| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૧૦. બન્ધનસુત્તવણ્ણના
10. Bandhanasuttavaṇṇanā
૧૨૧. ઇદન્તિ ‘‘ઇધ, ભન્તે’’તિઆદિકં વચનં. તે ભિક્ખૂ આરોચેસુન્તિ સમ્બન્ધો. તેસૂતિ તેસુ રઞ્ઞા બન્ધાપિતમનુસ્સેસુ. સુકતકારણન્તિ સુકારણકિરિયં આરોચેસું, ન કેવલં તેસં મનુસ્સાનં બન્ધાપિતભાવં . ઇદાનિ તમત્થં વિત્થારતો દસ્સેતું ‘‘રઞ્ઞો કિરા’’તિઆદિ વુત્તં. અટ્ઠવઙ્કોતિ અટ્ઠંસો. અન્તોઘરચારિનોતિ અન્તેપુરવાસિનો.
121.Idanti ‘‘idha, bhante’’tiādikaṃ vacanaṃ. Te bhikkhū ārocesunti sambandho. Tesūti tesu raññā bandhāpitamanussesu. Sukatakāraṇanti sukāraṇakiriyaṃ ārocesuṃ, na kevalaṃ tesaṃ manussānaṃ bandhāpitabhāvaṃ . Idāni tamatthaṃ vitthārato dassetuṃ ‘‘rañño kirā’’tiādi vuttaṃ. Aṭṭhavaṅkoti aṭṭhaṃso. Antogharacārinoti antepuravāsino.
ઉક્કટ્ઠેતિ યુદ્ધે. મન્તીસૂતિ ગુત્તમન્તીસુ. અકુતૂહલન્તિ સઞ્ઞતં. પિયન્તિ પિયાયિતબ્બં. અન્નપાનમ્હિ મધુરે અભુત્તે ઉપ્પન્ને. અત્થેતિ અત્થે કિચ્ચે જાતે થિરન્તિ ન કથેન્તિ કાયબલમત્તેન અપનેતું સક્કુણેય્યત્તા. સુટ્ઠુ રત્તરત્તાતિ અતિવિય રત્તા એવ હુત્વા રત્તા. સારત્તેનાતિ સારભાવેન સારભાવસઞ્ઞાય. ઓહારિનન્તિ હેટ્ઠા હરણસીલન્તિ આહ ‘‘ચતૂસુ અપાયેસુ આકડ્ઢનક’’ન્તિ. સિથિલન્તિ સિથિલાકારં, ન પન સિથિલં. તેનાહ ભગવા ‘‘દુપ્પમુઞ્ચ’’ન્તિ.
Ukkaṭṭheti yuddhe. Mantīsūti guttamantīsu. Akutūhalanti saññataṃ. Piyanti piyāyitabbaṃ. Annapānamhi madhure abhutte uppanne. Attheti atthe kicce jāte thiranti na kathenti kāyabalamattena apanetuṃ sakkuṇeyyattā. Suṭṭhu rattarattāti ativiya rattā eva hutvā rattā. Sārattenāti sārabhāvena sārabhāvasaññāya. Ohārinanti heṭṭhā haraṇasīlanti āha ‘‘catūsu apāyesu ākaḍḍhanaka’’nti. Sithilanti sithilākāraṃ, na pana sithilaṃ. Tenāha bhagavā ‘‘duppamuñca’’nti.
બન્ધનસુત્તવણ્ણના નિટ્ઠિતા.
Bandhanasuttavaṇṇanā niṭṭhitā.
પઠમવગ્ગવણ્ણના નિટ્ઠિતા.
Paṭhamavaggavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૧૦. બન્ધનસુત્તં • 10. Bandhanasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૧૦. બન્ધનસુત્તવણ્ણના • 10. Bandhanasuttavaṇṇanā
