| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૬. ચાલાસુત્તવણ્ણના
6. Cālāsuttavaṇṇanā
૧૬૭. છટ્ઠે કો નુ તં ઇદમાદપયીતિ કો નુ મન્દબુદ્ધિ બાલો તં એવં ગાહાપેસિ? પરિક્લેસન્તિ અઞ્ઞમ્પિ નાનપ્પકારં ઉપદ્દવં. ઇદાનિ યં મારો આહ – ‘‘કો નુ તં ઇદમાદપયી’’તિ, તં મદ્દન્તી – ‘‘ન મં અન્ધબાલો આદપેસિ, લોકે પન અગ્ગપુગ્ગલો સત્થા ધમ્મં દેસેસી’’તિ દસ્સેતું, બુદ્ધોતિઆદિમાહ. તત્થ સચ્ચે નિવેસયીતિ પરમત્થસચ્ચે નિબ્બાને નિવેસેસિ. નિરોધં અપ્પજાનન્તાતિ નિરોધસચ્ચં અજાનન્તા. છટ્ઠં.
167. Chaṭṭhe ko nu taṃ idamādapayīti ko nu mandabuddhi bālo taṃ evaṃ gāhāpesi? Pariklesanti aññampi nānappakāraṃ upaddavaṃ. Idāni yaṃ māro āha – ‘‘ko nu taṃ idamādapayī’’ti, taṃ maddantī – ‘‘na maṃ andhabālo ādapesi, loke pana aggapuggalo satthā dhammaṃ desesī’’ti dassetuṃ, buddhotiādimāha. Tattha sacce nivesayīti paramatthasacce nibbāne nivesesi. Nirodhaṃ appajānantāti nirodhasaccaṃ ajānantā. Chaṭṭhaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૬. ચાલાસુત્તં • 6. Cālāsuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૬. ચાલાસુત્તવણ્ણના • 6. Cālāsuttavaṇṇanā
