ અત્થો. અનરિયાતિ ચેત્થ ઉભતોબ્યઞ્જનકા અધિપ્પેતા. બ્યઞ્જનસ્મિન્તિ અત્તનો વચ્ચમુખમગ્ગેપિ. છેદો એવ છેજ્જં, પારાજિકં.
Tissitthiyo methunaṃ taṃ na seveti yā tisso itthiyo, tāsu vuttaṃ taṃ methunaṃ na seveyya. Anariyapaṇḍaketi tayo anariye, tayo paṇḍake ca upasaṅkamitvā methunaṃ na seveti attho. Anariyāti cettha ubhatobyañjanakā adhippetā. Byañjanasminti attano vaccamukhamaggepi. Chedo eva chejjaṃ, pārājikaṃ.
વણ્ણાવણ્ણોતિ દ્વીહિ સુક્કવિસ્સટ્ઠિ વુત્તા. ગમનુપ્પાદનન્તિ સઞ્ચરિત્તં. ‘‘મેથુનધમ્મસ્સ પુબ્બભાગત્તા પચ્ચયો હોતી’’તિ ઇમિના કારિયોપચારેન કાયસંસગ્ગો મેથુનધમ્મોતિ વુત્તોતિ દસ્સેતિ. સબ્બપદેસૂતિ સઙ્ઘાટિકણ્ણગ્ગહણાદિપદેસુ. કાયસંસગ્ગરાગો, સઉસ્સાહતા, અટ્ઠમવત્થુસ્સ પૂરણન્તિ તીણેત્થ અઙ્ગાનિ.
Vaṇṇāvaṇṇoti dvīhi sukkavissaṭṭhi vuttā. Gamanuppādananti sañcarittaṃ. ‘‘Methunadhammassa pubbabhāgattā paccayo hotī’’ti iminā kāriyopacārena kāyasaṃsaggo methunadhammoti vuttoti dasseti. Sabbapadesūti saṅghāṭikaṇṇaggahaṇādipadesu. Kāyasaṃsaggarāgo, saussāhatā, aṭṭhamavatthussa pūraṇanti tīṇettha aṅgāni.
અટ્ઠવત્થુકસિક્ખાપદવણ્ણના નિટ્ઠિતા.
Aṭṭhavatthukasikkhāpadavaṇṇanā niṭṭhitā.
પારાજિકવણ્ણનાનયો નિટ્ઠિતો.
Pārājikavaṇṇanānayo niṭṭhito.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / ભિક્ખુનીવિભઙ્ગ • Bhikkhunīvibhaṅga / ૪. ચતુત્થપારાજિકં • 4. Catutthapārājikaṃ
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / ભિક્ખુનીવિભઙ્ગ-અટ્ઠકથા • Bhikkhunīvibhaṅga-aṭṭhakathā / ૪. ચતુત્થપારાજિકસિક્ખાપદવણ્ણના • 4. Catutthapārājikasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / ૪. ચતુત્થપારાજિકસિક્ખાપદવણ્ણના • 4. Catutthapārājikasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / ૪. ચતુત્થપારાજિકસિક્ખાપદવણ્ણના • 4. Catutthapārājikasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૪. ચતુત્થપારાજિકસિક્ખાપદં • 4. Catutthapārājikasikkhāpadaṃ
