| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
8. து³தியஆமகத⁴ஞ்ஞபெய்யாலவக்³கோ³
8. Dutiyaāmakadhaññapeyyālavaggo
8. பீ³ஜகா³மஸுத்தவண்ணனா
8. Bījagāmasuttavaṇṇanā
1148. ‘‘மூலபீ³ஜ’’ந்திஆதீ³ஸு மூலமேவ பீ³ஜந்தி மூலபீ³ஜங், மூலபீ³ஜங் ஏதஸ்ஸாதிபி மூலபீ³ஜங். தத்த² புரிமேன பீ³ஜகா³மோ வுத்தோ ‘‘பீ³ஜானங் ஸமூஹோ’’தி கத்வா, து³தியேன பூ⁴தகா³மோ. து³விதோ⁴பேஸோ ஸாமஞ்ஞனித்³தே³ஸேன, ‘‘மூலபீ³ஜஞ்ச மூலபீ³ஜஞ்ச மூலபீ³ஜ’’ந்தி ஏகஸேஸனயேன வா பீ³ஜத்தோ² வேதி³தப்³போ³. ஏஸ நயோ ஸேஸேஸுபி. ப²ளுபீ³ஜந்தி பப்³ப³பீ³ஜங். பா³ஹிரபச்சயந்தரஸமவாயே ஸதி³ஸப²லுப்பத்தியா விஸேஸகாரணபா⁴வதோ விருஹனஸமத்தே² ஸாரப²லே நிருள்ஹோ பீ³ஜ-ஸத்³தோ³. தத³த்த²ஸித்³தி⁴யா மூலாதீ³ஸுபி கேஸுசி பவத்ததீதி ததோ நிவத்தனத்த²ங் ஏகேன பீ³ஜ-ஸத்³தே³ன விஸேஸெத்வா வுத்தங் ‘‘பீ³ஜபீ³ஜ’’ந்தி ‘‘ரூபரூபங், து³க்க²து³க்க²’’ந்தி (ஸங்॰ நி॰ 4.327) ச யதா². நீலதிணருக்கா²தி³கஸ்ஸாதி அல்லதிணஸ்ஸ சேவ அல்லருக்கா²தி³கஸ்ஸ ச. ஆதி³-ஸத்³தே³ன ஓஸதி⁴க³ச்ச²லதாதீ³னங் க³ஹணங்.
1148. ‘‘Mūlabīja’’ntiādīsu mūlameva bījanti mūlabījaṃ, mūlabījaṃ etassātipi mūlabījaṃ. Tattha purimena bījagāmo vutto ‘‘bījānaṃ samūho’’ti katvā, dutiyena bhūtagāmo. Duvidhopeso sāmaññaniddesena, ‘‘mūlabījañca mūlabījañca mūlabīja’’nti ekasesanayena vā bījattho veditabbo. Esa nayo sesesupi. Phaḷubījanti pabbabījaṃ. Bāhirapaccayantarasamavāye sadisaphaluppattiyā visesakāraṇabhāvato viruhanasamatthe sāraphale niruḷho bīja-saddo. Tadatthasiddhiyā mūlādīsupi kesuci pavattatīti tato nivattanatthaṃ ekena bīja-saddena visesetvā vuttaṃ ‘‘bījabīja’’nti ‘‘rūparūpaṃ, dukkhadukkha’’nti (saṃ. ni. 4.327) ca yathā. Nīlatiṇarukkhādikassāti allatiṇassa ceva allarukkhādikassa ca. Ādi-saddena osadhigacchalatādīnaṃ gahaṇaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 8. பீ³ஜகா³மஸுத்தங் • 8. Bījagāmasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 8. பீ³ஜகா³மஸுத்தவண்ணனா • 8. Bījagāmasuttavaṇṇanā
