| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
2. அனாத²பிண்டி³கவக்³கோ³
2. Anāthapiṇḍikavaggo
1. சந்தி³மஸஸுத்தவண்ணனா
1. Candimasasuttavaṇṇanā
92. பப்³ப³ததடா ஸந்த³மானோ ததா²ரூபோ நதீ³னிவத்தனபதே³ஸோபி ஸம்பா³த⁴ட்டா²னதாய கச்சோ² வியாதி ஆஹ ‘‘பப்³ப³தகச்சே²பீ’’தி. படிபக்க²தூ³ரீபா⁴வேன ஸெட்ட²ட்டே²ன ச ஏகோ உதே³தீதி ஏகோதி³, ஏகக்³க³தா. தஸ்மிங் யோக³தோ ஏகக்³க³சித்தா இத⁴ ஏகோதீ³. படிபக்க²தோ அத்தானங் நிபயந்தி விஸோதெ⁴ந்தீதி நிபகா, பஞ்ஞவந்தோ. தேனாஹ ‘‘ஏகக்³க³சித்தா சேவா’’திஆதி³. காயாதி³பே⁴த³ங் ஆரம்மணங் ஸாதிஸயாய ஸதியா ஸரந்தீதி ஸதா. தேனாஹ ‘‘ஸதிமந்தோ’’தி. ஸொத்தி²ங் க³மிஸ்ஸந்தீதி யதா²வுத்தபதே³ஸே மகா³ ஸொத்தி²மனுபத்³த³வேன வத்திஸ்ஸந்தி, ஏவங் ஜா²னலாபி⁴னோ ஸொத்தி²ங் கிலேஸேஹி அனுபத்³து³தா வத்திஸ்ஸந்தி. அயங் கிர தே³வபுத்தோ ப்³ரஹ்மலோகே நிப்³பா³னஸஞ்ஞீ, தஸ்மா ஏவமாஹ. ப⁴க³வா ‘‘அயங் தே³வபுத்தோ அனிப்³பா³னகா³மீ ஸமானோ நிப்³பா³னகா³மிஸஞ்ஞீ, ஹந்த³ஸ்ஸ நிப்³பா³னகா³மினோ த³ஸ்ஸேமீ’’தி து³தியங் கா³த²மாஹ. சதுன்னங் ஓகா⁴னங், ஸங்ஸாரமஹோக⁴ஸ்ஸேவ வா பரதீரபா⁴வதோ பரதீரந்தி நிப்³பா³னங். அம்பு³னி ஜாதோ அம்பு³ஜோ, மச்சோ². ஸுத்தஜாலங் சி²ந்தி³த்வா மச்சா² விய கிலேஸஜாலங் பி⁴ந்தி³த்வா க³மிஸ்ஸந்தீதி.
92. Pabbatataṭā sandamāno tathārūpo nadīnivattanapadesopi sambādhaṭṭhānatāya kaccho viyāti āha ‘‘pabbatakacchepī’’ti. Paṭipakkhadūrībhāvena seṭṭhaṭṭhena ca eko udetīti ekodi, ekaggatā. Tasmiṃ yogato ekaggacittā idha ekodī. Paṭipakkhato attānaṃ nipayanti visodhentīti nipakā, paññavanto. Tenāha ‘‘ekaggacittā cevā’’tiādi. Kāyādibhedaṃ ārammaṇaṃ sātisayāya satiyā sarantīti satā. Tenāha ‘‘satimanto’’ti. Sotthiṃ gamissantīti yathāvuttapadese magā sotthimanupaddavena vattissanti, evaṃ jhānalābhino sotthiṃ kilesehi anupaddutā vattissanti. Ayaṃ kira devaputto brahmaloke nibbānasaññī, tasmā evamāha. Bhagavā ‘‘ayaṃ devaputto anibbānagāmī samāno nibbānagāmisaññī, handassa nibbānagāmino dassemī’’ti dutiyaṃ gāthamāha. Catunnaṃ oghānaṃ, saṃsāramahoghasseva vā paratīrabhāvato paratīranti nibbānaṃ. Ambuni jāto ambujo, maccho. Suttajālaṃ chinditvā macchā viya kilesajālaṃ bhinditvā gamissantīti.
சந்தி³மஸஸுத்தவண்ணனா நிட்டி²தா.
Candimasasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. சந்தி³மஸஸுத்தங் • 1. Candimasasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1. சந்தி³மஸஸுத்தவண்ணனா • 1. Candimasasuttavaṇṇanā
