| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
7. போ⁴க³ஸுத்தங்
7. Bhogasuttaṃ
227. ‘‘பஞ்சிமே, பி⁴க்க²வே, ஆதீ³னவா போ⁴கே³ஸு. கதமே பஞ்ச? அக்³கி³ஸாதா⁴ரணா போ⁴கா³, உத³கஸாதா⁴ரணா போ⁴கா³, ராஜஸாதா⁴ரணா போ⁴கா³, சோரஸாதா⁴ரணா போ⁴கா³, அப்பியேஹி தா³யாதே³ஹி ஸாதா⁴ரணா போ⁴கா³. இமே கோ², பி⁴க்க²வே, பஞ்ச ஆதீ³னவா போ⁴கே³ஸு.
227. ‘‘Pañcime, bhikkhave, ādīnavā bhogesu. Katame pañca? Aggisādhāraṇā bhogā, udakasādhāraṇā bhogā, rājasādhāraṇā bhogā, corasādhāraṇā bhogā, appiyehi dāyādehi sādhāraṇā bhogā. Ime kho, bhikkhave, pañca ādīnavā bhogesu.
‘‘பஞ்சிமே, பி⁴க்க²வே, ஆனிஸங்ஸா போ⁴கே³ஸு. கதமே பஞ்ச? போ⁴கே³ நிஸ்ஸாய அத்தானங் ஸுகே²தி பீணேதி ஸம்மா ஸுக²ங் பரிஹரதி, மாதாபிதரோ ஸுகே²தி பீணேதி ஸம்மா ஸுக²ங் பரிஹரதி, புத்ததா³ரதா³ஸகம்மகரபோரிஸே ஸுகே²தி பீணேதி ஸம்மா ஸுக²ங் பரிஹரதி, மித்தாமச்சே ஸுகே²தி பீணேதி ஸம்மா ஸுக²ங் பரிஹரதி, ஸமணப்³ராஹ்மணேஸு உத்³த⁴க்³கி³கங் த³க்கி²ணங் பதிட்டா²பேதி ஸோவக்³கி³கங் ஸுக²விபாகங் ஸக்³க³ஸங்வத்தனிகங். இமே கோ², பி⁴க்க²வே, பஞ்ச ஆனிஸங்ஸா போ⁴கே³ஸூ’’தி. ஸத்தமங்.
‘‘Pañcime, bhikkhave, ānisaṃsā bhogesu. Katame pañca? Bhoge nissāya attānaṃ sukheti pīṇeti sammā sukhaṃ pariharati, mātāpitaro sukheti pīṇeti sammā sukhaṃ pariharati, puttadāradāsakammakaraporise sukheti pīṇeti sammā sukhaṃ pariharati, mittāmacce sukheti pīṇeti sammā sukhaṃ pariharati, samaṇabrāhmaṇesu uddhaggikaṃ dakkhiṇaṃ patiṭṭhāpeti sovaggikaṃ sukhavipākaṃ saggasaṃvattanikaṃ. Ime kho, bhikkhave, pañca ānisaṃsā bhogesū’’ti. Sattamaṃ.
Related texts:
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-10. பட²மதீ³க⁴சாரிகஸுத்தாதி³வண்ணனா • 1-10. Paṭhamadīghacārikasuttādivaṇṇanā
