| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
4. சக்கவத்திஸுத்தங்
4. Cakkavattisuttaṃ
14. ‘‘யோபி ஸோ, பி⁴க்க²வே, ராஜா சக்கவத்தீ த⁴ம்மிகோ த⁴ம்மராஜா ஸோபி ந அராஜகங் சக்கங் வத்தேதீ’’தி. ஏவங் வுத்தே அஞ்ஞதரோ பி⁴க்கு² ப⁴க³வந்தங் ஏதத³வோச – ‘‘கோ பன, ப⁴ந்தே, ரஞ்ஞோ சக்கவத்திஸ்ஸ த⁴ம்மிகஸ்ஸ த⁴ம்மரஞ்ஞோ ராஜா’’தி 1? ‘‘த⁴ம்மோ, பி⁴க்கூ²’’தி ப⁴க³வா அவோச – ‘‘இத⁴, பி⁴க்கு², ராஜா சக்கவத்தீ த⁴ம்மிகோ த⁴ம்மராஜா த⁴ம்மங்யேவ நிஸ்ஸாய 2 த⁴ம்மங் ஸக்கரொந்தோ த⁴ம்மங் க³ருங் கரொந்தோ த⁴ம்மங் அபசாயமானோ த⁴ம்மத்³த⁴ஜோ த⁴ம்மகேது த⁴ம்மாதி⁴பதெய்யோ த⁴ம்மிகங் ரக்கா²வரணகு³த்திங் ஸங்வித³ஹதி அந்தோஜனஸ்மிங்’’.
14. ‘‘Yopi so, bhikkhave, rājā cakkavattī dhammiko dhammarājā sopi na arājakaṃ cakkaṃ vattetī’’ti. Evaṃ vutte aññataro bhikkhu bhagavantaṃ etadavoca – ‘‘ko pana, bhante, rañño cakkavattissa dhammikassa dhammarañño rājā’’ti 3? ‘‘Dhammo, bhikkhū’’ti bhagavā avoca – ‘‘idha, bhikkhu, rājā cakkavattī dhammiko dhammarājā dhammaṃyeva nissāya 4 dhammaṃ sakkaronto dhammaṃ garuṃ karonto dhammaṃ apacāyamāno dhammaddhajo dhammaketu dhammādhipateyyo dhammikaṃ rakkhāvaraṇaguttiṃ saṃvidahati antojanasmiṃ’’.
‘‘புன சபரங், பி⁴க்கு², ராஜா சக்கவத்தீ த⁴ம்மிகோ த⁴ம்மராஜா த⁴ம்மங்யேவ நிஸ்ஸாய த⁴ம்மங் ஸக்கரொந்தோ த⁴ம்மங் க³ருங் கரொந்தோ த⁴ம்மங் அபசாயமானோ த⁴ம்மத்³த⁴ஜோ த⁴ம்மகேது த⁴ம்மாதி⁴பதெய்யோ த⁴ம்மிகங் ரக்கா²வரணகு³த்திங் ஸங்வித³ஹதி க²த்தியேஸு, அனுயந்தேஸு 5, ப³லகாயஸ்மிங், ப்³ராஹ்மணக³ஹபதிகேஸு , நேக³மஜானபதே³ஸு, ஸமணப்³ராஹ்மணேஸு, மிக³பக்கீ²ஸு. ஸ கோ² ஸோ பி⁴க்கு² ராஜா சக்கவத்தீ த⁴ம்மிகோ த⁴ம்மராஜா த⁴ம்மங்யேவ நிஸ்ஸாய த⁴ம்மங் ஸக்கரொந்தோ த⁴ம்மங் க³ருங் கரொந்தோ த⁴ம்மங் அபசாயமானோ த⁴ம்மத்³த⁴ஜோ த⁴ம்மகேது த⁴ம்மாதி⁴பதெய்யோ த⁴ம்மிகங் ரக்கா²வரணகு³த்திங் ஸங்வித³ஹித்வா அந்தோஜனஸ்மிங், த⁴ம்மிகங் ரக்கா²வரணகு³த்திங் ஸங்வித³ஹித்வா க²த்தியேஸு, அனுயந்தேஸு, ப³லகாயஸ்மிங், ப்³ராஹ்மணக³ஹபதிகேஸு, நேக³மஜானபதே³ஸு, ஸமணப்³ராஹ்மணேஸு, மிக³பக்கீ²ஸு, த⁴ம்மேனேவ சக்கங் வத்தேதி. தங் ஹோதி சக்கங் அப்படிவத்தியங் கேனசி மனுஸ்ஸபூ⁴தேன பச்சத்தி²கேன பாணினா.
