| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
7. ராஹுலஸங்யுத்தங்
7. Rāhulasaṃyuttaṃ
1. பட²மவக்³கோ³
1. Paṭhamavaggo
1-8. சக்கு²ஸுத்தாதி³வண்ணனா
1-8. Cakkhusuttādivaṇṇanā
188-195. ஏகவிஹாரீதி சதூஸுபி இரியாபதே²ஸு ஏகாகீ ஹுத்வா விஹரந்தோ. விவேகட்டோ²தி விவித்தட்டோ², தேனாஹ ‘‘நிஸ்ஸத்³தோ³’’தி. ஸதியா அவிப்பவஸந்தோதி ஸதியா அவிப்பவாஸேன டி²தோ, ஸப்³ப³தா³ அவிஜஹனவஸேன பவத்தோ. ஆதாபீதி வீரியஸம்பன்னோதி ஸப்³ப³ஸோ கிலேஸானங் ஆதாபனபரிதாபனவஸேன பவத்தவீரியஸமங்கீ³பூ⁴தோ. பஹிதத்தோதி தஸ்மிங் விஸேஸாதி⁴க³மே பேஸிதசித்தோ, தத்த² நின்னோ தப்பப்³பா⁴ரோதி அத்தோ². ஹுத்வா அபா⁴வாகாரேனாதி உப்பத்திதோ புப்³பே³ அவிஜ்ஜமானோ பச்சயஸமவாயேன ஹுத்வா உப்பஜ்ஜித்வா ப⁴ங்கு³பரமஸங்கா²தேன அபா⁴வாகாரேன. அனிச்சந்தி நிச்சது⁴வதாபா⁴வதோ. உப்பாத³வயவந்ததாயாதி க²ணே க²ணே உப்பஜ்ஜித்வா நிருஜ்ஜ²னதோ. தாவகாலிகதாயாதி தங்க²ணிகதாய. விபரிணாமகோடியாதி விபரிணாமவந்ததாய. சக்கு²ஞ்ஹி உபாதா³ய விகாராபஜ்ஜனேன விபரிணமந்தங் வினாஸங் படிபீளங் பாபுணாதி. நிச்சபடிக்கே²பதோதி நிச்சதாய படிக்கி²பிதப்³ப³தோ லேஸமத்தஸ்ஸபி அனுபலப்³ப⁴னதோ. து³க்க²மனட்டே²னாதி நிரந்தரது³க்க²தாய து³க்கே²ன க²மிதப்³ப³தோ. து³க்க²வத்து²கட்டே²னாதி நானப்பகாரது³க்கா²தி⁴ட்டா²னதோ. ஸததஸம்பீளனட்டே²னாதி அபி⁴ண்ஹதாபஸபா⁴வதோ. ஸுக²படிக்கே²பேனாதி ஸுக²பா⁴வஸ்ஸ படிக்கி²பிதப்³ப³தோ. தண்ஹாகா³ஹோ மமங்காரபா⁴வதோ. மானகா³ஹோ அஹங்காரபா⁴வதோ. தி³ட்டி²கா³ஹோ ‘‘அத்தா மே’’தி விபல்லாஸபா⁴வதோ. விராக³வஸேனாதி விராக³க்³க³ஹணேன. ததா² விமுத்திவஸேனாதி விமுத்திக்³க³ஹணேன.
