| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૮. આવરણનીવરણસુત્તવણ્ણના
8. Āvaraṇanīvaraṇasuttavaṇṇanā
૨૧૯. પઞ્ઞા દુબ્બલા હોતિ, ન બલવતી પટિપક્ખેન ઉપક્કિલિટ્ઠભાવતો. તેનાહ ‘‘મન્દા અવિસદા’’તિ.
219.Paññādubbalā hoti, na balavatī paṭipakkhena upakkiliṭṭhabhāvato. Tenāha ‘‘mandā avisadā’’ti.
પઞ્ચ નીવરણા દૂરે હોન્તિ આવરણાભાવતો. તમેવ પીતિન્તિ સપ્પાયધમ્મસવને ઉપ્પન્નં પીતિં. તસ્સા તદા ઉપ્પન્નાકારસલ્લક્ખણેન અવિજહન્તો પુનપ્પુનં તસ્સા નિબ્બત્તનેન. તેનાહ ‘‘પઞ્ચ નીવરણે વિક્ખમ્ભેત્વા’’તિ. ઇદં સન્ધાયાતિ એત્તકે દિવસેપિ ન વિનસ્સન્તિ, સા ધમ્મપીતિ લદ્ધપચ્ચયા હુત્વા વિસેસાવહાતિ ઇમમત્થં સન્ધાય એતં ‘‘ઇમસ્સ પઞ્ચ નીવરણા તસ્મિં સમયે ન હોન્તી’’તિઆદિ વુત્તં. પીતિપામોજ્જપક્ખિયાતિ પીતિપામોજ્જપચ્ચયા. નસ્સન્તીતિ નિરોધપચ્ચયવસેન પવત્તનતો નસ્સન્તિ. સભાગપચ્ચયવસેન પુન ઉપ્પજ્જન્તાપિ…પે॰… વુચ્ચતિ કિચ્ચસાધનવસેન પવત્તનતો.
Pañca nīvaraṇā dūre honti āvaraṇābhāvato. Tameva pītinti sappāyadhammasavane uppannaṃ pītiṃ. Tassā tadā uppannākārasallakkhaṇena avijahanto punappunaṃ tassā nibbattanena. Tenāha ‘‘pañca nīvaraṇe vikkhambhetvā’’ti. Idaṃ sandhāyāti ettake divasepi na vinassanti, sā dhammapīti laddhapaccayā hutvā visesāvahāti imamatthaṃ sandhāya etaṃ ‘‘imassa pañca nīvaraṇā tasmiṃ samaye na hontī’’tiādi vuttaṃ. Pītipāmojjapakkhiyāti pītipāmojjapaccayā. Nassantīti nirodhapaccayavasena pavattanato nassanti. Sabhāgapaccayavasena puna uppajjantāpi…pe… vuccati kiccasādhanavasena pavattanato.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૮. આવરણનીવરણસુત્તં • 8. Āvaraṇanīvaraṇasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૮. આવરણનીવરણસુત્તવણ્ણના • 8. Āvaraṇanīvaraṇasuttavaṇṇanā
