| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
8. ஆவரணனீவரணஸுத்தவண்ணனா
8. Āvaraṇanīvaraṇasuttavaṇṇanā
219. பஞ்ஞா து³ப்³ப³லா ஹோதி, ந ப³லவதீ படிபக்கே²ன உபக்கிலிட்ட²பா⁴வதோ. தேனாஹ ‘‘மந்தா³ அவிஸதா³’’தி.
219.Paññādubbalā hoti, na balavatī paṭipakkhena upakkiliṭṭhabhāvato. Tenāha ‘‘mandā avisadā’’ti.
பஞ்ச நீவரணா தூ³ரே ஹொந்தி ஆவரணாபா⁴வதோ. தமேவ பீதிந்தி ஸப்பாயத⁴ம்மஸவனே உப்பன்னங் பீதிங். தஸ்ஸா ததா³ உப்பன்னாகாரஸல்லக்க²ணேன அவிஜஹந்தோ புனப்புனங் தஸ்ஸா நிப்³ப³த்தனேன. தேனாஹ ‘‘பஞ்ச நீவரணே விக்க²ம்பெ⁴த்வா’’தி. இத³ங் ஸந்தா⁴யாதி எத்தகே தி³வஸேபி ந வினஸ்ஸந்தி, ஸா த⁴ம்மபீதி லத்³த⁴பச்சயா ஹுத்வா விஸேஸாவஹாதி இமமத்த²ங் ஸந்தா⁴ய ஏதங் ‘‘இமஸ்ஸ பஞ்ச நீவரணா தஸ்மிங் ஸமயே ந ஹொந்தீ’’திஆதி³ வுத்தங். பீதிபாமோஜ்ஜபக்கி²யாதி பீதிபாமோஜ்ஜபச்சயா. நஸ்ஸந்தீதி நிரோத⁴பச்சயவஸேன பவத்தனதோ நஸ்ஸந்தி. ஸபா⁴க³பச்சயவஸேன புன உப்பஜ்ஜந்தாபி…பே॰… வுச்சதி கிச்சஸாத⁴னவஸேன பவத்தனதோ.
Pañca nīvaraṇā dūre honti āvaraṇābhāvato. Tameva pītinti sappāyadhammasavane uppannaṃ pītiṃ. Tassā tadā uppannākārasallakkhaṇena avijahanto punappunaṃ tassā nibbattanena. Tenāha ‘‘pañca nīvaraṇe vikkhambhetvā’’ti. Idaṃ sandhāyāti ettake divasepi na vinassanti, sā dhammapīti laddhapaccayā hutvā visesāvahāti imamatthaṃ sandhāya etaṃ ‘‘imassa pañca nīvaraṇā tasmiṃ samaye na hontī’’tiādi vuttaṃ. Pītipāmojjapakkhiyāti pītipāmojjapaccayā. Nassantīti nirodhapaccayavasena pavattanato nassanti. Sabhāgapaccayavasena puna uppajjantāpi…pe… vuccati kiccasādhanavasena pavattanato.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 8. ஆவரணனீவரணஸுத்தங் • 8. Āvaraṇanīvaraṇasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 8. ஆவரணனீவரணஸுத்தவண்ணனா • 8. Āvaraṇanīvaraṇasuttavaṇṇanā
