| Library / Tipiṭaka / તિપિટક • Tipiṭaka / પઞ્ચપકરણ-અટ્ઠકથા • Pañcapakaraṇa-aṭṭhakathā |
૧૧. અવિઞ્ઞત્તિ દુસ્સીલ્યન્તિકથાવણ્ણના
11. Aviññatti dussīlyantikathāvaṇṇanā
૬૦૩-૬૦૪. ઇદાનિ અવિઞ્ઞત્તિ દુસ્સીલ્યન્તિકથા નામ હોતિ. તત્થ ચિત્તવિપ્પયુત્તં અપુઞ્ઞૂપચયઞ્ચેવ આણત્તિયા ચ પાણાતિપાતાદીસુ અઙ્ગપારિપૂરિં સન્ધાય ‘‘અવિઞ્ઞત્તિ દુસ્સીલ્ય’’ન્તિ યેસં લદ્ધિ, સેય્યથાપિ મહાસંઘિકાનં, તે સન્ધાય પુચ્છા સકવાદિસ્સ, પટિઞ્ઞા ઇતરસ્સ. અથ નં ‘‘સચે સા દુસ્સીલ્યં, પાણાતિપાતાદીસુ અઞ્ઞતરા સિયા’’તિ ચોદેતું પાણાતિપાતોતિઆદિમાહ. પાપકમ્મં સમાદિયિત્વાતિ ‘‘અસુકં નામ ઘાતેસ્સામિ, અસુકં ભણ્ડં અવહરિસ્સામી’’તિ એવં પાપસમાદાનં કત્વા. ઉભો વડ્ઢન્તીતિ પુટ્ઠો દાનક્ખણે પાપસ્સ અનુપ્પત્તિં સન્ધાય પટિક્ખિપતિ. દુતિયં પુટ્ઠો ચિત્તવિપ્પયુત્તં પાપૂપચયં સન્ધાય પટિજાનાતિ. સેસમેત્થ પરિભોગમયકથાયં વુત્તનયેનેવ વેદિતબ્બં. લદ્ધિપતિટ્ઠાપનમ્પિસ્સ પાપસમાદિન્નપુબ્બભાગમેવ સાધેતિ; ન અવિઞ્ઞત્તિયા દુસ્સીલભાવન્તિ.
603-604. Idāni aviññatti dussīlyantikathā nāma hoti. Tattha cittavippayuttaṃ apuññūpacayañceva āṇattiyā ca pāṇātipātādīsu aṅgapāripūriṃ sandhāya ‘‘aviññatti dussīlya’’nti yesaṃ laddhi, seyyathāpi mahāsaṃghikānaṃ, te sandhāya pucchā sakavādissa, paṭiññā itarassa. Atha naṃ ‘‘sace sā dussīlyaṃ, pāṇātipātādīsu aññatarā siyā’’ti codetuṃ pāṇātipātotiādimāha. Pāpakammaṃ samādiyitvāti ‘‘asukaṃ nāma ghātessāmi, asukaṃ bhaṇḍaṃ avaharissāmī’’ti evaṃ pāpasamādānaṃ katvā. Ubho vaḍḍhantīti puṭṭho dānakkhaṇe pāpassa anuppattiṃ sandhāya paṭikkhipati. Dutiyaṃ puṭṭho cittavippayuttaṃ pāpūpacayaṃ sandhāya paṭijānāti. Sesamettha paribhogamayakathāyaṃ vuttanayeneva veditabbaṃ. Laddhipatiṭṭhāpanampissa pāpasamādinnapubbabhāgameva sādheti; na aviññattiyā dussīlabhāvanti.
અવિઞ્ઞત્તિ દુસ્સીલ્યન્તિકથાવણ્ણના.
Aviññatti dussīlyantikathāvaṇṇanā.
દસમો વગ્ગો.
Dasamo vaggo.
દુતિયપણ્ણાસકો સમત્તો.
Dutiyapaṇṇāsako samatto.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૧૦૫) ૧૧. અવિઞ્ઞત્તિ દુસ્સિલ્યન્તિકથા • (105) 11. Aviññatti dussilyantikathā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૧૧. અવિઞ્ઞત્તિદુસ્સીલ્યન્તિકથાવણ્ણના • 11. Aviññattidussīlyantikathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૧૧. અવિઞ્ઞત્તિદુસ્સીલ્યન્તિકથાવણ્ણના • 11. Aviññattidussīlyantikathāvaṇṇanā
