| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
6. பொ³ஜ்ஜ²ங்க³ஸுத்தங்
6. Bojjhaṅgasuttaṃ
26. ‘‘ஸத்த வோ, பி⁴க்க²வே, அபரிஹானியே த⁴ம்மே தே³ஸெஸ்ஸாமி. தங் ஸுணாத², ஸாது⁴கங் மனஸி கரோத²…பே॰… கதமே ச, பி⁴க்க²வே, ஸத்த அபரிஹானியா த⁴ம்மா? யாவகீவஞ்ச, பி⁴க்க²வே, பி⁴க்கூ² ஸதிஸம்பொ³ஜ்ஜ²ங்க³ங் பா⁴வெஸ்ஸந்தி; வுத்³தி⁴யேவ, பி⁴க்க²வே, பி⁴க்கூ²னங் பாடிகங்கா², நோ பரிஹானி.
26. ‘‘Satta vo, bhikkhave, aparihāniye dhamme desessāmi. Taṃ suṇātha, sādhukaṃ manasi karotha…pe… katame ca, bhikkhave, satta aparihāniyā dhammā? Yāvakīvañca, bhikkhave, bhikkhū satisambojjhaṅgaṃ bhāvessanti; vuddhiyeva, bhikkhave, bhikkhūnaṃ pāṭikaṅkhā, no parihāni.
‘‘யாவகீவஞ்ச, பி⁴க்க²வே, பி⁴க்கூ² த⁴ம்மவிசயஸம்பொ³ஜ்ஜ²ங்க³ங் பா⁴வெஸ்ஸந்தி…பே॰… வீரியஸம்பொ³ஜ்ஜ²ங்க³ங் பா⁴வெஸ்ஸந்தி… பீதிஸம்பொ³ஜ்ஜ²ங்க³ங் பா⁴வெஸ்ஸந்தி… பஸ்ஸத்³தி⁴ஸம்பொ³ஜ்ஜ²ங்க³ங் பா⁴வெஸ்ஸந்தி… ஸமாதி⁴ஸம்பொ³ஜ்ஜ²ங்க³ங் பா⁴வெஸ்ஸந்தி… உபெக்கா²ஸம்பொ³ஜ்ஜ²ங்க³ங் பா⁴வெஸ்ஸந்தி; வுத்³தி⁴யேவ, பி⁴க்க²வே, பி⁴க்கூ²னங் பாடிகங்கா², நோ பரிஹானி. ‘‘யாவகீவஞ்ச, பி⁴க்க²வே, இமே ஸத்த அபரிஹானியா த⁴ம்மா பி⁴க்கூ²ஸு ட²ஸ்ஸந்தி, இமேஸு ச ஸத்தஸு அபரிஹானியேஸு த⁴ம்மேஸு பி⁴க்கூ² ஸந்தி³ஸ்ஸிஸ்ஸந்தி; வுத்³தி⁴யேவ, பி⁴க்க²வே, பி⁴க்கூ²னங் பாடிகங்கா², நோ பரிஹானீ’’தி. ச²ட்ட²ங்.
‘‘Yāvakīvañca, bhikkhave, bhikkhū dhammavicayasambojjhaṅgaṃ bhāvessanti…pe… vīriyasambojjhaṅgaṃ bhāvessanti… pītisambojjhaṅgaṃ bhāvessanti… passaddhisambojjhaṅgaṃ bhāvessanti… samādhisambojjhaṅgaṃ bhāvessanti… upekkhāsambojjhaṅgaṃ bhāvessanti; vuddhiyeva, bhikkhave, bhikkhūnaṃ pāṭikaṅkhā, no parihāni. ‘‘Yāvakīvañca, bhikkhave, ime satta aparihāniyā dhammā bhikkhūsu ṭhassanti, imesu ca sattasu aparihāniyesu dhammesu bhikkhū sandississanti; vuddhiyeva, bhikkhave, bhikkhūnaṃ pāṭikaṅkhā, no parihānī’’ti. Chaṭṭhaṃ.
Related texts:
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 4-6. து³தியஸத்தகஸுத்தாதி³வண்ணனா • 4-6. Dutiyasattakasuttādivaṇṇanā
