| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
5. பீ⁴தாஸுத்தவண்ணனா
5. Bhītāsuttavaṇṇanā
75. கிங் ஸூத⁴ பீ⁴தாதி எத்த² ஸு-இதா⁴தி நிபாதமத்தந்தி ஆஹ ‘‘கிங் பீ⁴தா’’தி? மக்³கோ³ ச நேகாயதனப்பவுத்தோதி அனேககாரணங் நானாவிதா⁴தி⁴க³மோகாஸங் கத்வா பவுத்தோ கதி²தோ. தேனாஹ ‘‘அட்ட²திங்ஸாரம்மணவஸேனா’’திஆதி³. ஏவங் ஸந்தேதி ஏவங் ஸப்³ப³ஸாதா⁴ரணானேகாயதனேஹி நிப்³பா³னகா³மிமக்³க³ஸ்ஸ தும்ஹேஹி பவேதி³தத்தா லப்³ப⁴மானே கே²மே மக்³கே³ கிங் பீ⁴தாயங் ஜனதா உப்பத²பூ⁴தா விபரீததி³ட்டி²தோ க³ண்ஹீதி அத்தோ²? ஏவங் தே³வதா யதி²ச்சா²ய புரிமத்³தே⁴ன அத்தனா யதா²சிந்திதமத்த²ங் ஸத்து² பவேதி³தா, பச்சி²மத்³தே⁴ன அத்தனோ ஸங்ஸயங் புச்ச²தி. ப³ஹுபஞ்ஞாதி புது²பஞ்ஞ. உஸ்ஸன்னபஞ்ஞாதி அதி⁴கபஞ்ஞா. ட²பெத்வாதி ஸங்யமெத்வா. ஸங்விபா⁴கீ³தி ஆஹாரபரிபோ⁴கே³ ஸம்மதே³வ விப⁴ஜனஸீலோ. தேனாஹ ‘‘அச்ச²ராயா’’திஆதி³. வுத்தத்த²மேவ ஹெட்டா².
75.Kiṃ sūdha bhītāti ettha su-idhāti nipātamattanti āha ‘‘kiṃ bhītā’’ti? Maggo ca nekāyatanappavuttoti anekakāraṇaṃ nānāvidhādhigamokāsaṃ katvā pavutto kathito. Tenāha ‘‘aṭṭhatiṃsārammaṇavasenā’’tiādi. Evaṃ santeti evaṃ sabbasādhāraṇānekāyatanehi nibbānagāmimaggassa tumhehi paveditattā labbhamāne kheme magge kiṃ bhītāyaṃ janatā uppathabhūtā viparītadiṭṭhito gaṇhīti attho? Evaṃ devatā yathicchāya purimaddhena attanā yathācintitamatthaṃ satthu paveditā, pacchimaddhena attano saṃsayaṃ pucchati. Bahupaññāti puthupañña. Ussannapaññāti adhikapaññā. Ṭhapetvāti saṃyametvā. Saṃvibhāgīti āhāraparibhoge sammadeva vibhajanasīlo. Tenāha ‘‘accharāyā’’tiādi. Vuttatthameva heṭṭhā.
மனேனாதி மனோக³ஹணேன. புப்³ப³ஸுத்³தி⁴அங்க³ந்தி புப்³ப³பா⁴க³ஸுத்³தி⁴பூ⁴தங் அங்க³ங். சதூஸூதி வுத்தஅங்க³பரியாபன்னங். யஞ்ஞஉபக்க²ரோதி தா³னஸ்ஸ ஸாத⁴னங். ஏதேஸு த⁴ம்மேஸூதி ஏதேஸு ஸத்³தா⁴தி³கு³ணேஸு. யதா² ஹி ஸத்³தோ⁴ பச்சயங் பச்சுபட்ட²பெத்வா வத்து²பரிச்சாக³ஸ்ஸ விஸேஸபச்சயோ கம்மப²லஸ்ஸ பரலோகஸ்ஸ ச பச்சக்க²தோ விய பத்தியாயனதோ, ஏவங் முது³ஹத³யோ. முது³ஹத³யோ ஹி அனுத³யங் பத்வா யங் கிஞ்சி அத்தனோ ஸந்தகங் பரேஸங் தே³தி. யோ ச ஸங்விபா⁴க³ஸீலோ, ஸோ அப்பகஸ்மிம்பி அத்தனோ ஸந்தகே பரேஹி ஸாதா⁴ரணபோ⁴கீ³ ஹோதி. வத³ஞ்ஞூ வதா³னியதாய யாகி³னோவ யுத்தங் யுத்தகாலங் ஞத்வா அத்தி²கானங் மனோரத²ங் பூரேதீதி வுத்தங் ‘‘இதி…பே॰… சதூஸூதி ஆஹா’’தி.
Manenāti manogahaṇena. Pubbasuddhiaṅganti pubbabhāgasuddhibhūtaṃ aṅgaṃ. Catūsūti vuttaaṅgapariyāpannaṃ. Yaññaupakkharoti dānassa sādhanaṃ. Etesu dhammesūti etesu saddhādiguṇesu. Yathā hi saddho paccayaṃ paccupaṭṭhapetvā vatthupariccāgassa visesapaccayo kammaphalassa paralokassa ca paccakkhato viya pattiyāyanato, evaṃ muduhadayo. Muduhadayo hi anudayaṃ patvā yaṃ kiñci attano santakaṃ paresaṃ deti. Yo ca saṃvibhāgasīlo, so appakasmimpi attano santake parehi sādhāraṇabhogī hoti. Vadaññū vadāniyatāya yāginova yuttaṃ yuttakālaṃ ñatvā atthikānaṃ manorathaṃ pūretīti vuttaṃ ‘‘iti…pe… catūsūti āhā’’ti.
வாசந்திஆதீ³னி தீணி அங்கா³னி திவித⁴ஸீலஸம்பத்திதீ³பனதோ. ஸம்பன்னஸீலோ ஹி பரலோகங் ந பா⁴ஸெய்ய. ஸத்³தோ⁴ ஏகங் அங்க³ங் பயோகா³ஸயஸுத்³தி⁴தீ³பனதோ. ஸுத்³தா⁴ஸயஸ்ஸ ஸம்மாபயோகே³ டி²தஸ்ஸ கத²ங் பரலோகதோ ப⁴யந்தி. து³கவஸேன சதுரங்க³யோஜனா து³கனயோ. ஏதேஸு சதூஸு த⁴ம்மேஸு டி²தோதி ஏதேஸு யதா²வுத்தது³கஸங்க³ஹேஸு சதூஸு கு³ணேஸு பதிட்டி²தோ.
Vācantiādīni tīṇi aṅgāni tividhasīlasampattidīpanato. Sampannasīlo hi paralokaṃ na bhāseyya. Saddho ekaṃ aṅgaṃ payogāsayasuddhidīpanato. Suddhāsayassa sammāpayoge ṭhitassa kathaṃ paralokato bhayanti. Dukavasena caturaṅgayojanā dukanayo. Etesu catūsu dhammesu ṭhitoti etesu yathāvuttadukasaṅgahesu catūsu guṇesu patiṭṭhito.
பீ⁴தாஸுத்தவண்ணனா நிட்டி²தா.
Bhītāsuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 5. பீ⁴தாஸுத்தங் • 5. Bhītāsuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5. பீ⁴தாஸுத்தவண்ணனா • 5. Bhītāsuttavaṇṇanā
