| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
5. அயோனிஸோஸுத்தங்
5. Ayonisosuttaṃ
5. ‘‘தீஹி, பி⁴க்க²வே, த⁴ம்மேஹி ஸமன்னாக³தோ பா³லோ வேதி³தப்³போ³. கதமேஹி தீஹி? அயோனிஸோ பஞ்ஹங் கத்தா ஹோதி, அயோனிஸோ பஞ்ஹங் விஸ்ஸஜ்ஜேதா ஹோதி, பரஸ்ஸ கோ² பன யோனிஸோ பஞ்ஹங் விஸ்ஸஜ்ஜிதங் பரிமண்ட³லேஹி பத³ப்³யஞ்ஜனேஹி ஸிலிட்டே²ஹி உபக³தேஹி நாப்³ப⁴னுமோதி³தா ஹோதி. இமேஹி கோ², பி⁴க்க²வே, தீஹி த⁴ம்மேஹி ஸமன்னாக³தோ பா³லோ வேதி³தப்³போ³.
5. ‘‘Tīhi, bhikkhave, dhammehi samannāgato bālo veditabbo. Katamehi tīhi? Ayoniso pañhaṃ kattā hoti, ayoniso pañhaṃ vissajjetā hoti, parassa kho pana yoniso pañhaṃ vissajjitaṃ parimaṇḍalehi padabyañjanehi siliṭṭhehi upagatehi nābbhanumoditā hoti. Imehi kho, bhikkhave, tīhi dhammehi samannāgato bālo veditabbo.
‘‘தீஹி, பி⁴க்க²வே, த⁴ம்மேஹி ஸமன்னாக³தோ பண்டி³தோ வேதி³தப்³போ³. கதமேஹி தீஹி? யோனிஸோ பஞ்ஹங் கத்தா ஹோதி, யோனிஸோ பஞ்ஹங் விஸ்ஸஜ்ஜேதா ஹோதி, பரஸ்ஸ கோ² பன யோனிஸோ பஞ்ஹங் விஸ்ஸஜ்ஜிதங் பரிமண்ட³லேஹி பத³ப்³யஞ்ஜனேஹி ஸிலிட்டே²ஹி உபக³தேஹி அப்³ப⁴னுமோதி³தா ஹோதி. இமேஹி கோ², பி⁴க்க²வே, தீஹி த⁴ம்மேஹி ஸமன்னாக³தோ பண்டி³தோ வேதி³தப்³போ³. தஸ்மாதிஹ…. பஞ்சமங்.
‘‘Tīhi, bhikkhave, dhammehi samannāgato paṇḍito veditabbo. Katamehi tīhi? Yoniso pañhaṃ kattā hoti, yoniso pañhaṃ vissajjetā hoti, parassa kho pana yoniso pañhaṃ vissajjitaṃ parimaṇḍalehi padabyañjanehi siliṭṭhehi upagatehi abbhanumoditā hoti. Imehi kho, bhikkhave, tīhi dhammehi samannāgato paṇḍito veditabbo. Tasmātiha…. Pañcamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 5. அயோனிஸோஸுத்தவண்ணனா • 5. Ayonisosuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 5-10. அயோனிஸோஸுத்தாதி³வண்ணனா • 5-10. Ayonisosuttādivaṇṇanā
