| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
3. அயோகு³ளவக்³கோ³
3. Ayoguḷavaggo
2. அயோகு³ளஸுத்தவண்ணனா
2. Ayoguḷasuttavaṇṇanā
834. இமினா சதுமஹாபூ⁴தமயேனாதி இமினா ஸப்³ப³லோகபச்சக்கே²ன சதூஹி மஹாபூ⁴தேஹி நிப்³ப³த்தேன சதுமஹாபூ⁴தமயேன. மனோமயோ பன நிம்மிதகாயோ ப⁴க³வதோ ருசிவஸேன பரேஸங் பச்சக்கோ² ஹோதி. ஓமாதீதி அவமாதி. அவ-புப்³போ³ ஹி மா-ஸத்³தோ³ ஸத்திஅத்தோ²பி ஹோதீதி ‘‘பஹோதி ஸக்கோதீ’’தி அத்தோ² வுத்தோ. அஸம்பி⁴ன்னபத³ந்தி அஸாதா⁴ரணபத³ங் அஞ்ஞத்த² அனாக³தத்தா. காயஸ்ஸ சித்தே ஸமோத³ஹனங் ஆரோபனங் தன்னிஸ்ஸிததாகரணஞ்ச அத்த²தோ சித்தக³தியா பவத்தனமேவாதி ஆஹ ‘‘சித்தக³தியா பேஸேதீ’’தி.
834.Iminā catumahābhūtamayenāti iminā sabbalokapaccakkhena catūhi mahābhūtehi nibbattena catumahābhūtamayena. Manomayo pana nimmitakāyo bhagavato rucivasena paresaṃ paccakkho hoti. Omātīti avamāti. Ava-pubbo hi mā-saddo sattiatthopi hotīti ‘‘pahoti sakkotī’’ti attho vutto. Asambhinnapadanti asādhāraṇapadaṃ aññattha anāgatattā. Kāyassa citte samodahanaṃ āropanaṃ tannissitatākaraṇañca atthato cittagatiyā pavattanamevāti āha ‘‘cittagatiyā pesetī’’ti.
தத்த² சித்தக³திக³மனங் நாம சித்தவஸேன காயஸ்ஸ பரிணாமனேன ‘‘அயங் காயோ இமங் சித்தங் விய ஹோதூ’’தி காயஸ்ஸ சித்தேன ஸமானக³திகதாட²பனங். கத²ங் பன காயோ த³ந்த⁴பவத்திகோ லஹுபவத்தினா சித்தேன ஸமானக³திகோ ஹோதீதி? ந ஸப்³ப³தா² ஸமானக³திகோ. யதே²வ ஹி காயவஸேன சித்தபரிணாமனே சித்தங் ஸப்³ப³தா² காயேன ஸமானக³திகங் ந ஹோதி. ந ஹி கதா³சி தங் ஸபா⁴வஸித்³தே⁴ன அத்தனோ க²ணேன அவத்தித்வா த³ந்த⁴வுத்திகஸ்ஸ ரூபத⁴ம்மஸ்ஸ வஸேன பவத்திதுங் ஸக்கோதி, ‘‘இத³ங் சித்தங் அயங் காயோ விய ஹோதூ’’தி பன அதி⁴ட்டா²னேன த³ந்த⁴க³திகஸ்ஸ காயஸ்ஸ அனுவத்தனதோ யாவ இச்சி²தட்டா²னப்பத்தி, தாவ காயக³திஅனுலோமேனேவ ஹுத்வா ஸந்தானவஸேன பவத்தமானங் சித்தங் காயக³தியா பரிணாமிதங் நாம ஹோதி. ஏவங் ‘‘அயங் காயோ இத³ங் சித்தங் விய ஹோதூ’’தி அதி⁴ட்டா²னேன பகே³வ ஸுக²லஹுஸஞ்ஞாய ஸம்பாதி³தத்தா அபா⁴விதித்³தி⁴பாதா³னங் விய த³ந்த⁴ங் அவத்தித்வா யதா² லஹுகங் கதிபயசித்தவாரேனேவ இச்சி²தட்டா²னப்பத்தி ஹோதி, ஏவங் பவத்தமானோ காயோ சித்தக³தியா பரிணாமிதோ நாம ஹோதி, ந ஏகசித்தக்க²ணேனேவ இச்சி²தட்டா²னப்பத்தியா, ஏவஞ்ச கத்வா பா³ஹாஸமிஞ்ஜனபஸாரணூபமாபி உபசாரேன வினா ஸுட்டு²தரங் யுத்தா ஹோதீதி. அஞ்ஞதா² த⁴ம்மதாவிலோமதா ஸியா, நாபி த⁴ம்மானங் லக்க²ணஞ்ஞத²த்தங் இத்³தி⁴ப³லேன காதுங் ஸக்கா, பா⁴வஞ்ஞத²த்தமேவ பன காதுங் ஸக்காதி.
Tattha cittagatigamanaṃ nāma cittavasena kāyassa pariṇāmanena ‘‘ayaṃ kāyo imaṃ cittaṃ viya hotū’’ti kāyassa cittena samānagatikatāṭhapanaṃ. Kathaṃ pana kāyo dandhapavattiko lahupavattinā cittena samānagatiko hotīti? Na sabbathā samānagatiko. Yatheva hi kāyavasena cittapariṇāmane cittaṃ sabbathā kāyena samānagatikaṃ na hoti. Na hi kadāci taṃ sabhāvasiddhena attano khaṇena avattitvā dandhavuttikassa rūpadhammassa vasena pavattituṃ sakkoti, ‘‘idaṃ cittaṃ ayaṃ kāyo viya hotū’’ti pana adhiṭṭhānena dandhagatikassa kāyassa anuvattanato yāva icchitaṭṭhānappatti, tāva kāyagatianulomeneva hutvā santānavasena pavattamānaṃ cittaṃ kāyagatiyā pariṇāmitaṃ nāma hoti. Evaṃ ‘‘ayaṃ kāyo idaṃ cittaṃ viya hotū’’ti adhiṭṭhānena pageva sukhalahusaññāya sampāditattā abhāvitiddhipādānaṃ viya dandhaṃ avattitvā yathā lahukaṃ katipayacittavāreneva icchitaṭṭhānappatti hoti, evaṃ pavattamāno kāyo cittagatiyā pariṇāmito nāma hoti, na ekacittakkhaṇeneva icchitaṭṭhānappattiyā, evañca katvā bāhāsamiñjanapasāraṇūpamāpi upacārena vinā suṭṭhutaraṃ yuttā hotīti. Aññathā dhammatāvilomatā siyā, nāpi dhammānaṃ lakkhaṇaññathattaṃ iddhibalena kātuṃ sakkā, bhāvaññathattameva pana kātuṃ sakkāti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 2. அயோகு³ளஸுத்தங் • 2. Ayoguḷasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2. அயோகு³ளஸுத்தவண்ணனா • 2. Ayoguḷasuttavaṇṇanā
