| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
8. ப⁴த்தாத³கஸுத்தங்
8. Bhattādakasuttaṃ
138. ‘‘பஞ்சஹி, பி⁴க்க²வே, அங்கே³ஹி ஸமன்னாக³தோ ரஞ்ஞோ நாகோ³ ப⁴த்தாத³கோ ச ஹோதி ஓகாஸப²ரணோ ச லண்ட³ஸாரணோ ச ஸலாகக்³கா³ஹீ ச ரஞ்ஞோ நாகொ³த்வேவ ஸங்க²ங் க³ச்ச²தி. கதமேஹி பஞ்சஹி? இத⁴, பி⁴க்க²வே, ரஞ்ஞோ நாகோ³ அக்க²மோ ஹோதி ரூபானங், அக்க²மோ ஸத்³தா³னங், அக்க²மோ க³ந்தா⁴னங், அக்க²மோ ரஸானங், அக்க²மோ பொ²ட்ட²ப்³பா³னங். இமேஹி கோ², பி⁴க்க²வே, பஞ்சஹி அங்கே³ஹி ஸமன்னாக³தோ ரஞ்ஞோ நாகோ³ ப⁴த்தாத³கோ ச ஓகாஸப²ரணோ ச லண்ட³ஸாரணோ ச ஸலாகக்³கா³ஹீ ச, ரஞ்ஞோ நாகொ³த்வேவ ஸங்க²ங் க³ச்ச²தி.
138. ‘‘Pañcahi, bhikkhave, aṅgehi samannāgato rañño nāgo bhattādako ca hoti okāsapharaṇo ca laṇḍasāraṇo ca salākaggāhī ca rañño nāgotveva saṅkhaṃ gacchati. Katamehi pañcahi? Idha, bhikkhave, rañño nāgo akkhamo hoti rūpānaṃ, akkhamo saddānaṃ, akkhamo gandhānaṃ, akkhamo rasānaṃ, akkhamo phoṭṭhabbānaṃ. Imehi kho, bhikkhave, pañcahi aṅgehi samannāgato rañño nāgo bhattādako ca okāsapharaṇo ca laṇḍasāraṇo ca salākaggāhī ca, rañño nāgotveva saṅkhaṃ gacchati.
‘‘ஏவமேவங் கோ², பி⁴க்க²வே, பஞ்சஹி த⁴ம்மேஹி ஸமன்னாக³தோ பி⁴க்கு² ப⁴த்தாத³கோ ச ஹோதி, ஓகாஸப²ரணோ ச மஞ்சபீட²மத்³த³னோ 1 ச ஸலாகக்³கா³ஹீ ச, பி⁴க்கு²த்வேவ ஸங்க²ங் க³ச்ச²தி. கதமேஹி பஞ்சஹி? இத⁴ , பி⁴க்க²வே, பி⁴க்கு² அக்க²மோ ஹோதி ரூபானங், அக்க²மோ ஸத்³தா³னங், அக்க²மோ க³ந்தா⁴னங், அக்க²மோ ரஸானங், அக்க²மோ பொ²ட்ட²ப்³பா³னங். இமேஹி கோ², பி⁴க்க²வே, பஞ்சஹி த⁴ம்மேஹி ஸமன்னாக³தோ பி⁴க்கு² ப⁴த்தாத³கோ ச ஹோதி ஓகாஸப²ரணோ ச மஞ்சபீட²மத்³த³னோ ச ஸலாகக்³கா³ஹீ ச, பி⁴க்கு²த்வேவ ஸங்க²ங் க³ச்ச²தீ’’தி. அட்ட²மங்.
‘‘Evamevaṃ kho, bhikkhave, pañcahi dhammehi samannāgato bhikkhu bhattādako ca hoti, okāsapharaṇo ca mañcapīṭhamaddano 2 ca salākaggāhī ca, bhikkhutveva saṅkhaṃ gacchati. Katamehi pañcahi? Idha , bhikkhave, bhikkhu akkhamo hoti rūpānaṃ, akkhamo saddānaṃ, akkhamo gandhānaṃ, akkhamo rasānaṃ, akkhamo phoṭṭhabbānaṃ. Imehi kho, bhikkhave, pañcahi dhammehi samannāgato bhikkhu bhattādako ca hoti okāsapharaṇo ca mañcapīṭhamaddano ca salākaggāhī ca, bhikkhutveva saṅkhaṃ gacchatī’’ti. Aṭṭhamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 8. ப⁴த்தாத³கஸுத்தவண்ணனா • 8. Bhattādakasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 5-9. பத்த²னாஸுத்தாதி³வண்ணனா • 5-9. Patthanāsuttādivaṇṇanā
