| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
5. அவிஜ்ஜாபச்சயஸுத்தவண்ணனா
5. Avijjāpaccayasuttavaṇṇanā
35. தே³ஸனங் ஓஸாபேஸீதி யதா²ரத்³த⁴கத²ங் ட²பேஸி. தத்த² நிஸின்னஸ்ஸ தி³ட்டி²க³திகஸ்ஸ லத்³தி⁴யா பி⁴ந்த³னவஸேன உபரி கதே²துகாமோ. பு³த்³தா⁴னஞ்ஹி தே³ஸனாவாரங் பச்சி²ந்தா³பெத்வா புச்சி²துங் ஸமத்தோ² நாம கோசி நத்தி². தேனாஹ ‘‘தி³ட்டி²க³திகஸ்ஸ ஓகாஸதா³னத்த²’’ந்தி. து³ப்பஞ்ஹோ ஏஸோ ஸத்தூபலத்³தி⁴யா புச்சி²தத்தா . ஸத்தூபலத்³தி⁴வாத³பதே³னாதி ‘‘ஸத்தோ ஜீவோ உபலப்³ப⁴தீ’’தி ஏவங் பவத்ததி³ட்டி²தீ³பகபத³வஸேன. வத³ந்தி ஏதேனாதி வாதோ³. தி³ட்டி²-ஸத்³தோ³ பன த்³வயஸங்க³ஹிதோ, ப்³ரஹ்மசரியவாஸோ பன பரமத்த²தோ அரியமக்³க³பா⁴வனாதி ஆஹ ‘‘அரியமக்³க³வாஸோ’’தி. அயங் தி³ட்டீ²தி அனஞ்ஞே ஸரீரஜீவாதி தி³ட்டி². ‘‘ஜீவோ’’தி ச ஜீவிதமேவ வத³ந்தி. வட்டந்தி து³வித⁴ங் வட்டங். நிரோதெ⁴ந்தோதி அனுப்பத்தித⁴ம்மதங் ஆபாதெ³ந்தோ. ஸமுச்சி²ந்த³ந்தோதி அப்பவத்தியங் பாபனேன உபச்சி²ந்த³ந்தோ. ததே³தங் மக்³கே³ன நிரோதே⁴தப்³ப³ங் வட்டங் நிருஜ்ஜ²தீதி யோஜனா. ‘‘அயங் ஸத்தோ வினாஸங் அபா⁴வங் பத்வா ஸப்³ப³ஸோ உச்சி²ஜ்ஜதீ’’தி ஏவங் உச்சே²த³தி³ட்டி²யா க³ஹிதாகாரஸ்ஸ ஸம்ப⁴வே ஸச்சபா⁴வே ஸதி. ந ஹோதீதி ஸாத்த²கோ ந ஹோதி.
35.Desanaṃ osāpesīti yathāraddhakathaṃ ṭhapesi. Tattha nisinnassa diṭṭhigatikassa laddhiyā bhindanavasena upari kathetukāmo. Buddhānañhi desanāvāraṃ pacchindāpetvā pucchituṃ samattho nāma koci natthi. Tenāha ‘‘diṭṭhigatikassa okāsadānattha’’nti. Duppañho eso sattūpaladdhiyā pucchitattā . Sattūpaladdhivādapadenāti ‘‘satto jīvo upalabbhatī’’ti evaṃ pavattadiṭṭhidīpakapadavasena. Vadanti etenāti vādo. Diṭṭhi-saddo pana dvayasaṅgahito, brahmacariyavāso pana paramatthato ariyamaggabhāvanāti āha ‘‘ariyamaggavāso’’ti. Ayaṃ diṭṭhīti anaññe sarīrajīvāti diṭṭhi. ‘‘Jīvo’’ti ca jīvitameva vadanti. Vaṭṭanti duvidhaṃ vaṭṭaṃ. Nirodhentoti anuppattidhammataṃ āpādento. Samucchindantoti appavattiyaṃ pāpanena upacchindanto. Tadetaṃ maggena nirodhetabbaṃ vaṭṭaṃ nirujjhatīti yojanā. ‘‘Ayaṃ satto vināsaṃ abhāvaṃ patvā sabbaso ucchijjatī’’ti evaṃ ucchedadiṭṭhiyā gahitākārassa sambhave saccabhāve sati. Na hotīti sātthako na hoti.
க³ச்ச²தீதி ஸரீரதோ நிக்க²மித்வா க³ச்ச²தி. விவட்டெந்தோதி அப்பவத்திங் கரொந்தோதி அத்தோ². விவட்டேதுங் ந ஸக்கோதி நிச்சஸ்ஸ அப்பவத்திங் பாபேதுங் அஸக்குணெய்யத்தா. மிச்சா²தி³ட்டி² ஸம்மாதி³ட்டி²ங் விஜ்ஜ²தி அஸமாஹிதபுக்³க³லஸேவனவஸேன ததா² பவத்திதுங் அப்பதா³னவஸேன ச பஜஹிதப்³பா³பஜஹனவஸேன ஸம்மாதி³ட்டி²ங் விஜ்ஜ²தி. விஸூகமிவாதி கண்ட³கோ விய. ந கேவலங் அனநுவத்தகோவ, அத² கோ² விரோதோ⁴பி ‘‘நிச்ச’’ந்திஆதி³னா பவத்தனத⁴ம்மதாய விஞ்ஞாபனதோ. விரூபங் பீ³ப⁴ச்ச²ங் ப²ந்தி³தங் விப்ப²ந்தி³தங். பண்ணபுப்ப²ப²லபல்லவானங் அவத்து²பூ⁴தோ தாலோ ஏவ தாலாவத்து² ‘‘அஸிவே ஸிவா’’தி வோஹாரோ விய. கேசி பன ‘‘தாலவத்து²கதானீ’’தி பட²ந்தி, அவத்து²பூ⁴ததாய தாலோ விய கதானீதி அத்தோ². தேனாஹ ‘‘மத்த²கச்சி²ன்னதாலோ வியா’’தி. அனுஅபா⁴வந்தி வினாஸங்.
Gacchatīti sarīrato nikkhamitvā gacchati. Vivaṭṭentoti appavattiṃ karontoti attho. Vivaṭṭetuṃ na sakkoti niccassa appavattiṃ pāpetuṃ asakkuṇeyyattā. Micchādiṭṭhi sammādiṭṭhiṃ vijjhati asamāhitapuggalasevanavasena tathā pavattituṃ appadānavasena ca pajahitabbāpajahanavasena sammādiṭṭhiṃ vijjhati. Visūkamivāti kaṇḍako viya. Na kevalaṃ ananuvattakova, atha kho virodhopi ‘‘nicca’’ntiādinā pavattanadhammatāya viññāpanato. Virūpaṃ bībhacchaṃ phanditaṃ vipphanditaṃ. Paṇṇapupphaphalapallavānaṃ avatthubhūto tālo eva tālāvatthu ‘‘asive sivā’’ti vohāro viya. Keci pana ‘‘tālavatthukatānī’’ti paṭhanti, avatthubhūtatāya tālo viya katānīti attho. Tenāha ‘‘matthakacchinnatālo viyā’’ti. Anuabhāvanti vināsaṃ.
அவிஜ்ஜாபச்சயஸுத்தவண்ணனா நிட்டி²தா.
Avijjāpaccayasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 5. அவிஜ்ஜாபச்சயஸுத்தங் • 5. Avijjāpaccayasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5. அவிஜ்ஜாபச்சயஸுத்தவண்ணனா • 5. Avijjāpaccayasuttavaṇṇanā
