| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
2. ப்³ரஹ்மசரியோக³த⁴ஸுத்தவண்ணனா
2. Brahmacariyogadhasuttavaṇṇanā
998. யேஸந்தி அனியமதோ ஸத்³தா⁴தீ³னமாதா⁴ரபூ⁴தபுக்³க³லத³ஸ்ஸனங். பு³த்³தே⁴ பஸாதோ³ க³ஹிதோ. ஸோ ஹி இதரேஹி பட²மங் க³ஹேதப்³போ³தி. அரியகந்தானி ஸீலானி க³ஹிதானி ஸோதாபன்னஸ்ஸ ஸீலானங் அதி⁴ப்பேதத்தா. ஸங்கே⁴ பஸாதோ³ க³ஹிதோ த⁴ம்மப்பஸாத³ஸ்ஸ அனந்தரங் வுச்சமானத்தா. த⁴ம்மே பஸாதோ³ க³ஹிதோ அவேச்சப்பஸாத³பா⁴வதோ. ஸோதங் அரியமக்³க³ங் ஆதி³தோ பத்தி ஸோதாபத்தி, தஸ்ஸா அங்கா³னி ஸோதாபத்தியங்கா³னி. பச்செந்தீதி பஜாயந்தி அதி⁴க³ச்ச²ந்தி. தேனாஹ ‘‘பாபுணந்தீ’’தி. ப்³ரஹ்மசரியந்தி மக்³க³ப்³ரஹ்மசரியங். கதரபஸாதோ³ வத்தமானோதி அதி⁴ப்பாயோ. மக்³க³ப்பஸாதோ³தி மக்³க³ஸம்பயுத்தோ பஸாதோ³. ஆக³தமக்³க³ஸ்ஸாதி அதி⁴க³தமக்³க³ஸ்ஸ. மிஸ்ஸகப்பஸாதோ³ ஏஸோதி தஸ்மா உபோ⁴பி தே²ரா பண்டி³தா ப³ஹுஸ்ஸுதா.
998.Yesanti aniyamato saddhādīnamādhārabhūtapuggaladassanaṃ. Buddhe pasādo gahito. So hi itarehi paṭhamaṃ gahetabboti. Ariyakantāni sīlāni gahitāni sotāpannassa sīlānaṃ adhippetattā. Saṅghe pasādo gahito dhammappasādassa anantaraṃ vuccamānattā. Dhamme pasādo gahito aveccappasādabhāvato. Sotaṃ ariyamaggaṃ ādito patti sotāpatti, tassā aṅgāni sotāpattiyaṅgāni. Paccentīti pajāyanti adhigacchanti. Tenāha ‘‘pāpuṇantī’’ti. Brahmacariyanti maggabrahmacariyaṃ. Katarapasādo vattamānoti adhippāyo. Maggappasādoti maggasampayutto pasādo. Āgatamaggassāti adhigatamaggassa. Missakappasādo esoti tasmā ubhopi therā paṇḍitā bahussutā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 2. ப்³ரஹ்மசரியோக³த⁴ஸுத்தங் • 2. Brahmacariyogadhasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2. ப்³ரஹ்மசரியோக³த⁴ஸுத்தவண்ணனா • 2. Brahmacariyogadhasuttavaṇṇanā
