| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૮. આવરણનીવરણસુત્તવણ્ણના
8. Āvaraṇanīvaraṇasuttavaṇṇanā
૨૧૯. અટ્ઠમે પઞ્ઞાય દુબ્બલીકરણાતિ પઞ્ઞાય મન્દભાવકરા. નીવરણાનઞ્હિ અભિણ્હુપ્પાદે સતિ અન્તરન્તરા ઉપ્પજ્જમાના પઞ્ઞા દુબ્બલા હોતિ મન્દા અવિસદા.
219. Aṭṭhame paññāya dubbalīkaraṇāti paññāya mandabhāvakarā. Nīvaraṇānañhi abhiṇhuppāde sati antarantarā uppajjamānā paññā dubbalā hoti mandā avisadā.
પઞ્ચ નીવરણા તસ્મિં સમયે ન હોન્તિ. સત્તબોજ્ઝઙ્ગા તસ્મિં સમયે ભાવનાપારિપૂરિં ગચ્છન્તીતિ અરિયસાવકસ્સ હિ સપ્પાયધમ્મસ્સવનં સુણન્તસ્સ પઞ્ચ નીવરણા દૂરે હોન્તિ. સો સચે તસ્મિંયેવ ઠાને વિસેસં નિબ્બત્તેતું સક્કોતિ, એવમસ્સ સત્ત બોજ્ઝઙ્ગા ભાવનાપારિપૂરિં ગચ્છન્તિ. નો ચે સક્કોતિ, તતો વુટ્ઠાય રત્તિટ્ઠાનદિવાટ્ઠાનં ગતો તમેવ પીતિં અવિજહન્તો પઞ્ચ નીવરણે વિક્ખમ્ભેત્વા વિસેસં નિબ્બત્તેસ્સતિ. તત્થ અસક્કોન્તોપિ યાવ સત્તદિવસબ્ભન્તરા તમેવ પીતિં અવિજહન્તો નીવરણે વિક્ખમ્ભેત્વા વિસેસં નિબ્બત્તેસ્સતીતિ ઇદં સન્ધાયેતં વુત્તં. ધમ્મસ્સવનવસેન સકિં પીતિપામોજ્જપક્ખિયા પટિલદ્ધબોજ્ઝઙ્ગા હિ કમ્મારામતાદીનિ આગમ્મ નસ્સન્તિ, તથારૂપં પન ઉતુસપ્પાયાદિં લભિત્વા પુન ઉપ્પજ્જન્તાપિ તસ્મિં સમયે ભાવનાપારિપૂરિં ગચ્છન્તિ ઇચ્ચેવ વુચ્ચતિ.
Pañca nīvaraṇā tasmiṃ samaye na honti. Sattabojjhaṅgā tasmiṃ samaye bhāvanāpāripūriṃ gacchantīti ariyasāvakassa hi sappāyadhammassavanaṃ suṇantassa pañca nīvaraṇā dūre honti. So sace tasmiṃyeva ṭhāne visesaṃ nibbattetuṃ sakkoti, evamassa satta bojjhaṅgā bhāvanāpāripūriṃ gacchanti. No ce sakkoti, tato vuṭṭhāya rattiṭṭhānadivāṭṭhānaṃ gato tameva pītiṃ avijahanto pañca nīvaraṇe vikkhambhetvā visesaṃ nibbattessati. Tattha asakkontopi yāva sattadivasabbhantarā tameva pītiṃ avijahanto nīvaraṇe vikkhambhetvā visesaṃ nibbattessatīti idaṃ sandhāyetaṃ vuttaṃ. Dhammassavanavasena sakiṃ pītipāmojjapakkhiyā paṭiladdhabojjhaṅgā hi kammārāmatādīni āgamma nassanti, tathārūpaṃ pana utusappāyādiṃ labhitvā puna uppajjantāpi tasmiṃ samaye bhāvanāpāripūriṃ gacchanti icceva vuccati.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૮. આવરણનીવરણસુત્તં • 8. Āvaraṇanīvaraṇasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૮. આવરણનીવરણસુત્તવણ્ણના • 8. Āvaraṇanīvaraṇasuttavaṇṇanā
