| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
5. சந்த³னஸுத்தவண்ணனா
5. Candanasuttavaṇṇanā
96. ஹெட்டா²தி காமப⁴வே. தத்த² ஹி பரிப்³ப⁴மந்தஸ்ஸ பதிட்டா² து³ல்லபா⁴ யேபு⁴ய்யேன தத்த² ஸத்தா நிமுக்³கா³ ஏவ ஹொந்தி, தஸ்மா ஹெட்டா² அப்பதிட்டோ² ஸங்ஸாரோ. உபரீதி மஹக்³க³தப⁴வே. தத்த² ஹி நிப்³ப³த்தஸ்ஸ நிப்³பா³னங் ஆருஹிதுங் ஆலம்ப³னா து³ல்லபா⁴, ஜா²னாபி⁴ரதியா தத்தே²வ நிகந்தி தேஸங் ப³லவதீ ஹோதி, தஸ்மா உபரி அனாலம்ப³னோ ஸங்ஸாரோ. பேஸிதத்தோதி நிப்³பா³னங் பதி பேஸிதசித்தோ. தயோ கம்மாபி⁴ஸங்கா²ராதி புஞ்ஞாபி⁴ஸங்கா²ராத³யோ தயோ அபி⁴ஸங்கா²ரா. தேன ‘‘நந்தீ³புப்³ப³கோ கம்மப⁴வோ’’தி வத்வா ‘‘நந்தி³ங் ஜனெத்வா’’தி வுத்தோ. காமஸஞ்ஞாஸீஸேன காமச்ச²ந்த³ஸ்ஸ க³ஹணங், காமச்ச²ந்த³பமுகா²னி ச ஓரம்பா⁴கி³யஸங்யோஜனானி க³ஹிதானீதி ஆஹ ‘‘காமஸஞ்ஞாக³ஹணேன பஞ்சோரம்பா⁴கி³யஸங்யோஜனானீ’’தி. ரூபப⁴வோ ரூபங் ப⁴வபத³லோபேன. ரூபப⁴வக்³க³ஹணேன செத்த² ஸேஸப⁴வஸ்ஸபி க³ஹணங். தஸ்ஸ ஸங்யோஜனக்³க³ஹணேன பஞ்ச உத்³த⁴ம்பா⁴கி³யஸங்யோஜனானி க³ஹிதானி. மஹோகே⁴தி ஸங்ஸாரமஹோகே⁴. தேஸந்தி காமப⁴வாதீ³னங் க³ஹணேன ப⁴வபா⁴வேன ததே³கலக்க²ணதாய. அரூபப⁴வோ க³ஹிதோ லக்க²ணஹாரனயேன. ஸேஸங் ஸுவிஞ்ஞெய்யமேவ.
96.Heṭṭhāti kāmabhave. Tattha hi paribbhamantassa patiṭṭhā dullabhā yebhuyyena tattha sattā nimuggā eva honti, tasmā heṭṭhā appatiṭṭho saṃsāro. Uparīti mahaggatabhave. Tattha hi nibbattassa nibbānaṃ āruhituṃ ālambanā dullabhā, jhānābhiratiyā tattheva nikanti tesaṃ balavatī hoti, tasmā upari anālambano saṃsāro. Pesitattoti nibbānaṃ pati pesitacitto. Tayo kammābhisaṅkhārāti puññābhisaṅkhārādayo tayo abhisaṅkhārā. Tena ‘‘nandīpubbako kammabhavo’’ti vatvā ‘‘nandiṃ janetvā’’ti vutto. Kāmasaññāsīsena kāmacchandassa gahaṇaṃ, kāmacchandapamukhāni ca orambhāgiyasaṃyojanāni gahitānīti āha ‘‘kāmasaññāgahaṇena pañcorambhāgiyasaṃyojanānī’’ti. Rūpabhavo rūpaṃ bhavapadalopena. Rūpabhavaggahaṇena cettha sesabhavassapi gahaṇaṃ. Tassa saṃyojanaggahaṇena pañca uddhambhāgiyasaṃyojanāni gahitāni. Mahogheti saṃsāramahoghe. Tesanti kāmabhavādīnaṃ gahaṇena bhavabhāvena tadekalakkhaṇatāya. Arūpabhavo gahito lakkhaṇahāranayena. Sesaṃ suviññeyyameva.
சந்த³னஸுத்தவண்ணனா நிட்டி²தா.
Candanasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 5. சந்த³னஸுத்தங் • 5. Candanasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5-6. சந்த³னஸுத்தாதி³வண்ணனா • 5-6. Candanasuttādivaṇṇanā
