| Library / Tipiṭaka / તિપિટક • Tipiṭaka / પઞ્ચપકરણ-અટ્ઠકથા • Pañcapakaraṇa-aṭṭhakathā |
૨. અવિવિત્તકથાવણ્ણના
2. Avivittakathāvaṇṇanā
૮૭૯-૮૮૦. ઇદાનિ અવિવિત્તકથા નામ હોતિ. તત્થ યસ્સ પુગ્ગલસ્સ યો ધમ્મો પચ્ચુપ્પન્નો, સો તેન અવિવિત્તો નામાતિ ઇદં સકસમયે સન્નિટ્ઠાનં. યસ્મા પન પુથુજ્જનેન તેધાતુકા ધમ્મા અપરિઞ્ઞાતા, તસ્મા સો એકક્ખણેયેવ સબ્બેહિપિ તેધાતુકેહિ ધમ્મેહિ અવિવિત્તોતિ યેસં લદ્ધિ, સેય્યથાપિ તેસઞ્ઞેવ, તે સન્ધાય પુચ્છા સકવાદિસ્સ, પટિઞ્ઞા ઇતરસ્સ. ફસ્સેહીતિઆદિ સબ્બેસં ફસ્સાદીનં એકક્ખણે પવત્તિદોસદસ્સનત્થં વુત્તં. સેસં સબ્બત્થ ઉત્તાનત્થમેવાતિ.
879-880. Idāni avivittakathā nāma hoti. Tattha yassa puggalassa yo dhammo paccuppanno, so tena avivitto nāmāti idaṃ sakasamaye sanniṭṭhānaṃ. Yasmā pana puthujjanena tedhātukā dhammā apariññātā, tasmā so ekakkhaṇeyeva sabbehipi tedhātukehi dhammehi avivittoti yesaṃ laddhi, seyyathāpi tesaññeva, te sandhāya pucchā sakavādissa, paṭiññā itarassa. Phassehītiādi sabbesaṃ phassādīnaṃ ekakkhaṇe pavattidosadassanatthaṃ vuttaṃ. Sesaṃ sabbattha uttānatthamevāti.
અવિવિત્તકથાવણ્ણના.
Avivittakathāvaṇṇanā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૨૦૧) ૨. અવિવિત્તકથા • (201) 2. Avivittakathā
