| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
7. பு³த்³த⁴வந்த³னாஸுத்தவண்ணனா
7. Buddhavandanāsuttavaṇṇanā
263. உட்ட²ஹாதி உட்டா²னங் காயிகவீரியங் கரோஹி. தேனாஹ ‘‘விசர, லோகே’’தி. சேதஸிகவீரியங் பன ப⁴க³வதா மத்த²கங் பாபிதமேவ. தேனாஹ ‘‘விஜிதஸங்கா³மா’’தி. த்³வாத³ஸயோஜனிகஸ்ஸ உச்சபா⁴வேன. வித்தா²ரதோ பன ஆயாமதோ ச அனேகயோஜனஸதஸஹஸ்ஸபரிமாணசக்கவாளங் அதிப்³யாபெத்வா டி²தஸ்ஸ. பன்னபா⁴ராதி பாதிதபா⁴ர. நிக்கே²பிதப்³ப³தோ பா⁴ராதி ஆஹ ‘‘ஓரோபிதக²ந்தா⁴’’திஆதி³. தே ஹி தங்ஸமங்கி³னோ புக்³க³லஸ்ஸ ஸம்பாதனட்டே²ன பா⁴ரா நாம. வுத்தஞ்ஹேதங் ‘‘பா⁴ரா ஹவே பஞ்சக்க²ந்தா⁴’’தி (ஸங்॰ நி॰ 3.22). ததே³கதே³ஸா ச கிலேஸாபி⁴ஸங்கா²ரா. பன்னரஸாய புண்ணமாய ரத்திந்தி யதா² பன்னரஸபுண்ணமாய ரத்தியங் பரிபுண்ணகாலே உபக்கிலேஸவிமுத்தோ சந்தோ³ ஸோப⁴தி, ஏவங் தவ சித்தங் ஸப்³ப³ஸோ உபக்கிலேஸவிமுத்தங் ஸோப⁴தீதி அதி⁴ப்பாயோ.
263.Uṭṭhahāti uṭṭhānaṃ kāyikavīriyaṃ karohi. Tenāha ‘‘vicara, loke’’ti. Cetasikavīriyaṃ pana bhagavatā matthakaṃ pāpitameva. Tenāha ‘‘vijitasaṅgāmā’’ti. Dvādasayojanikassa uccabhāvena. Vitthārato pana āyāmato ca anekayojanasatasahassaparimāṇacakkavāḷaṃ atibyāpetvā ṭhitassa. Pannabhārāti pātitabhāra. Nikkhepitabbato bhārāti āha ‘‘oropitakhandhā’’tiādi. Te hi taṃsamaṅgino puggalassa sampātanaṭṭhena bhārā nāma. Vuttañhetaṃ ‘‘bhārā have pañcakkhandhā’’ti (saṃ. ni. 3.22). Tadekadesā ca kilesābhisaṅkhārā. Pannarasāya puṇṇamāya rattinti yathā pannarasapuṇṇamāya rattiyaṃ paripuṇṇakāle upakkilesavimutto cando sobhati, evaṃ tava cittaṃ sabbaso upakkilesavimuttaṃ sobhatīti adhippāyo.
பு³த்³த⁴வந்த³னாஸுத்தவண்ணனா நிட்டி²தா.
Buddhavandanāsuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. பு³த்³த⁴வந்த³னாஸுத்தங் • 7. Buddhavandanāsuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. பு³த்³த⁴வந்த³னாஸுத்தவண்ணனா • 7. Buddhavandanāsuttavaṇṇanā