188-195.Ekavihārīti catūsupi iriyāpathesu ekākī hutvā viharanto. Vivekaṭṭhoti vivittaṭṭho, tenāha ‘‘nissaddo’’ti. Satiyā avippavasantoti satiyā avippavāsena ṭhito, sabbadā avijahanavasena pavatto. Ātāpīti vīriyasampannoti sabbaso kilesānaṃ ātāpanaparitāpanavasena pavattavīriyasamaṅgībhūto. Pahitattoti tasmiṃ visesādhigame pesitacitto, tattha ninno tappabbhāroti attho. Hutvā abhāvākārenāti uppattito pubbe avijjamāno paccayasamavāyena hutvā uppajjitvā bhaṅguparamasaṅkhātena abhāvākārena. Aniccanti niccadhuvatābhāvato. Uppādavayavantatāyāti khaṇe khaṇe uppajjitvā nirujjhanato. Tāvakālikatāyāti taṅkhaṇikatāya. Vipariṇāmakoṭiyāti vipariṇāmavantatāya. Cakkhuñhi upādāya vikārāpajjanena vipariṇamantaṃ vināsaṃ paṭipīḷaṃ pāpuṇāti. Niccapaṭikkhepatoti niccatāya paṭikkhipitabbato lesamattassapi anupalabbhanato. Dukkhamanaṭṭhenāti nirantaradukkhatāya dukkhena khamitabbato. Dukkhavatthukaṭṭhenāti nānappakāradukkhādhiṭṭhānato. Satatasampīḷanaṭṭhenāti abhiṇhatāpasabhāvato. Sukhapaṭikkhepenāti sukhabhāvassa paṭikkhipitabbato. Taṇhāgāho mamaṃkārabhāvato. Mānagāho ahaṃkārabhāvato. Diṭṭhigāho ‘‘attā me’’ti vipallāsabhāvato. Virāgavasenāti virāgaggahaṇena. Tathā vimuttivasenāti vimuttiggahaṇena.
பஸாதா³வ க³ஹிதா த்³வாரபா⁴வப்பத்தஸ்ஸ அதி⁴ப்பேதத்தா. ஸம்மஸனசாரசித்தங் த்³வாரபூ⁴தமனோதி அதி⁴ப்பாயோ.
Pasādāva gahitā dvārabhāvappattassa adhippetattā. Sammasanacāracittaṃ dvārabhūtamanoti adhippāyo.
ச²ட்டே² ஆரம்மணே தேபூ⁴மகத⁴ம்மா ஸம்மஸனசாரஸ்ஸ அதி⁴ப்பேதத்தா. யதா² பட²மஸுத்தே பஞ்ச பஸாதா³ க³ஹிதா, ந ஸஸம்பா⁴ரசக்கு²ஆத³யோ, ஏவங் ததியஸுத்தே ந பஸாத³வத்து²கசித்தமேவ க³ஹிதங். ந தங்ஸம்பயுத்தா த⁴ம்மா. ஏவஞ்ஹி அவதா⁴ரணங் ஸாத்த²கங் ஹோதி அஞ்ஞதா² தேன அபனேதப்³ப³ஸ்ஸ அபா⁴வதோ. ஸப்³ப³த்தா²தி ஸப்³பே³ஸு சதுத்த²ஸுத்தாதீ³ஸு. ஜவனப்பத்தாதி ஜவனசித்தஸங்யுத்தா.
Chaṭṭhe ārammaṇe tebhūmakadhammā sammasanacārassa adhippetattā. Yathā paṭhamasutte pañca pasādā gahitā, na sasambhāracakkhuādayo, evaṃ tatiyasutte na pasādavatthukacittameva gahitaṃ. Na taṃsampayuttā dhammā. Evañhi avadhāraṇaṃ sātthakaṃ hoti aññathā tena apanetabbassa abhāvato. Sabbatthāti sabbesu catutthasuttādīsu. Javanappattāti javanacittasaṃyuttā.
சக்கு²ஸுத்தாதி³வண்ணனா நிட்டி²தா.
Cakkhusuttādivaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya
1. சக்கு²ஸுத்தங் • 1. Cakkhusuttaṃ
2. ரூபஸுத்தங் • 2. Rūpasuttaṃ
3. விஞ்ஞாணஸுத்தங் • 3. Viññāṇasuttaṃ
4. ஸம்ப²ஸ்ஸஸுத்தங் • 4. Samphassasuttaṃ
5. வேத³னாஸுத்தங் • 5. Vedanāsuttaṃ
6. ஸஞ்ஞாஸுத்தங் • 6. Saññāsuttaṃ
7. ஸஞ்சேதனாஸுத்தங் • 7. Sañcetanāsuttaṃ
8. தண்ஹாஸுத்தங் • 8. Taṇhāsuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1-8. சக்கு²ஸுத்தாதி³வண்ணனா • 1-8. Cakkhusuttādivaṇṇanā
