| Library / Tipiṭaka / તિપિટક • Tipiṭaka / વિમતિવિનોદની-ટીકા • Vimativinodanī-ṭīkā |
અવન્દનીયપુગ્ગલાદિવણ્ણના
Avandanīyapuggalādivaṇṇanā
૪૭૭. દસ જનાતિ ‘‘દસ ઇમે, ભિક્ખવે, અવન્દિયા’’તિઆદિના (પરિ॰ ૩૩૦) વુત્તા નવકઅનુપસમ્પન્નનાનાસંવાસકમાતુગામપણ્ડકા પઞ્ચ, પારિવાસિકાદયો ચ પઞ્ચાતિ દસ જના.
477.Dasa janāti ‘‘dasa ime, bhikkhave, avandiyā’’tiādinā (pari. 330) vuttā navakaanupasampannanānāsaṃvāsakamātugāmapaṇḍakā pañca, pārivāsikādayo ca pañcāti dasa janā.
દ્વાદસ કમ્મદોસાતિ દોસયુત્તકમ્માનિ દ્વાદસાતિ અત્થો. કમ્મસમ્પત્તિયોતિ સમ્પન્નકમ્માનિ, વિસુદ્ધકમ્માનીતિ અત્થો. એતદેવાતિ ધમ્મેન સમગ્ગમેવ.
Dvādasa kammadosāti dosayuttakammāni dvādasāti attho. Kammasampattiyoti sampannakammāni, visuddhakammānīti attho. Etadevāti dhammena samaggameva.
અનન્તં નિબ્બાનં અજિનિ જિનિત્વા પટિલભતીતિ અનન્તજિનોતિ આહ ‘‘પરિયન્ત’’ઇચ્ચાદિ. સ્વેવાતિ સો એવ ભગવા.
Anantaṃ nibbānaṃ ajini jinitvā paṭilabhatīti anantajinoti āha ‘‘pariyanta’’iccādi. Svevāti so eva bhagavā.
‘‘વિનયં પટિજાનન્તસ્સ, વિનયાનિ સુણોમ તે’’તિઆદિના ઉપાલિત્થેરેનેવ એકં વિનયધરં સમ્મુખે ઠિતં પુચ્છન્તેન વિય પુચ્છિત્વા તેન વિસ્સજ્જિતં વિય વિસ્સજ્જનં કતં. તત્થ વિનયં પટિજાનન્તસ્સાતિ વિનયં જાનામીતિ પટિજાનન્તસ્સ. વિનયાનીતિ વિનયે તયા વુચ્ચમાને સુણોમ.
‘‘Vinayaṃ paṭijānantassa, vinayāni suṇoma te’’tiādinā upālitthereneva ekaṃ vinayadharaṃ sammukhe ṭhitaṃ pucchantena viya pucchitvā tena vissajjitaṃ viya vissajjanaṃ kataṃ. Tattha vinayaṃ paṭijānantassāti vinayaṃ jānāmīti paṭijānantassa. Vinayānīti vinaye tayā vuccamāne suṇoma.
૪૭૮. પાળિયં પારાજિકાતિઆદિ ઉભતોવિભઙ્ગેસુ આગતેસુ અગ્ગહિતગ્ગહણવસેન વુત્તં.
478. Pāḷiyaṃ pārājikātiādi ubhatovibhaṅgesu āgatesu aggahitaggahaṇavasena vuttaṃ.
અવન્દનીયપુગ્ગલાદિવણ્ણના નિટ્ઠિતા.
Avandanīyapuggalādivaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / પરિવારપાળિ • Parivārapāḷi
૪. અવન્દનીયપુગ્ગલાદિ • 4. Avandanīyapuggalādi
૫. સોળસકમ્માદિ • 5. Soḷasakammādi
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / પરિવાર-અટ્ઠકથા • Parivāra-aṭṭhakathā
(૪) અવન્દનીયપુગ્ગલાદિવણ્ણના • (4) Avandanīyapuggalādivaṇṇanā
(૫) સોળસકમ્માદિવણ્ણના • (5) Soḷasakammādivaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / પાચિત્તિયવણ્ણના • Pācittiyavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā
અવન્દનીયપુગ્ગલાદિવણ્ણના • Avandanīyapuggalādivaṇṇanā
સોળસકમ્માદિવણ્ણના • Soḷasakammādivaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / (૪) અવન્દનીયપુગ્ગલાદિવણ્ણના • (4) Avandanīyapuggalādivaṇṇanā
