| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
4. சதுத்த²வக்³கோ³
4. Catutthavaggo
1-4. பி⁴ந்தி³ஸுத்தாதி³வண்ணனா
1-4. Bhindisuttādivaṇṇanā
180-183. தே³வத³த்தோ ஸக்³கே³ வா நிப்³ப³த்தெய்யாதிஆதி³ பரிகப்பவசனங். ந ஹி பச்சேகபோ³தி⁴யங் நியதக³திகோ அந்தரா மக்³க³ப²லானி அதி⁴க³ந்துங் ப⁴ப்³போ³தி. ஸோதி அனவஜ்ஜத⁴ம்மோ. அஸ்ஸாதி தே³வத³த்தஸ்ஸ. ஸமுச்சே²த³மக³மா கதூபசிதஸ்ஸ மஹதோ பாபத⁴ம்மஸ்ஸ ப³லேன தஸ்மிங் அத்தபா⁴வே ஸமுச்சே²த³பா⁴வதோ, ந அச்சந்தாய. அகுஸலங் நாமேதங் அப³லங், குஸலங் விய ந மஹாப³லங், தஸ்மா தஸ்மிங்யேவ அத்தபா⁴வே தாதி³ஸானங் புக்³க³லானங் அதேகிச்ச²தா, அஞ்ஞதா² ஸம்மத்தனியாமோ விய மிச்ச²த்தனியாமோ அச்சந்திகோ ஸியா. யதி³ ஏவங் வட்டகா²ணுகஜோதனா கத²ந்தி? ஆஸேவனாவஸேன, தஸ்மா யதா² ‘‘ஸகிங் நிமுக்³கோ³ நிமுக்³கோ³ ஏவ பா³லோ’’தி வுத்தங், ஏவங் வட்டகா²ணுகஜோதனா. யாதி³ஸே ஹி பச்சயே படிச்ச புக்³க³லோ தங் த³ஸ்ஸனங் க³ண்ஹி, ததா² ச படிபன்னோ, புன அசிந்தப்பதிவத்தே பச்சயே பதிததோ ஸீஸுக்கி²பனமஸ்ஸ ந ஹோதீதி ந வத்தப்³ப³ங்.
180-183.Devadatto sagge vā nibbatteyyātiādi parikappavacanaṃ. Na hi paccekabodhiyaṃ niyatagatiko antarā maggaphalāni adhigantuṃ bhabboti. Soti anavajjadhammo. Assāti devadattassa. Samucchedamagamā katūpacitassa mahato pāpadhammassa balena tasmiṃ attabhāve samucchedabhāvato, na accantāya. Akusalaṃ nāmetaṃ abalaṃ, kusalaṃ viya na mahābalaṃ, tasmā tasmiṃyeva attabhāve tādisānaṃ puggalānaṃ atekicchatā, aññathā sammattaniyāmo viya micchattaniyāmo accantiko siyā. Yadi evaṃ vaṭṭakhāṇukajotanā kathanti? Āsevanāvasena, tasmā yathā ‘‘sakiṃ nimuggo nimuggo eva bālo’’ti vuttaṃ, evaṃ vaṭṭakhāṇukajotanā. Yādise hi paccaye paṭicca puggalo taṃ dassanaṃ gaṇhi, tathā ca paṭipanno, puna acintappativatte paccaye patitato sīsukkhipanamassa na hotīti na vattabbaṃ.
பி⁴ந்தி³ஸுத்தாதி³வண்ணனா நிட்டி²தா.
Bhindisuttādivaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya
1. பி⁴ந்தி³ஸுத்தங் • 1. Bhindisuttaṃ
2. குஸலமூலஸுத்தங் • 2. Kusalamūlasuttaṃ
3. குஸலத⁴ம்மஸுத்தங் • 3. Kusaladhammasuttaṃ
4. ஸுக்கத⁴ம்மஸுத்தங் • 4. Sukkadhammasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1-4. பி⁴ந்தி³ஸுத்தாதி³வண்ணனா • 1-4. Bhindisuttādivaṇṇanā