‘‘Puna caparaṃ, bhikkhu, rājā cakkavattī dhammiko dhammarājā dhammaṃyeva nissāya dhammaṃ sakkaronto dhammaṃ garuṃ karonto dhammaṃ apacāyamāno dhammaddhajo dhammaketu dhammādhipateyyo dhammikaṃ rakkhāvaraṇaguttiṃ saṃvidahati khattiyesu, anuyantesu 6, balakāyasmiṃ, brāhmaṇagahapatikesu , negamajānapadesu, samaṇabrāhmaṇesu, migapakkhīsu. Sa kho so bhikkhu rājā cakkavattī dhammiko dhammarājā dhammaṃyeva nissāya dhammaṃ sakkaronto dhammaṃ garuṃ karonto dhammaṃ apacāyamāno dhammaddhajo dhammaketu dhammādhipateyyo dhammikaṃ rakkhāvaraṇaguttiṃ saṃvidahitvā antojanasmiṃ, dhammikaṃ rakkhāvaraṇaguttiṃ saṃvidahitvā khattiyesu, anuyantesu, balakāyasmiṃ, brāhmaṇagahapatikesu, negamajānapadesu, samaṇabrāhmaṇesu, migapakkhīsu, dhammeneva cakkaṃ vatteti. Taṃ hoti cakkaṃ appaṭivattiyaṃ kenaci manussabhūtena paccatthikena pāṇinā.
‘‘ஏவமேவங் கோ², பி⁴க்கு² 7, ததா²க³தோ அரஹங் ஸம்மாஸம்பு³த்³தோ⁴ த⁴ம்மிகோ த⁴ம்மராஜா த⁴ம்மங்யேவ நிஸ்ஸாய த⁴ம்மங் ஸக்கரொந்தோ த⁴ம்மங் க³ருங் கரொந்தோ த⁴ம்மங் அபசாயமானோ த⁴ம்மத்³த⁴ஜோ த⁴ம்மகேது த⁴ம்மாதி⁴பதெய்யோ த⁴ம்மிகங் ரக்கா²வரணகு³த்திங் ஸங்வித³ஹதி காயகம்மஸ்மிங் – ‘ஏவரூபங் காயகம்மங் ஸேவிதப்³ப³ங், ஏவரூபங் காயகம்மங் ந ஸேவிதப்³ப³’’’ந்தி.
‘‘Evamevaṃ kho, bhikkhu 8, tathāgato arahaṃ sammāsambuddho dhammiko dhammarājā dhammaṃyeva nissāya dhammaṃ sakkaronto dhammaṃ garuṃ karonto dhammaṃ apacāyamāno dhammaddhajo dhammaketu dhammādhipateyyo dhammikaṃ rakkhāvaraṇaguttiṃ saṃvidahati kāyakammasmiṃ – ‘evarūpaṃ kāyakammaṃ sevitabbaṃ, evarūpaṃ kāyakammaṃ na sevitabba’’’nti.
