| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
2. பீ³ஜஸுத்தவண்ணனா
2. Bījasuttavaṇṇanā
54. பீ³ஜஜாதானீதி ஜாத-ஸத்³தோ³ பத³பூரணமத்தந்தி ஆஹ ‘‘பீ³ஜானீ’’தி. வசந்தி ஸேதவசங். அஜ்ஜுகந்தி தச்ச²கங். ப²ணிஜ்ஜகங் துலஸி. அபி⁴ன்னானீதி ஏகதே³ஸேனபி அக²ண்டி³தானி. பீ³ஜத்தா²யாதி பீ³ஜகிச்சாய. ந உபகப்பதீதி பச்சயோ ந ஹோதீதி த³ஸ்ஸேதி. ந பாபிதானீதி பூதிதங் ந உபக³தானி. தண்டு³லஸாரஸ்ஸ ஆதா³னதோ ஸாராதா³னி. ஆரம்மணக்³க³ஹணவஸேன விஞ்ஞாணங் திட்ட²தி எத்தா²தி விஞ்ஞாணட்டி²தியோ. ஆரம்மணவஸேனாதி ஆரம்மணபா⁴வவஸேன. ஸினேஹனட்டே²னாதி தண்ஹாயனவஸேன ஸினித்³த⁴தாபாத³னேன, யதோ ‘‘நந்தூ³பஸேசன’’ந்தி வுத்தங். ததா² ஹி விரோபிதங் தங் கம்மவிஞ்ஞாணங் படிஸந்தி⁴அங்குருப்பாத³னஸமத்த²ங் ஹோதி. ஸப்பச்சயந்தி அவிஜ்ஜாஅயோனிஸோனமனஸிகாராதி³பச்சயேஹி ஸப்பச்சயங். விருஹதி விபாகஸந்தானுப்பாத³னஸமத்தோ² ஹுத்வா.
54.Bījajātānīti jāta-saddo padapūraṇamattanti āha ‘‘bījānī’’ti. Vacanti setavacaṃ. Ajjukanti tacchakaṃ. Phaṇijjakaṃ tulasi. Abhinnānīti ekadesenapi akhaṇḍitāni. Bījatthāyāti bījakiccāya. Na upakappatīti paccayo na hotīti dasseti. Na pāpitānīti pūtitaṃ na upagatāni. Taṇḍulasārassa ādānato sārādāni. Ārammaṇaggahaṇavasena viññāṇaṃ tiṭṭhati etthāti viññāṇaṭṭhitiyo. Ārammaṇavasenāti ārammaṇabhāvavasena. Sinehanaṭṭhenāti taṇhāyanavasena siniddhatāpādanena, yato ‘‘nandūpasecana’’nti vuttaṃ. Tathā hi viropitaṃ taṃ kammaviññāṇaṃ paṭisandhiaṅkuruppādanasamatthaṃ hoti. Sappaccayanti avijjāayonisonamanasikārādipaccayehi sappaccayaṃ. Viruhati vipākasantānuppādanasamattho hutvā.
பீ³ஜஸுத்தவண்ணனா நிட்டி²தா.
Bījasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 2. பீ³ஜஸுத்தங் • 2. Bījasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2. பீ³ஜஸுத்தவண்ணனா • 2. Bījasuttavaṇṇanā