‘‘புன சபரங், பி⁴க்கு², ததா²க³தோ அரஹங் ஸம்மாஸம்பு³த்³தோ⁴ த⁴ம்மிகோ த⁴ம்மராஜா த⁴ம்மங்யேவ நிஸ்ஸாய த⁴ம்மங் ஸக்கரொந்தோ த⁴ம்மங் க³ருங் கரொந்தோ த⁴ம்மங் அபசாயமானோ த⁴ம்மத்³த⁴ஜோ த⁴ம்மகேது த⁴ம்மாதி⁴பதெய்யோ த⁴ம்மிகங் ரக்கா²வரணகு³த்திங் ஸங்வித³ஹதி வசீகம்மஸ்மிங் – ‘ஏவரூபங் வசீகம்மங் ஸேவிதப்³ப³ங், ஏவரூபங் வசீகம்மங் ந ஸேவிதப்³ப³’ந்தி…பே॰… மனோகம்மஸ்மிங் – ‘ஏவரூபங் மனோகம்மங் ஸேவிதப்³ப³ங், ஏவரூபங் மனோகம்மங் ந ஸேவிதப்³ப³’’’ந்தி.
‘‘Puna caparaṃ, bhikkhu, tathāgato arahaṃ sammāsambuddho dhammiko dhammarājā dhammaṃyeva nissāya dhammaṃ sakkaronto dhammaṃ garuṃ karonto dhammaṃ apacāyamāno dhammaddhajo dhammaketu dhammādhipateyyo dhammikaṃ rakkhāvaraṇaguttiṃ saṃvidahati vacīkammasmiṃ – ‘evarūpaṃ vacīkammaṃ sevitabbaṃ, evarūpaṃ vacīkammaṃ na sevitabba’nti…pe… manokammasmiṃ – ‘evarūpaṃ manokammaṃ sevitabbaṃ, evarūpaṃ manokammaṃ na sevitabba’’’nti.
‘‘ஸ கோ² ஸோ, பி⁴க்கு², ததா²க³தோ அரஹங் ஸம்மாஸம்பு³த்³தோ⁴ த⁴ம்மிகோ த⁴ம்மராஜா த⁴ம்மங்யேவ நிஸ்ஸாய த⁴ம்மங் ஸக்கரொந்தோ த⁴ம்மங் க³ருங் கரொந்தோ த⁴ம்மங் அபசாயமானோ த⁴ம்மத்³த⁴ஜோ த⁴ம்மகேது த⁴ம்மாதி⁴பதெய்யோ த⁴ம்மிகங் ரக்கா²வரணகு³த்திங் ஸங்வித³ஹித்வா காயகம்மஸ்மிங், த⁴ம்மிகங் ரக்கா²வரணகு³த்திங் ஸங்வித³ஹித்வா வசீகம்மஸ்மிங், த⁴ம்மிகங் ரக்கா²வரணகு³த்திங் ஸங்வித³ஹித்வா மனோகம்மஸ்மிங், த⁴ம்மேனேவ அனுத்தரங் த⁴ம்மசக்கங் பவத்தேதி. தங் ஹோதி சக்கங் அப்படிவத்தியங் ஸமணேன வா ப்³ராஹ்மணேன வா தே³வேன வா மாரேன வா ப்³ரஹ்முனா வா கேனசி வா லோகஸ்மி’’ந்தி. சதுத்த²ங்.
‘‘Sa kho so, bhikkhu, tathāgato arahaṃ sammāsambuddho dhammiko dhammarājā dhammaṃyeva nissāya dhammaṃ sakkaronto dhammaṃ garuṃ karonto dhammaṃ apacāyamāno dhammaddhajo dhammaketu dhammādhipateyyo dhammikaṃ rakkhāvaraṇaguttiṃ saṃvidahitvā kāyakammasmiṃ, dhammikaṃ rakkhāvaraṇaguttiṃ saṃvidahitvā vacīkammasmiṃ, dhammikaṃ rakkhāvaraṇaguttiṃ saṃvidahitvā manokammasmiṃ, dhammeneva anuttaraṃ dhammacakkaṃ pavatteti. Taṃ hoti cakkaṃ appaṭivattiyaṃ samaṇena vā brāhmaṇena vā devena vā mārena vā brahmunā vā kenaci vā lokasmi’’nti. Catutthaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 4. சக்கவத்திஸுத்தவண்ணனா • 4. Cakkavattisuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 4. சக்கவத்திஸுத்தவண்ணனா • 4. Cakkavattisuttavaṇṇanā
